2020 : CENTENARIO DA APARICIÓN DA REVISTA NÓS
O 30 de outubro de 1920 editouse en Ourense o primeiro número da Revista Nós (Revista mensual da cultura galega, órgao da Sociedade Galega de Pubricaciós Nós). Estamos, xa que logo, a celebrar o primeiro centenario desta publicación, o fito cultural máis importante para a cultura galega do S XX.
A revista estaba ligada ao pensamento nacionalista e contaba con contidos maioritariamente ligados á cultura galega. Así en Primeiras verbas (O editorial do primeiro número) Podemos ler:
“É a ansia qu’oxe sinte Galizia de vivir de novo, de voltar ó seu ser verdadeiro e inmorrente, a evidencia lumiosa do mañán, o que nos fai sair… Os colaboradores de Nós poden ser o que lles pete… con tal de que poñan por riba de todo o sentimento da Terra… a orgulosa satisfaición de seren galegos.”
CASTELAO E NÓS. CASTELAO EN PONTEVEDRA
Non vai ser o noso cometido realizar aquí unha exposición e/ou análise da vida e obra de Castelao polo miúdo. Non é que esta figura tan sobranceira da nosa cultura non dea para escribir libros enteiros, como de feito xa se fixo, senón que pensamos que non é esta nin a ocasión nin o lugar para facelo. De todos xeitos os que vos quededes con ganas de saber máis podedes acudir a unha copiosa bibliografía sobre o escritor, artista gráfico e político que saciará a vosa curiosidade.
O motivo de que nos ocupemos del reza ben no título.
Manuel Lastra Galiano
Profesor de galego
Son Manuel Lastra Galiano. Nacín hai case sesenta e un anos en Salcedo, ao lado de Pontevedra.
Sempre me gustou a literatura polo que decidín estudar Filoloxía e facerme profesor. O curso pasado puxen fin á miña etapa de docente despois de exercer durante trinta e sete anos, trinta deles no IES Valle Inclán desta cidade.
Penso que a xubilación non debe implicar o cese da vida activa. Ao contrario, agora podo dedicarme á realización de moitas actividades lúdicas e culturais que tiña aprazadas pola falta de tempo.
A publicación deste blog responde a esta ansia de manterme activo. Xunto cos meus compañeiros, espero que as propostas que vos fagamos sexan do voso agrado.
máis artigos
♥♥♥ síguenos ♥♥♥
Moi interesante, didáctico e pedagóxico o traballo realizado por os meus queridos compañeiros/as da Revista, Charo Valcarcel e Manuel Lastra sobre o Centenario da Revista Nós e sobre Castelao. A figura de Castelao, neste traballo, faese moi emotiva, a sua paixón por Pontevedra tivo que ser un sufrimento moi forte, cando estivo no exilio en Argentina.
Non hai dereito que as autoridades galegas, naquel intre, as do PP, na década 1980 a 1990,cando trouxeron os seus restos a Galicia, non viñeran a Pontevedra como era o seu desexo. Moito cinismo houbo na traida dos restos de Castelao a Galicia e concretamente a Santiago.
Tamén foi unha mágoa que a revista Nós virase truncada pola Guerra Civil, pois era de moi boa calidade. Reitero os meus parabens a Charo valcarcel e a Manuel Lastra polo seu bo traballo.