Festival das Artes Escénicas: ASPADISI “ROMEO E XULIETA“

Esta peza teatral nace froito da motivación, as inquedanzas, a insistencia e o esforzo das persoas participantes, que levaban un tempo “reclamando” querer introducirse no mundo teatral.

O texto é unha adaptación cómica da obra de Shakespeare, porque o que queremos é facer rir ao público.

Mestura o teatro co audiovisual, e todo o proceso de gravación, atrezzo, luces e son foron realizados polas persoas do centro xa que a Aula de Audiovisual do IES Chamoso Lamas do Carballiño, vén realizando dende o ano 2024 un obradoiro de cine en ASPADISI.

O Ateneo de Pontevedra organiza unha a conferencia do arquitecto César Portela dentro do ciclo A estirpe de Sesmero.

O acto terá lugar o vindeiro mércores 27 de maio ás 19:00 horas, na Casa das Campás.

A entrada é libre ata completar capacidade.

Presentación do libro “Begoña Caamaño, unha das nosas” conversa con Lara Rozados e Charo Lopes

Ciclo cinematográfico “Miradas de directoras africanas neste século”, cuxa quinta sesión terá lugar este mércores, 27 de maio, ás 20:00h, coa proxección do Filme:  SOUS LES FIGUES (Bajo las higueras) de Erige Sehiri.  Duración: 92′

 Sipnose: No noroeste de Tunes, Sa, Fidé, Melek e Abdou traballan colleitando figos. Baixo o testemuño das árbores, desenvolven novos sentimentos, discuten, atópanse e agóchanse, coquetean e intentan entenderse. Ao longo do día, a horta convértese nun teatro de emocións, onde se representan os soños e as esperanzas de cada un deles.

Xornada | Responsabilidade Social Corporativa con impacto real
Rotary Club Pontevedra e Amencer-Aspace organizan unha xornada sobre RSC, colaboración empresarial e impacto social. Xoves 28 de maio de 2026 09.15 h Amencer-Aspace | Pontevedra Unha mañá para compartir experiencias, xerar conexións e reflexionar sobre como converter a responsabilidade social en impacto real. Inscrición: https://docs.google.com/…/1FAIpQLScKXLjwUAfNZ4…/viewform Capacidade limitada

O Ateneo de Pontevedra organiza a a presentación do libro “Notas (*) ao pé de páxina” de Xurxo Estévez.

O acto, presentado polo presidente da APDR, Antón Masa Vázquez, terá lugar o vindeiro xoves 28 de maio ás 19:00 horas, na Librería Paz.

A entrada é libre ata completar capacidade.

Presentación do libro, La sombra del tránsito, de Nacho Piñeiro, publicada por Outubro Negro Edicións. E xa temos data para a presentación: 28 de maio 20.30 horas Café Moderno, Pontevedra.

Kevin Johansen e Liniers aterran en Galicia co seu inconfundible espectáculo de música e ilustración ao vivo. Unha cita imperdible que marca a fin da súa xira europea, que comezou no 2023, e que, tras máis de 100 concertos, pon o broche de ouro a 16 anos de complicidade artística sobre o escenario.

Arte, música, amizade e humor intelixente conflúen nun show único. Kevin Johansen ofrece un percorrido polas cancións máis recoñecidas da súa discografía, mentres que o debuxante Liniers improvisa, ilustra e recrea debuxos en tempo real proxectados sobre o escenario. Un concerto ilustrado que envolve ao público nunha experiencia sensorial extraordinaria. 

Descobre novos aromas e sabores no noso taller de té. Aprenderás a preparar diferentes tés especiais e bebidas como chai latte, golden milk ou matcha, alén de consellos para desfrutar mellor do té en casa. Inclúe cata guiada, degustación e material didáctico. O taller é gratuíto. Venres 29 de maio 17.00 h Taller de té Prazas limitadas 

A sala de conferencias da Casa das Campás acolle a proxección de Blade Runner (EEUU, 1983), de Ridley Scott, na última sesión do ciclo de cinema Imago mundi, promovido polo Campus Crea, co apoio da Deputación de Pontevedra, dentro da programación da Semana Crea. Integrada por seis sesións, no meses de abril e maio, esta programación busca amosar algunhas das rutas escollidas polo cinema para ilustrar a interacción entre home, tecnoloxía e contexto.

