A Asociación Galega do Libro Infantil e Xuvenil (Galix) foi a encargada de elaborar para o Concello de Pontevedra unha exposición sobre a escritora Fina Casalderrey.

A exposición, inaugurarase o vindeiro 18 de abril, nun acto que comezará ás 12 da mañá e no que estará presente a autora.

A mostra, escrita por María Lado e ilustrada por Nove Noel, leva por título ‘Fina Casalderrey: medrando entre historias’ e está composta por 20 paneis que narran o seu percurso vital e literario.

Son as propias palabras de Fina as que serven de fío condutor da exposición, ao destacar declaracións e anécdotas que ofreceu en diferentes ocasións e medios ao longo da súa carreira.

Con entrada libre ata completar a capacidade da sala, a programación desta Primavera do Decrecemento continúa nesta xornada co faladoiro ¡Aquí non hai quen viva! Acceso á vivenda e decrecemento, na cervexaría Nasa. Coa participación do antropólogo Juan Rodríguez Medela e do Sindicato de Inquilinas de Vigo-Tui-Baixo Miño e moderado polos investigadores Víctor Sánchez e Alejandro Fortuny, neste coloquio exporase o escenario do acceso á vivenda actual en Pontevedra.

SAL DO TEATRO presenta un espectáculo de temática LGTBIQ+ no ámbito rural de Galicia, concretamente na celebración da Rapa das Bestas de Sabucedo. 

Un texto de Santiago Telmo e Carlos Losada. Interpretado por Borja Salgado e Santiago Telmo. Dirixido por Rocío Romero e con Álex Sobrino no espazo escénico (iluminación, audiovisuais e son), sendo a escenografía e o vestiario ideados pola propia compañía.

Roi e Rafa son dous antigos amigos da infancia que se atopan na Rapa das Bestas en Sabucedo logo de moitos anos, Roi marchou a vivir a Madrid e Rafa segue a vivir na vila. De pequenos eran moi amigos pero foron distanciándose polas circunstancias da vida. No seu encontro en Sabucedo comezan a aflorar outro tipo de sentimentos que estaban ocultos, e dunha amizade comeza a xurdir unha paixón.

Brokeback Sabucedo é un canto á diversidade, unha homenaxe a tradición galega e unha crítica á enerxía eólica.

Duración 65 min.  

Alba Miguez e Damián Gómez Figueiras presentan o seu cómic!
XERAI

O Palacete das Mendoza abre ao público este venres, 19 de abril, a exposición “Color y vida”, na que a pintora pontevedresa Soco Vara de Rey recompila as súas pinturas na busca da cor e “da forma do meu verdadeiro eu”. A mostra poderá visitarse na sede de Turismo Rías Baixas, ata o vindeiro 5 de maio.

Como explica a o propia artista, a súa obra actual xorde tras un período de cinco anos sen pintar. Un cambio na súa vida impulsouna a retomar os pinceis e encher os seus cadros de cores. Desta maneira, para crear as súas obras prepara o soporte cunha base de cor e despois “deixa fluír” o pincel ao ritmo da súa imaxinación e sentimento, algo que se pode observar en cada un dos cadros da mostra.

Os primeiros instrumentos que tocou Gorka Benítez eran do folclore vasco, pero o inicio da súa formación no Conservatorio de Bilbao e o seu traslado a Barcelona, Badalona e posteriormente tres anos en Nova York (grazas a unha bolsa que lle permitiu estudar no Harbor Performing Arts Center e a Mannes School of Music), consagrárono como un dos nosos saxofonistas máis solicitados. En América foi tamén onde formou os seus propios tríos que interpretaron as súas composicións.

A exposición itinerante A NOSA ARTE permitirá que todos os galegos e galegas poidan descubrir de primeira man un dos aspectos máis descoñecidos do Parlamento como é a súa colección de arte. Ao longo dun amplo percorrido, que a transportará polas principais cidades e vilas de toda a xeografía galega, esta mostra exhibirá pezas particularmente significativas da arte contemporánea de Galicia. Unha retrospectiva selecta para dar conta da importancia que este tipo de práctica ten como expresión da pertenza a Galicia.