Daisies de Vera Chytilová 1966
Dúas mozas novas conclúen, mentres toman o sol en bikini, que “se neste mundo todo está corrompido, estaremos corrompidas nós tamén”. Así se activa o mecanismo que pon en marcha a película: unha tras outra, iranse producindo escenas inconexas nas cales as dúas protagonistas xogan a ser malas coa súa contorna. Enganan a homes maduros para comer @gratuitamente, escriben e debuxan nas paredes da súa casa, improvisan un baile nun cabaret para boicotear o número que está en escena, engolen e esnaquizan os manxares dun banquete preparado para outros. Unha película que rompe toda linealidad narrativa empregando a técnica da colaxe, tanto a nivel visual como auditivo

Obras que celebran o cotián, a natureza e as raíces.

Descubre o traballo de Galia Blanco @galiablanco na nosa nova exposición.

Cuarteto Diógenes Stefan Kirpal e Gundula Kirpal (violines), Alba González Becerra (viola) e Stephen Ristau (violonchelo)

Integral dos cuartetos de corda de Beethoven (II)
BEETHOVEN: Cuarteto de cuerda nº 4 en Do menor, op. 18 nº 4
BEETHOVEN: Cuarteto de cuerda nº 11 en Fa menor, op. 95 (”Serioso”)
BEETHOVEN: Cuarteto de cuerda nº 9 en Do mayor, op. 59 nº 3 (”Razumovsky”)

Continuamos co festival de cine gastronómico no Mercado de Abastos!

Proxectamos “El festín de Babette”, de Gabriel Axel

Século XIX. Nunha remota aldea de Dinamarca, dominada polo puritanismo, dúas anciás irmás, que permaneceron solteiras, lembran con nostalxia a súa afastada mocidade e a ríxida educación que as obrigou a renunciar á felicidade. A chegada de Babette, que vén de París, fuxindo da guerra civil, cambiará as súas vidas. A forasteira pronto terá ocasión de corresponder á bondade e á calor con que foi acollida. Un premio de lotería permítelle organizar unha opulenta cea cos mellores pratos e viños da gastronomía francesa. Todos os veciños aceptan a invitación, pero póñense previamente de acordo para non dar mostras dunha satisfacción que sería pecaminosa. Pero, aos poucos, nun cerimonial intenso e emotivo, van cedendo aos praceres da cociña francesa

Entrada libre ata completar aforo

Pallasos en Rebeldía convoca á cidadanía de Pontevedra a Cultura contra a Barbarie, Gala Artística por Palestina, que terá lugar o mércores 4 de marzo, a partir das 20.00h, no Teatro Principal, coa colaboración do Concello de Pontevedra.

Pallasos en Rebeldía é un espazo artístico de solidariedade internacional e fraternidade entre os pobos a través das artes escénicas e sobre a base de que a alegría e a risa poden e deben ser transformadoras. A presente gala, na que participarán diversas artistas galegas dos ámbitos da música, maxia, teatro e narración oral, busca a participación activa da sociedade, non só para recadar fondos, senón para pór en valor a importancia da cultura como motor de transformación social e como altofalante para a causa do pobo palestino, sobre a que cómpre manter a información, a atención e, sobre todo, a nosa solidariedade.

Todos os fondos recadados nesta gala destinaranse a financiar as accións artísticas e humanitarias da entidade en territorio palestino. Un evento que mestura o compromiso e a arte, cun elenco composto por algúns dos grandes nomes da escena galega e que encherá  o escenario do Teatro Principal de risas por un mundo mellor.

Ponte Teatro TROMSØ Morraoconto

Cando un ser querido nos deixa, o baleiro que queda énchenos dun silencio que, ás veces, nunca conseguimos facer desaparecer. Aférrase ao corazón apagando para sempre parte da súa luz. Tromsø é unha reflexión en clave de humor dende a perda. Sobre a vida, a morte e todo o que queda entre medias. É un canto á tristura pero tamén á esperanza. Unha viaxe épica polos mares do norte, navegando tormentas, fiordes e enormes cardumes de arenque, na procura de respostas nun lugar onde as candorcas, co seu canto, desgarran o silencio salvaxe da aurora boreal.

Autoría: Rafa Martínez. Dirección: Rafa Martínez e Esther Latorre. Elenco: Miguel Gendre, Lara Pouso, Lidia Veiga, Julia Ammerman e Lucía Iglesias.

Duración: 80 min

O Ateneo de Pontevedra organiza a presentación do libro Agora non é antes do ensaísta Antón Baamonde, editado pola Editorial Galaxia.

O acto, no que participarán Xosé Hermida (xornalista de El País), Teresa Táboas (arquitecta e vicepresidenta da Unión Internacional de Arquitectura) e Antón Baamonde (profesor de filosofía e ensaísta), terá lugar o vindeiro venres 6 de marzo ás 19:00 horas, na área acristalada do Edificio Castelaodo Museo de Pontevedra.

A entrada é libre ata completar capacidade.

Workshop Clutch de pel Data: 07/03 Hora: 10:30h (ata 3 horas) Prezo: 85€ por persoa

Neste workshop contamos coa artesá @ceciliafurlan e no poderás crear o teu propio clutch de pel, elixindo entre dous modelos e axustándoo ao teu estilo (cor da pel, longo de asas…). Non necesitas experiencia previa: Cecilia acompáñavos paso a paso para que gocedes do proceso e levédesvos unha peza feita única e lista para usar. Información e reservas na nosa páxina web (link en bio)

Sábado de Mans a obra en Pontevedra! Tes ganas de crear algo novo pero non sabes por onde empezar?

Convídoche a un taller onde a colaxe, o debuxo e as palabras mestúranse para dar forma ás túas ideas. Serán 3 hs para ti, para experimentar sen presións e en comunidade na fermosa Galería Tangram.

Todo incluído: Temos todos os materiais preparados. Multidisciplinar: Debuxo, pintura, colaxe e escritura. Non te quedes fose! As prazas son limitadas. Envíame un DM ou fai clic no link da miña biografía para reservar a túa praza para este 07/03. Dúbidas? Escribime! Vémonos pronto! Prezo:30 € (Incluye materiais)

Do 23 de febreiro ao 8 de marzo Exposición de Jacinto Cajete e Eulogio Tordesillas. Unha mostra que reúne paisaxes, bodegóns e obras sobre papel realizadas por ambos os artistas. A inauguración terá lugar o 2 de marzo ás 19:00 horas, e incluirá a presentación do libro “Memoria de Cans e Serpes”, do autor Luis Alberto García González ás 19:30 h. A entrada será libre ata completar aforo. 

II Mostra poética Versos a dúas voces. que terá lugar o sábado 14 de marzo de 2026 ás 12:00 horas no Edificio Castelao do Museo de Pontevedra, sumándose á celebración do Día Mundial da Poesía.

Versos a dúas voces é un encontro literario no que autoras e autores comparten escenario en parella para recitar, declamar ou poñer en escena un poema —propio ou creado para a ocasión— nun formato dinámico que favorece o diálogo poético e a complicidade artística.

O acto contará tamén cunha actuación de música tradicional galega.

A entrada será libre ata completar aforo

Presentamos un dos proxectos máis especiais deste ano do noso centenario.
O vindeiro 23 de marzo de 2026, a Sociedade Coral Polifónica de Pontevedra estreará “Leucoíña. O canto das augas“, unha cantata composta por Brais González especialmente para a nosa coral, que interpretaremos xunto coa Orquestra Sinfónica de Pontevedra.
Unha nova creación musical inspirada na memoria, no mar e na historia da nosa cidade, que comeza o seu camiño cara ao escenario.