Concerto de Nadal do Coro do Campus de Pontevedra.

O Coro Polifónico do Campus de Pontevedra ofrece un concerto de nadal no salón de actos da Biblioteca Pública de Pontevedra. Trátase da primeira actuación que ofrece no presente curso esta formación integrada por 34 persoas de diferentes idades, que se forman en música vogal nunha actividade inserida na programación cultural da Vicerreitoría do campus e aberta a toda a cidadanía.

Dirixida por Luisa Sánchez, licenciada en musicoloxía pola Universidade de Oviedo e titulada profesional en piano polo Conservatorio de Xixón, esta formación interpretará un repertorio conformado por cancións africanas e caribeñas, así como por panxoliñas. Concertamente, o Coro do Campus interpretará neste recital as pezas Abeeyo, Gaudeamus Hodie, Ipharadisi, Ukuthula, City of stars, You raise me Up,  A Belén vinde e Jingle bell rock.

Os próximos 18-19-20 (mércores, xoves e venres) no café Moderno, de 11 a 13 horas poderanse ver e mercar os bolsos creados polas socias de Afundación que participaron na actividade  “Lana creativa”, que ten unha finalidade solidaria. O recadado irá a unha residencia de Valencia.

“La casa en Flames” de Dani de la Orden. España| 2024 | 150´ 

A actriz María Rodríguez Soto, o guionista Eduard Sola e a produtora Ana Eiras falarán da súa película ‘Casa en flames’ (dirixida por Dani de la Orden), que suma o maior número de nomeamentos (8) da presente edición dos premios Feroz.

A entrada é gratuíta. As invitacións deben retirarse previamente na oficina de Turismo da Praza de España de Pontevedra, desde sete días antes de cada actividade e ata completar o aforo. Máximo 4 localidades por persoa.

Presentación do libro “Esencia e paixón dunha viaxe” de José Raposeiras. Edicións Fervenza.

O acto terá lugar o mércores 18 ás 19:00 horas no edificio Castelao do Museo de Pontevedra

Entrada de balde ata completar capacidade

Proxección de curtas realizadas polo alumnado

A Facultade de Comunicación acolle, no seu plató de cine, unha nova sesión da Máster Class Audiovisual Galego Augal, dedicada ao IV Concurso A Canteira-Augal. Coordinada polos profesores Miguel Anxo Fernández e Paulino Pérez, co patrocinio da Axencia Galega das Industrias Culturais (Agadic), Augal dedica esta sesión á proxección de oito curtametraxes realizadas polo alumnado da facultade, que optan ao premio á mellor curta do curso 2023/2024, que se entregará ao remate da sesión.

O Ateneo de Pontevedra organiza un acto en homenaxe a Alfonso Zulueta de Haz  con motivo do centenario do seu nacemento, en 1924. No acto presentarase o libro “Alfonso Zulueta. Unha humanidade vivida”, coeditado por Editorial Galaxia, Editorial SEPT e Fundación Penzol.

O acto, no que intervirán Xaime Toxo, presidente do Ateneo de Pontevedra; Rafael López Torre, escritor; Guillermo Campos, xornalista; Pilar Allegue, filósofa e escritora; Fernando Filgueira Iglesias, médico e padroeiro da Fundación Filgueira Valverde, e Antón Vidal Andión, presidente do Consello de Administración de Editorial Galaxia. terá lugar o vindeiro xoves 19 de decembro, ás 19:00 horas, na Casa das Campás.

A entrada é libre ata completar capacidade. 

O pianista arxentino Juan Carlos Cambas, que ten colaborado con estrelas como Dulce Pontes, Mercedes Sosa ou Silvio Rodríguez, repasa 30 anos de carreira.

Neste concerto ‘Notas da viaxe/30 anos de música’ estará acompañado de Manolo Gómez no charango, Tarka Gulín en voz e violonchelo, e as cantantes Rosa Leiro e Jorgelina Piana.

Concerto solidario persoas afectadas pola DANA de Valencia Cmus Manuel Quiroga

Gala benéfica de Navidad a favor del Conservatorio de Música de Utiel. Auditorio do Pazo da Cultura de Pontevedra.

Ven a pasar a tarde connosco neste evento que no que se xuntan varias das cousas que máis nos gustan: Colaborar con artistas locais coa exposición SOÑOS de Carlos Saburido , quen nos trae os gravados que leva producindo os últimos anos e que van ver a luz en formato exposición por primeira vez. Ensinarvos as camisetas, calendarios bordados, prints e algunha cerámica que producimos ultimamente na nosa aventura como artistas, ademais de reproducións e obra orixinal de Carlos e que poden ser unha opción estupenda para regalar este nadal Música ambiental en directo, viño e picoteo
Armate o plan, trae aos teus amigxs e ven a pasar unha tarde diferente Entrada libre e garantía de bo rollo.

Volta Sons de Outono, un festival a pé de rúa que quere achegar as músicas de fusión á cidadanía no mediodía dos fins de semana. Para isto o Seminario Permanente de Jazz de Pontevedra, quere contar con artistas de proximidade.