O Pazo da Cultura de Pontevedra acollerá o vindeiro 29 de maio, ás 20:30 h, un concerto no que participarán máis de 300 coralistas e instrumentistas que, baixo a dirección de David Fiuza, interpretarán poemas de Manuel María, Rosalía de Castro e Celso Emilio Ferreiro. Entrada libre ata completar cabida.

Trátase dun destacado proxecto colectivo promovido pola Fundación Manuel María, que ten como finalidade poñer en valor a obra As rúas do vento ceibe a través da súa adaptación musical. O compositor Xosé Carlos Seráns é o responsable da creación das pezas, que serán interpretadas por unha formación musical de grande relevancia, integrada pola Orquestra Sinfónica de Pontevedra e unha ampla representación coral de Galiza.

Ola, querides amiguis! O verán está a chegar e, antes de entregar os nosos ritmos a el, reunímonos unha vez máis para compartir poesía, música e comunidade. Vinde o 29 de maio para compartir a vosa poesía, algo máis ou simplemente para escoitar. Como sempre, a poesía en todas as linguas, de todos os tipos e por parte de todes é benvida. Ademais, Zeltia Irevire, compositora e cantante, acompañaranos coa súa fermosa voz e guitarra. A súa música trata temas sobre a relación entre o humano e a natureza, levándonos nunha viaxe que mestura folk e blues. Vémonos o venres 29, ás 21:00, apertas poéticas! (O seguinte recital terá lugar despois do verán) 

Coa importante colaboración do Concello de Pontevedra, ademais dos establecementos que teñen a ben participar nesta actividade, no ultimo Venres de cada mes, comezando en Xaneiro ata o mes de Maio, ás 21 hrs na primeira taberna e ás 22:30 hrs na segunda.
29 de MAIO
– “Moderno”
– “O Forno” (Rúa Riestra)
 TROULA NA BARQUIÑA

O vindeiro sábado 30, Lucía Aldao e Samuel Merino presentan OS NOMES ÍNTIMOS na libraría Metáfora!
Un “comfort show” sobre quen somos e como nos chamamos que combina o humor coa reflexión profunda sobre a saúde mental e o dereito a ser.

Que nome ten a túa identidade? Como te chamaban antes de saber quen eras? “Os nomes íntimos” é a nova proposta de Lucía Aldao e Samuel Merino, un encontro de poesía escénica e música que foxe de calquera distancia para abrazar a autenticidade. 

Samuel e Lucía comparten as súas propias feridas e vitorias para convidar ás persoas asistentes a un diálogo aberto. Falaremos dos nomes que portamos en silencio, dos alcumes que nos deron as nosas amizades e de como a palabra pode transformar a vella vergoña en nova fachenda.

O  sábado 30 SEÑORAS EN BICICLETA  con Ana Bulnes, Raquel C. Pico e María Ramos  @sushi.books

Concerto Da Vad

Xabier Agra, Maria Blanco e Xacobe Varela

30 Maio – Casa da Luz – 20:30 h.

Segunda sesión do @clube_disco_pontevedra. O próximo día 30, falaremos, leremos e escoitaremos música porque o sábado teremos na @nasa_a_santina a @oscar_avendanho.
Óscar presentaranos o seu libro “Lo tengo en vinilo”. Falaremos con el tal como reza a portada sobre “una historia sobre la fidelidad y el amor a un formato”. Un amor que compartimos no @clube_disco_pontevedra .

Ademais pincharemos algunhas das cancións dos seus discos favoritos e teremos a sorte de desfrutar dun miniconcierto acústico do propio Óscar.

