A Aula de Música Tradicional do Campus de Pontevedra leva a cabo, ao longo do mes de xuño, unha serie de concertos en diferentes prazas da cidade. Promovido pola Vicerreitoría do campus, coa colaboración do Concello de Pontevedra, o ciclo continúa nesta xornada cunha actuación do seu grupo de gaitas e percusión na praza do Teucro, onde estará acompañado polo Coro Universitario Polifónico do campus.

Inauguración da exposición de “Eva a Maruxa”.

A inauguración da mostra será o 17 de xuño ás 11:30 horas no mercado municipal de Pontevedra.

Presentación na Casa das Campás a publicación  “Diagnose do Programa Universitario de Maiores na UVigo“

Coloquio “A diversidade nas aulas… Materia pendente?”, que abordará as conclusións dun estudio pioneiro realizado polo Concello de Pontevedra nos insituttos. Interveñen Anabel Gulías, concelleira de Igualdade,  Eva Mejuto, de Pinto e Maragota; e o equipo de Igualdade do IES Valle Inclán. Estará moderado pola xornalista Belén López.

A activista trans Laura Bugalho falará da discriminación que sofre a xente trans no deporte a través dunha charla “Memoria LGBTIQA+ galega” na Casa das Campás. Será o mércores 18 ás 19:00 horas.

Presentación do libro “Canon de cámara oscura” de Enrique Vilas-Matas.

Estará acompañado pola xornalista Susana Pedreira de Onda cero

Seminario-obradoiro de filosofía práctica a cargo de Elodie Moreau

Xoves: “Como pode a arte axudar á paz en tempos de guerra?”. Facultade de Belas Artes de Pontevedra, Espazo 14.

Venres : Conversa filosófica “É a arte unha vía de escape do mundo ou un xeito de transformalo?”. Arredor da instalación Barricade, Ruínas de San Domingos.

Inscrición en jofre@uvigo.es, antes do martes 17 de xuño.

Permítense oíntes sen necesidade de matrícula. A actividade desenvolverase en inglés.

Presentación do libro Vidas e historias LGBT da idade media de Carlos Callón. O autor conversará con Nee Barros.

Neste libro analízase a evolución da diversidade LGBT ao longo da Idade Media, centrándose sobre todo en documentación galega e portuguesa, que ofrece información crucial nunha dimensión europea. Abórdanse nas súas páxinas diferentes relatos e retratos que quebran o que podiamos pensar sobre esa etapa: o matrimonio máis antigo entre homes de que conservamos documento na Península (entre Pedro Díaz e Munio Vandílaz, en 1061); o «amor» entre Sancha Pérez e Maria Leve na Compostela do século XIII; 

O Ateneo de Pontevedra organiza o xoves 19 de xuño ás 19:00 horas a conferencia titulada “Santiago de Compostela, entre hoxe e mañá“, que será impartida polo recoñecido arquitecto Xerardo Estévez.

O acto, que terá lugar no Espazo Nemonon, contará tamén coa presenza do arquitecto Mauro Lomba, quen acompañará ao relator.

Esta conferencia forma parte do ciclo “Rompendo as barreiras do localismo“, unha iniciativa que o Ateneo de Pontevedra realiza en colaboración coa Federación de Ateneos de Galicia.

Cata de viños dirixida por Jacobo Rivas na vinoteca Kamal. Xoves 19 ás 20:30 horas.

Prezo 45 Euros, pinchos ao final da cata

Inauguración da exposición “O camiño portugués” de Pepe Varela no Palacete das Mendoza.

Na mostra, Pepe Varela, de 88 anos e cunha traxectoria marcada pola paixón e o talento, invítanos a descubrir o Camiño Portugués a través dos seus ollos, percorrendo este itinerario desde unha perspectiva íntima e emocional.

O venres 20 dentro do marco da Bienal de Pontevedra, temos visita a libraría de Gervasio Sánchez que firmará os seus libros.

Derradeira sesión de poesía e microrrelato enPontevedra ata despois do verán.

Mercedes Sancho, Javier Santalices, Noemia Veiga e Uxío Torreira encherán de poesía o Forno.

