A Facultade de Belas Artes acolle a inauguración da exposición Elas crean, conformada por unha serie de paneis informativos que abordan a traxectoria e obra de diferentes artistas plásticas, fotógrafas, cineastas e deseñadoras.

Asisten: Ana Belén Fernández Souto, directora de área do Campus de Especialización Crea, e Ignacio Pérez-Jofre, vicedecano de Relacións Culturais

Promovida polo Campus Crea, co apoio da Unidade de Igualdade da Universidade de Vigo, esta mostra percorrerá nos próximos meses diferentes centros do campus, podendo visitarse ata o 21 de novembro nos corredores da Facultade de Belas Artes.

Inauguración ás 12:00 horas

A QUIMERA DO OURO
Charles Chaplin, 1925,  EE UU, 96 min. Lingua orixinal: muda

A finais do século XIX e en plena febre do ouro, Charlot é un vagabundo que chega a Alasca en busca de fortuna. Tras ser sorprendido por unha treboada de neve, refúxiase nunha cabana próxima, onde comenza un percorrido no que coñecerá a Georgia, Big Jim e Black Larsen. Durante a súa estancia enfrontarase ao frío, á fame e á soidade, á neve e mesmo a ataques de osos.
Cen anos despois da súa primeira proxección no Grauman’s Egyptian Theatre de Hollywood, volve á gran pantalla un dos grandes clásicos de Chaplin, en versión restaurada. 

Organizada polo Equipo de Dinamización da Lingua Galega e o Departamento de Galego da EOI temos esta conversas cos autores do libro de banda deseñada Sentinelas (editado en Galaxia), que conta xa con varios volumes publicados. Contarase coa  presenza de dous dos seus autores, que son Andrés Castro e Alexandre Senande. 

Presentación do libro e dinámica participativa “Partirse en dos“. Compilación de relatos migrantes por Mariaesther Alarcón-Nebout. A cargo de JJ Richards, (autora e arteterapeuta arxentina). Acompaña Vera Pozzi (socióloga arxentina).

Non imos xogar o xogo da cadeira pero algo así…. 

SIMÓN DA MONTAÑA
Federico Luis, 2024, Arxentina, 98′, VO Lingua orixinal: español

Simón ten 21 anos e vive en Arxentina. Desde hai pouco frecuenta un novo grupo de amizades. Con eles, por vez primeira, sente que pode ser el mesmo. Mais a súa contorna está preocupada e xa non o recoñece. E se Simón quixese converterse noutra persoa?
A ópera prima do director arxentino Federico Luis cuestiona a noción de capacidade humana cunha mirada desprexuizada. Foi merecedora do Gran Premio da Semana da Crítica no Festival de Cannes 2024.

Presentación do libro de Juán Tallón ” Mil cosas“. O autor será entrevistado por Susana Pedreira, periodista de Onda cero.

Faladoiro Feminista | Ana Marcos e Iria Pinheiro
Acoso e abusos sexuais no audiovisual: falar, escoitar, romper o silencio.
Dúas voces valentes que poñen enriba da mesa o que moitas veces se cala. Porque a igualdade tamén se constrúe nos escenarios, diante e detrás das cámaras.
Entrada libre ata completar aforo

No marco da programación de cine da Fundación Cuña-Casasbellas. Fabulario Novo-Hipofanías, para o ano 2025, celebrase o Ciclo cinematográfico “Outras terras, outros ámbitos, 2”, coa proxección do Film: Film: Los lobos, de Samuel Kishi (México – USA, 2019)   

Max e Leo, de 8 e 5 anos, viaxan de México a Albuquerque, EEUU, coa súa nai Lucía en busca dunha vida mellor. Mentres esperan que a súa nai regrese do traballo, os nenos observan a través da xanela do seu departamento o inseguro barrio no que está situado o motel onde viven, habitado principalmente por hispanos e asiáticos. Dedícanse a escoitar os contos, regras e leccións de inglés que a nai lles deixa nunha vella gravadora de cassette, e constrúen un universo imaxinario cos seus debuxos, mentres anhelan que a súa nai cumpra a súa promesa de ir xuntos a Disneylandia

Pontedetapas. 27 establecementos de hostalería participarán nunha nova edición  que se celebrará en Pontevedra entre os días 5 e 23 de novembro.

Como novidade, este ano as elaboracións terán un prezo variable: 3,50 euros de luns a xoves e 4 euros de venres a domingo na modalidade de tapa e 6 euros para o cóctel.

Presentación do libro de Isabel Parreño “El último refugio“. A autora estará acompañada por Lía Peinador editora de Menguante.

CONCERTO EN COLABORACIÓN COA SOCIEDADE FILARMÓNICA DE PONTEVEDRA.

REAL FILHARMONÍA DE GALICIA

Directora: Ruth Reinhardt

Programa: Cometa: Encarga a NÚRIA GIMÉNEZ-COMAS. (n. 1980)  Estrea absoluta.

ETIQUETA NEGRA. Gourmet galego e innovación inspiradora é unha iniciativa da Concellaría de Promoción da Cidade de Pontevedra.

