A necesidade de estar ben informados.
O luns 27 ás 10:00 imos ter na Planta Baixa da Facultade a Vivian Rangel de @maldita.es para falarnos de educación mediática, de pensamento crítico e de ferramentas para non caer na #desinformación
Organizado por @albertodafonte e o Grupo de Innovación Docente Dixitais, co apoio da Fundación Maldita.es e @iberifie

O ÚLTIMO VERÁN
L’Été dernier, Catherine Breillat, 2023, Francia, 104′, VOSE. Lingua orixinal: francés

Anne é unha brillante avogada, casada e con dúas fillas, que se xoga a súa reputación cando inicia unha relación sentimental co fillo adolescente do seu marido, froito dun matrimonio anterior.

Catherine Breillat adéntrase sen tabús no desexo feminino da man dunha espléndida Léa Drucker nesta persoal e desafiante relectura do filme danés Raíña de corazóns (May el-Toukhy, 2019). Considerado por Cahiers du Cinéma como un dos máis elocuentes filmes do ano 2023, o filme fíxose co Premio Especial do Xurado no Festival de Xixón no 2023.

Taller en Pontevedra de Menopausa “Coñecela para querela”

Ante a demanda de moitas mulleres que me piden que volva dala aquí estamos de novo. Será en Pontevedra, o martes día 28 de Outubro, de 18:30 a 20:00. Non é necesario inscrición previa e como todas estas charlas será gratuíta. Faremos un percorrido polo noso corpo, as nosas hormonas, que nos permitirá entender os nosos síntomas e veremos que ferramentas podemos usar para manexar esta etapa nós mesmas. Desde unha visión da Medicina Integrativa, entendendo as causas que provocan os nosos síntomas para poder cambiar algo e aceptar esta nova etapa. Esta charla non é só para mulleres con menopausa, é para calquera persoa que queira estar informada do que nos pasa, o que nos vai a pasar ou o que sucede ao noso ao redor.

Presentación do libro de Luis Colder “Código Hobo“, o autor estará acompañado por Ramón Rozas.

Non deixamos de lado as actividades mensuais, pechamos outubro co primeiro día de lectura do ensaio “la clase importa” de Bell Hooks
Esperámosvos martes no Ye Olde Basset 

O NENO
Le Garçu, Maurice Pialat, 1995, Francia, 102′, VOSE. Lingua orixinal: francés

Gerard e Sophie teñen un fillo de tres anos, Antoine (interpretado polo propio fillo de Pialat), e están ao bordo do divorcio. De vacacións na illa Mauricio, Sophie finalmente rompe a relación. Xa en París, Gerard séntese culpable xa que nunca se ocupou moito do seu fillo e trata de pasar máis tempo con el. Ten a sensación de que nunca quixo tanto a ninguén e de que nunca ninguén o quixo tanto.
A derradeira película de Pialat (que non chegou a montar) é, en palabras de Serge Toubiana, unha home movie autobiográfica en forma de pintura cubista que volve aos grandes temas do cineasta: o grupo de familia, a morte, a infancia.

TALLER 4: ALIMENTACIÓN + E SAÚDE (Aprender a cuidar a túa saúde con boa alimentación e ferramentas dixitais accesibles)

O grupo teatral Méndez Núñez formado por persoas con capacidades diferentes presenta unha breve posta en escena da obra de Lope de Vega “Fuenteovejuna” e de cómo chega o seu significado aos nosos días.

Este grupo teatral promovido pola Asociación de discapacitados intelectuales Virgen de la O, pretende romper estereotipos en defensa da igualdade e da participación de todas as persoas.

O Ateneo de Pontevedra, en colaboración co Concello de Pontevedra organiza este mes de outubro un ciclo de actividades arredor da figura de Alfonso Daniel Rodríguez Castelao, no 75 aniversario do seu falecemento.

Presentación do libro “Contubernio Picacho” de Xaime Fandiño no espazo O Sanatorio, o autor estará acompañado por Xabier Romero, editor e Manuel Manquiña, actor

No marco da programación de cine da Fundación Cuña-Casasbellas. Fabulario Novo-Hipofanías, para o ano 2025, celebrase o Ciclo cinematográfico “Outras terras, outros ámbitos, 2”, coa proxección do Film: Dersu Uzala, de Akira Kurosawa (Unión Soviética (URSS)

O capitán Vladimir Arseniev e o seu destacamento teñen que realizar unhas prospeccións xeolóxicas nos bosques da taiga siberiana. A inmensidade do territorio e a dureza do clima fan que se extravíe. Condenado a vagar por unha terra salvaxe, Vladimir coñece a Dersu Uzala, un cazador nómade que coñece o territorio como a palma da súa man e sabe como afrontar as inclemencias do tempo. Dersu ensinará a Vladimir a respectar a natureza e a convivir en plena harmonía con ela, unha lección que dificilmente esquecerá o resto da súa vida.

Presentación do libro: ‘‘As vellas de Mens‘ de José Manuel Fernández Pensado o autor estará acompañado por Manuel Rico Varea.

“As vellas de Mens” é un relato en primeira persoa sobre un grupo de mulleres, Teresa García, Prudencia Garrido, Asunción Garrido, Manuela Lema, Adela Rey e Teresa Lema, a quen o autor coñeceu en 1972 e coas que compartiu vinte anos de vida artística na Agrupación Folclórica Aturuxo. O libro profunda en quen eran estas mulleres labregas xa maiores, a súa contorna, as súas aspiracións e o impacto que tiveron no folclore galego. É unha obra que ofrece unha perspectiva sobre como estas mulleres integráronse nunha agrupación folclórica e o que o seu legado significa para a cultura galega. A publicación deste libro coincide coa dedicación das Letras Galegas 2025 á poesía popular oral, personificada nas cantareiras, o que subliña a relevancia do tema no contexto cultural actual.

Conferencia e presentación do libro Cancioneiro Galego Serodio (1989-2012) Metendo as mans na terra de Xabier Díaz

O xoves 30 de outubro, ás 20:00 horas, o Salón Nobre será o escenario dun emotivo acto en memoria de Armando Guerra. Neste encontro, amigos e compañeiros do artista reuniranse para renderlle unha merecida homenaxe póstuma, lembrando o seu legado tanto humano como artístico. Durante o acto, intervirán destacados amigos de Armando Guerra: Rafael López, Julio Otero, Luis Queimada, Manuel Yáñez e o grupo Black Stones. As súas palabras e actuacións servirán para rememorar a figura do artista pontevedrés, subliñando a súa traxectoria e a pegada que deixou en quen lle coñeceu.

O xoves 30 de outubro no Cinexpo (Pontevedra) |ás  20h30 Proxectarase a película San Simón, coa presenza do director Miguel Angel Delgado.

Producida por San Simón la película AIE, miramemira, Morelli Producciones en coprodución con Bando à Parte (Portugal). Coa financiación do Cine ICAA, a subvención da Axencia Galega das Industrias Culturais; a participación de RTVE, Televisión de Galicia, RTP, Castilla-La Mancha Media, Deputación Pontevedra; e coa colaboración do Grupo Histagra Usc e a Asociación O Faiado da Memoria. Distribúen Baños films e Linde films.

Presentación do libro: ‘Entre os muros do esquecemento’ de Juan de Sola Vollbrecht está dedicado, por completo, á vida de Ramón García Martínez, sobrevivente do campo de concentración de Mauthausen, quen cambiou o acento andaluz polo galego tras conectar coa emigración galega en América Latina ata converterse nun popular veciño da parroquia de Campañó, no municipio de Pontevedra. O autor estará acompañado polas fillas de Ramón, Mayte e Silvana.

Inauguración da exposición “12 pinturas e 12 poemas visuais” de Xoán Cerviño no Palacete das Mendoza.

Xoán Cerviño, cuxa obra pictórica e escultórica foi premiada en varias ocasións, achéganos unha proposta composta por doce pinturas nacidas da experiencia da paisaxe. Nelas tamén aparecen doce obxectos atopados e minimamente manipulados, nos que existe un sentimento ecoloxista e suxire unha poética sinxela. Para o artista non son só restos dunha “tala” de árbores ou camiños de couza en troncos, senón tamén un exemplo de resiliencia da natureza.

Representación escénica poético-musical. Presentación “El reloj de sal y el colibrí azul”, de Ana Corzo. Músicos: David Dopazo (piano), Harry Price (violín), Miguel Fraguas (percusión) e Jorgelina Piana (coros)

En “Yo, Literal“, Ernesto Sevilla presenta un monólogo cómico que fusiona o seu enxeño e humor característicos con reflexións sobre a súa vida e a sociedade actual. A través de anécdotas persoais e experiencias divertidas, aborda temas como a tecnoloxía, as relacións e a confusión do mundo moderno, sempre co seu toque irónico. O espectáculo destaca pola súa linguaxe coloquial e a súa capacidade para esaxerar situacións cotiás, facendo que o público se identifique coas súas historias. Sevilla invítanos a rir do absurdo da vida, preguntándonos se realmente estamos avanzando cara ao futuro. “Yo, Literal” é unha celebración do humano e do ridículo, onde cada risa se converte nunha verdade compartida. E como sempre di Ernesto: “Imos partilo cú!”.

Primeiros ollares nace coa idea de reactivar a experiencia colectiva da sala de cinema entre as familias, mais tamén coavontade de dar a coñecer un tipo de cinema orientado á infancia que non ten cabida nas grandes salas comerciais.

CALAMITY, UNHA INFANCIA DE MARTHA JANE CANNARY. Rémi Chayé, 2020, 82′, Francia-Dinamarca.  Recomendado a partir de 7 anos

 1863, Estados Unidos de América. Martha Jane viaxa coa súa familia nunha caravana cara ao Oeste coa esperanza dunha vida mellor. No medio do traxecto, o seu pai resulta ferido, e é ela quen ten que conducir o carro familiar e coidar os cabalos. Aprender é difícil e, aínda así, nunca se sentiu tan libre. Para poder montar mellor, decide poñer pantalóns. Despois, corta o pelo. Xera, así, unha enorme polémica que sacará a relucir o seu verdadeiro carácter ante as innumerábeis dificultades que se lle presentan nun mundo salvaxe e no que todo é posible.