INSCRICIÓN ABERTA….
O Concello de Pontevedra organiza o Domingo 31 de Maio a 3ª ruta Ponteandadas 2026 MARCON
10h con saída e chegada na Casa da Cultura de Marcon. 14 km. circular
Dificultade: Media-Baixa
Inscrición ata o venres 29 de Maio ás 24h. 9,30 Quecemento con Zumba 
Para calquer aclaracion no cartel adxunto… ou telf. 625482636 ou donde se poden facer os bizum de 2€ da inscricion

VIDA É  MOVERNOS

O 31 de maio camiñamos por quen fixo posible miles de vidas. Pasos de Gratitude · Marcha solidaria polos doantes de órganos, tecidos e células e as súas familias. Hospital Provincial de Pontevedra 10.00 h · 6 km · Percorrido circular 5 € · Prazas limitadas a 300 Veñas de onde veñas, ese día camiña connosco. Mesmos pasos de sempre, motivo engadido. Inscrición: https://i.gal/kkdru Non podes asistir? Suma co Dorsal Solidario.

O Ateneo de Pontevedra organiza a presentación da novela “Elas dúas” (premio Álvaro Cunqueiro de novela) do escritor Luís Rei.

O acto, no que intervirán Rosario Álvarez, catedrática de Filoloxía Galega da Universidade de Santiago e presidenta do Consello da Cultura Galega, Marcos Calveiro, director de edicións da Editorial Galaxia, e Luís Rei, terá lugar o vindeiro domingo 31 de maio ás 12:00 horas, no Edificio Castelao do Museo de Pontevedra.

A entrada é libre ata completar capacidade.

Para o derradeiro concerto do ciclo de butaca 25/26, contaremos con dous solistas de excepción: Marina Penas (soprano) e Pedro Martínez (barítono).
De paseo por Broadway. 31 de maio ás 12h no Pazo da Cultura de Pontevedra.
Agardámoste!!

Despois dunha primeira xira reunindo a milleiros de persoas polos teatros de toda Galicia, Perdomo e Touriñán volven coa súa parella máis perigosa: o amor.

Un espectáculo de citas tolas, paixóns imposibles e personaxes que non deberían xuntarse… pero xúntanse igual. Un First Dates á galega, humor salvaxe e moito corazón.

EXPO GALIZA DE 𝐏𝐀𝐓𝐑𝐈𝐂𝐈𝐀 𝐌𝐀𝐐𝐔𝐈𝐄𝐈𝐑𝐀
Com motivo da Festa da lingua, a polifacética artista pontevedresa Patricia Maquieira expom no espaço da Parede da Pedreira a sua coleçom”Galiza”.
Esta série de ilustrações propõe um emotivo passeio pela memória infantil de Pontevedra, o latejo vivo do seu mercado e a riqueza da nossa cultura de raiz.
Feitiñas – Made na miña leira (coleçom Galiza)

Logo dun proceso selectivo intenso polo número de participantes e pola calidade das propostas, as obras escollidas para participar xunto a Manuel Moldes en Vieiros en Pontevedra foron as de Candela Sueiro Sanisidro, Eva Díaz Vilaboa, Inés Martínez Caramés, Iria Pérez Rial, Jimena Arenas Costas, Mariña Rey Noya, Nuria Costas Fernández, Pau Ubeira Carramal e Xulia García Pintos.
A inauguración da mostra terá lugar o próximo xoves día 14 de maio. Será ás 19:00 na sede da Fundación Manuel Moldes en Pontevedra na rúa Benito Corbal 47, 8º andar (acceso por r/ Javier Puig 3).

Exposición colectiva “A derruba”.

Inscrición previa a través do QR do cartel!!!

A inauguración da exposición terá lugar o mércores 6 de maio ás 19.00 horas con entrada libre na Casa das Campás.  Permanecerá instalada ata o 5 de xuño e visitable de luns a venres de 9.00 h. a 21.00 h. e sábados de 10.00 a 14.00h e de 16.00 a 21.00h.

Este sábado 25 de Abril de 12:30 a 15h, inauguración da nova exposición de Patricia Maquieira. “Tempo de Colleita”
Estades todxs convidadxs.