Desde o 2010,a proposta da AELG, vense celebrando cada 24 de febreiro o DÍA DE ROSALÍA en conmemoración da data do seu nacemento.
Este ano de 2021 a AELG utiliza o lema “TEUS DOCES CANTARES” tratando de unir a música na literatura, a música nos poemas de Rosalía e a música entorno á figura de Rosalía na nosa tradición lírica, poética e musical.
O acto central da homenaxe celebrarase en Santiago de Compostela no Panteón de Galegos Ilustres en S. Domingos de Bonaval o 27defebreiro, lendo o manifesto Anna R. Figueiredo.
Nós queremos contribuír a esta homenaxe lembrando a muller, a escritora, a poetisa e, como non, a presenza da música nos seus poemas. Non é moi difícil atopala pois, como todo o mundo sabe, o seu primeiro poemario en galego titulouse : Cantares gallegos en el Rosalía glosa cantares populares, polo que nos poemas deste libro atopamos ritmos ben coñecidos, sobretodo o da muiñeira, pero non só iso senón que a referencia ao canto ou cantar tamén está moi presente.
Charo Valcárcel Mato
Profesora de Galego
Eu son Charo Valcárcel. Nacín nunha pequena freguesía da Estrada (Sta. Cristina de Vinseiro) hai 60 anos, pero xa levo trinta e cinco vivindo en Pontevedra, case tantos como os que traballei no IES Valle Inclán (trinta e dous), toda unha vida…
Estudei Filoloxía Hispánica, aínda que me presentei e aprobei as oposicións para profesora de Lingua galega e sempre exercín como tal, do cal me sinto e sentirei sempre moi orgullosa.
No Valle Inclán coñecín a Ana, Manuel, Isidro, Benito e Sara que, considero, máis que compañeiros, amigos, bos amigos. Xuntos compartimos moitas experiencias.
Agora esta na que nos implicou Ana que, polo menos para min, é un salvavidas, un incentivo que chega para encher o oco que deixa o ensino nas nosas vidas.
Pero tamén formamos parte dun grupo de teatro de profesores (en activo e xubilados) que naceu no 2005 no seo do Valle Inclán, Argallada, e que está esperando tempos mellores para retomar a súa actividade.
Agardo que as miñas contribucións no blog devellabella sexan merecedoras do voso beneplácito ou, polo menos, non do voso desgusto.
máis artigos
♥♥♥ síguenos ♥♥♥
Trackbacks/Pingbacks