Esta xoia da animación ficciona a infancia da mítica pistoleira e exploradora estadounidense Martha Jane Cannary (1852-1903), e foi galardoada co premio á mellor longametraxe no Festival de Annecy no ano 2020.

A sede da Vicerreitoría do campus acolle a exposición Alfabetización cultural. Transformar as miradas, que presenta, a través dunha serie de paneis, os resultados dun proxecto de innovación educativa desenvolvido na Facultade de Ciencias da Educación e do Deporte. Centrado na elaboración de propostas didácticas e recursos artístico-educativos guiados polo deseño universal de aprendizaxe, trátase dunha mostra promovida polo grupo de innovación docente Didacticae, ao abeiro dunha convocatoria do Centro de Posgrao e Formación Permanente, que fai balance do traballo desenvolvido en doce materias de grao e mestrado.

Aproveitando a jornada do día mundial do #StraightEdge, o venres 17 de outubro inauguramos a nova mostra da Parede da Pedreira, duas exposiçoms de fotografía de Candela Conde (Candelieri). Na parede ha tambem um codigo QR que dirije cara a sua enquisa sobre o consumo de drogas lúdicas.

A mostra principal, “Modos de ver“, reúne no Pazo da Cultura obras de dez artistas dos dous países que exploran a relación entre a humanidade e o medio ambiente.

A exposición, comisariada por Cláudia Melo e Lala de Dios, inclúe creacións de Alexandra Knie, Antònio Jorge, Inês Neto dos Santos, Inês Norton, María Appleton, Paula Bruna, Pilar Sala, Raquel Buj, Rita Gaspar Vieira e Sara Coleman, egresada da Facultade de Belas Artes da UVigo.

A exposición poderá visitarse ata o 15 de novembro.

A exposición “Banda deseñada. Premios Provinciais á Xuventude 2021-2024” recolle os traballos premiados na categoría de banda deseñada dos Premios Provinciais á Xuventude dos últimos catro anos. A arte e a creatividade destas mozas e mozos da provincia pasa pola súa propia experiencia e vivencias persoais, e tamén polo terreo da ficción, o que demostra a súa capacidade de aprendizaxe e inspiración para as súas obras e en artistas profesionais de referencia, ademais dun talento propio.

Inauguración da exposición da artista Eva Garcia Herrero , “Rito de paso.”

Trátase dun proxecto fotográfico que xorde do arquivo visual e textual xerado ao longo de varios anos por Eva. Inicialmente materializado en formato de fotolibro —onde imaxes analóxicas e reflexións escritas conversan construíndo unha narrativa do mundo emocional interior—, este é presentado agora habitando o plano expositivo.

Presentación do libro de Juán Tallón ” Mil cosas“. O autor será entrevistado por Susana Pedreira, periodista de Onda cero.

Pontedetapas. 27 establecementos de hostalería participarán nunha nova edición  que se celebrará en Pontevedra entre os días 5 e 23 de novembro.

Como novidade, este ano as elaboracións terán un prezo variable: 3,50 euros de luns a xoves e 4 euros de venres a domingo na modalidade de tapa e 6 euros para o cóctel.

CONCERTO EN COLABORACIÓN COA SOCIEDADE FILARMÓNICA DE PONTEVEDRA.

REAL FILHARMONÍA DE GALICIA

Directora: Ruth Reinhardt

Programa: Cometa: Encarga a NÚRIA GIMÉNEZ-COMAS. (n. 1980)  Estrea absoluta.

Magosto Popular organizado polas asociacións A Pedreira, Asociación pola Defensa da Ría, Boa Vida, Trépia, Pontevedra por Palestina, Liceo Mutante e Ateneo de Pontevedra.
 Vén celebrar o Magosto con nós este 8 de novembro!
A partir das 18:00 h na Praza da Pedreira (Pontevedra), uniremos forzas en apoio a Palestina con:
Castañas de balde, Opcións de comida vegana, Chourizos asados e bebidas a prezos populares, Música en directo ás 20:00 h con Morenos Peludos, Adonairare, Ghalos do Curral + Foliada!
Xogos populares a cargo das compañeiras de SORORAS!
Será unha tarde chea de comunidade, música e moita festa!
Non perdas a oportunidade de apoiar unha causa xusta mentres desfrutas do ambiente. 

Zarzuela La gran vía, íntegra en galego, Coral Airiños de Campañó.

Pianista Lorena Varela Guzmán

Tradutor Ramón Pouso Dios

Director Jacobo García González

Entrada libre

Os vellos non deben namorarse de Castelao Aquí tendes o espectáculo de Os de Algures para este ano. (Xunto ca Aula Municipal de Teatro, Sete Espadelas, Cafuné e Soalleira).
Non podedes faltar!!!
Encheremos novamente o Teatro!!