A novena edición da feira de produto gourmet galego ETIQUETA NEGRA. Gourmet galego e innovación inspiradora
celebrarase os días 8, 9 e 10 de novembro de 2025

Magosto Popular organizado polas asociacións A Pedreira, Asociación pola Defensa da Ría, Boa Vida, Trépia, Pontevedra por Palestina, Liceo Mutante e Ateneo de Pontevedra.
 Vén celebrar o Magosto con nós este 8 de novembro!
A partir das 18:00 h na Praza da Pedreira (Pontevedra), uniremos forzas en apoio a Palestina con:
Castañas de balde, Opcións de comida vegana, Chourizos asados e bebidas a prezos populares, Música en directo ás 20:00 h con Morenos Peludos, Adonairare, Ghalos do Curral + Foliada!
Xogos populares a cargo das compañeiras de SORORAS!
Será unha tarde chea de comunidade, música e moita festa!
Non perdas a oportunidade de apoiar unha causa xusta mentres desfrutas do ambiente. 

Presentamo-lo ciclo ‘Tecendo redes’, unha serie de actividades coas que recoñecidos artistas de diferentes disciplinas artísticas tenderán pontes entre o mundo da arte e a cultura á sociedade.
A primeira actividade será o obradoiro ‘Como construír unha onda contemporánea’ de acuarela líquida sobre o mar dirixido polo pintor e escultor Lito Portela.
Actividade de balde. Prazas limitadas.
Para inscribirse mandar correo a info@fundacionmanuelmoldes.org 
En colaboración coa Deputación de Pontevedra

Zarzuela La gran vía, íntegra en galego, Coral Airiños de Campañó.

Pianista Lorena Varela Guzmán

Tradutor Ramón Pouso Dios

Director Jacobo García González

Entrada libre

Os vellos non deben namorarse de Castelao Aquí tendes o espectáculo de Os de Algures para este ano. (Xunto ca Aula Municipal de Teatro, Sete Espadelas, Cafuné e Soalleira).
Non podedes faltar!!!
Encheremos novamente o Teatro!!

Inauguración da exposición “12 pinturas e 12 poemas visuais” de Xoán Cerviño no Palacete das Mendoza.

Xoán Cerviño, cuxa obra pictórica e escultórica foi premiada en varias ocasións, achéganos unha proposta composta por doce pinturas nacidas da experiencia da paisaxe. Nelas tamén aparecen doce obxectos atopados e minimamente manipulados, nos que existe un sentimento ecoloxista e suxire unha poética sinxela. Para o artista non son só restos dunha “tala” de árbores ou camiños de couza en troncos, senón tamén un exemplo de resiliencia da natureza.

O xoves 30 de outubro, ás 20:00 horas, o Salón Nobre será o escenario dun emotivo acto en memoria de Armando Guerra. Neste encontro, amigos e compañeiros do artista reuniranse para renderlle unha merecida homenaxe póstuma, lembrando o seu legado tanto humano como artístico. Durante o acto, intervirán destacados amigos de Armando Guerra: Rafael López, Julio Otero, Luis Queimada, Manuel Yáñez e o grupo Black Stones. As súas palabras e actuacións servirán para rememorar a figura do artista pontevedrés, subliñando a súa traxectoria e a pegada que deixou en quen lle coñeceu.

A sede da Vicerreitoría do campus acolle a exposición Alfabetización cultural. Transformar as miradas, que presenta, a través dunha serie de paneis, os resultados dun proxecto de innovación educativa desenvolvido na Facultade de Ciencias da Educación e do Deporte. Centrado na elaboración de propostas didácticas e recursos artístico-educativos guiados polo deseño universal de aprendizaxe, trátase dunha mostra promovida polo grupo de innovación docente Didacticae, ao abeiro dunha convocatoria do Centro de Posgrao e Formación Permanente, que fai balance do traballo desenvolvido en doce materias de grao e mestrado.

Aproveitando a jornada do día mundial do #StraightEdge, o venres 17 de outubro inauguramos a nova mostra da Parede da Pedreira, duas exposiçoms de fotografía de Candela Conde (Candelieri). Na parede ha tambem um codigo QR que dirije cara a sua enquisa sobre o consumo de drogas lúdicas.

A mostra principal, “Modos de ver“, reúne no Pazo da Cultura obras de dez artistas dos dous países que exploran a relación entre a humanidade e o medio ambiente.

A exposición, comisariada por Cláudia Melo e Lala de Dios, inclúe creacións de Alexandra Knie, Antònio Jorge, Inês Neto dos Santos, Inês Norton, María Appleton, Paula Bruna, Pilar Sala, Raquel Buj, Rita Gaspar Vieira e Sara Coleman, egresada da Facultade de Belas Artes da UVigo.

A exposición poderá visitarse ata o 15 de novembro.

Dalia é o título do proxecto que a artista Marta Pazos (Pontevedra, 1976) presenta dentro do ciclo de exposicións Infiltracións, que ten como propósito realizar intervencións específicas relacionadas con obras do Museo de Pontevedra.

Nesta ocasión, Infiltracións  intégrase no contexto da 32 Bienal de Pontevedra, que propón como eixo de reflexión Volver a ser humanos, unha chamada a repensar a condición humana desde múltiples perspectivas.