Ao rematar, unha rolda de micro aberto (2 minutos cada unha)

PEREGRINACOLOR Un acontecemento único de luz e de música, unha primicia para Pontevedra. Patrice Warrener proponnos unha “iluminación policromada contemplativa” do santuario da Peregrina de Pontevedra. A intervención desenvolverase os días 20, 21 e 22 de xuño de 2025 desde o anoitecer 23:30 á medianoite (ou a 1 a.m.). En paralelo á escenografía en cor da Peregrina celebrarase, o día inaugural, un concerto de música contemporánea e os días sucesivos o seu desenvolvemento terá un fondo de música sacra, como o gregoriano, e música barroca. A iluminación polícroma da fachada do Santuario será fixa, estática e sen cambios, cunha soa versión. Tras un centenar de iluminacións polícromas en fachadas dos máis prestixiosos edificios, igrexas ou catedrais en Francia, Europa – unha decena delas en España- e no resto do mundo, esta será a primeira vez que a técnica CHROMOLITHE preséntese en Pontevedra. Unha técnica que foi desenvolta por Patrice Warrener a partie de 1987, cuxa única patente posúe o autor. Para obter mellores resultados na intervención é necesario que a Praza da Peregrina estea o máis escura posible.

Tes bo calzado? Prepárate, que chegan os primeiros paseos de Pontevedra(d)escrita!
Ven connosco seguir as pegadas da poesía en Pontevedra. Os días 21 de xuño (11h e 19h) e 4 de xullo (19h). Inscríbete en: https://apuntate.pontevedra.gal/visitas-guiadas-pontevedra-poetica/ 
De Paio Gomes Charinho, pasando por Filomena Dato e chegando a Fran Cortegoso, daremos unha volta aos oito séculos de intensa e profunda relación entre Pontevedra e a poesía en galego.

Máximo 30 participantes. Duración Hora e media

Presentación do libro Problemas en el paraíso de Lucía Viéitez. A autora conversará con Cynthia Menéndez.

Problemas no paraíso recolle momentos da vida cotiá. Cunha voz honesta e sen artificios, estes poemas retratan o amor que se desgasta, a rutina que asfixia e os silencios que din máis que as palabras. Hai nostalxia, pero tamén ironía; hai desencanto, pero tamén unha mirada cara ao perdido. Cada verso é unha porta entreabierta ao que se esconde detrás das aparencias: o descoido que rompe a harmonía, o detalle que cambia unha historia, a certeza de que a perfección non existe

O traballo de Carlos Bunga (1976, Porto, Portugal) expón unha reflexión sobre a fraxilidade e a transitoriedade das estruturas que habitamos, xa sexan arquitectónicas, sociais ou simbólicas. Por medio de materiais efémeros coma cartón, cinta adhesiva e mobles reutilizados, crea arquitecturas precarias que convidan a imaxinar novas formas de habitar máis abertas, sensibles, sostibles e humanas. A través das súas instalacións, pinturas, esculturas e películas, que inclúen unha dimensión performativa na que se percibe a acción de construír e destruír, Bunga desafía a rixidez das estruturas fixas e propón sistemas máis flexibles, onde a fraxilidade e a inestabilidade son un punto de partida para o cambio. A súa obra é profundamente política, unha invitación para repensar como habitamos e que podemos construír se nos afastamos da monumentalidade e das estruturas permanentes que reflicten o poder para propoñer, no seu lugar, arquitecturas temporais, móbiles e sensibles á contorna.

Nas súas pezas para a Bienal de Pontevedra, Carlos Bunga rescata a experiencia da Ciudad de los Muchachos de Benposta (Ourense), unha cidade-circo autoxestionada que, durante a Ditadura franquista, xurdiu como unha forma de resistencia cotiá.

Me and My Soul (A miña alma e mais eu): un espectáculo de Raida Adon

O traballo da artista palestina Raida Adon (1972, Acre, Israel) abarca disciplinas coma a pintura, o cinema, o espectáculo e o activismo. Criada nunha familia multiétnica e multirrelixiosa nunha rexión marcada polo conflito, a súa obra eríxese como unha resposta crítica ás estruturas de poder dominantes que oprimen os pobos colonizados e reflicte as tensións identitarias dunha rexión arrasada polo conflito. Adon explora cuestións que xorden da súa propia biografía, coma a guerra, o desprazamento e a pertenza, mentres aborda os efectos devastadores das loitas territoriais e políticas. O seu traballo convértese nunha ferramenta fundamental para desenmascarar a violencia estrutural que subxace tras a causa palestina ao ofrecer unha visión crúa das contradicións inherentes á ocupación.

Exposición de poesía e pintura de Tina Otero, Isabel Ramírez e Manuel Muñoz.

Nodo Resonante, instante que vibra e conecta Cocreando.

Do 6 ao 20 de xuño no Liceo Casino

Exposición de Patricia Maquieira Franco “Dulce presencia” en Confitería Landín na rúa Michelena.

Exposición de Alfonso Sola “A la intemperie” en Tabula rasa rúa Marquesa 4

 Visita as Ruínas de San Domingos, un dos edificios máis emblemáticos da cidade de Pontevedra, que forma parte do conxunto de sete edificios do noso Museo. Pódense visitar os restos do que foi o convento dominico da cidade, con moito que ver: