A Facultade de Comunicación inaugura o curso 2025/2026 coa conferencia O oficio de guionista, a cargo de Ángel Manzano, vicepresidente da Asociación Sindical Galega de Guionistas (Agag).

O seu relatorio porá peche ao acto de benvida para o alumnado de novo ingreso, programado para as 10.00 horas.

O día 8 de setembro dará comezo o Taller de Memoria e outras habilidades cognitivas. Terá lugar os luns de 12:00 a 13:00 no local social cun prezo de 35 euros/mes. Inscricións na Secretaría da Sociedade

O artista Manuel Vilariño dialogará co comisario Antón Castro ao redor de Tabla BWA (Táboa BWA, 2014), unha instalación na que conflúen o ancestral e o contemporáneo.

Inspirada nas máscaras bwa, utilizadas en rituais iniciáticos en África occidental, a obra desprega un gran taboleiro de damas que remite tanto á xeometría sacra coma aos símbolos de transición entre vida e morte. No seu interior, unha montaña de cúrcuma —coa súa cor intensa e co seu poder evocador— representa a vitalidade, mentres que o canto de dúas baleas abre un espazo de mito e misterio.

Presentación do libro “La verdadera dimensión del cielo” de Alberto Martín Méndez.

Coa mesma e particular maneira de narrar, usando unicamente letras minúsculas (as letras maiúsculas só aparecen nun poema concreto) e con poucos signos de puntuación, este segundo poemario do autor en pouco máis dun ano está dividido en tres partes claramente diferenciadas. Os poemas da primeira parte refírense a persoas próximas ao autor e poden constituír para calquera lector un conxunto de lugares comúns. Na segunda parte o autor mostra os seus receos achega do rumbo que está a tomar a sociedade actual, especialmente a Educación, que é o gremio ao que aínda pertence. O contido do terceiro poema da terceira sección, titulado espello, é o que dá título a esta, Reflexo certeiro, e que é a sección máis longa. Nela o autor pretende expoñer a súa actual visión da vida e do paso do tempo, e que se podería sintetizar en fuxir do convencional e buscar frontal e continuamente a conmoción das emocións. Por suposto que se tenta a beleza e o impacto, pero quizá a característica principal que ofrecen estes versos sexa a sinceridade. 

Presentación do libro de Irene Alonso Gasalla. O nobelo de Nenucs. Os recordos da avoa comezan a enmarañarse, o seu neto decide tirar dun fío.

Neste conto están tecidos os versiños que van levar a Nenuca á súa nenez, ou van traerlle lembranzas, evocadas polos sentidos.

Aínda que, de todos os fíos que a fan recordar, os máis importantes son a comprensión e o cariño.

Hugo Torres en concerto. Duración: 60 min

Hai cinco anos Hugo Torres descubriu un aparello que lle permitía traducir a pulsación vital das plantas en linguaxe musical. Agora decidiu falar con elas e escoitar o que lle teñen que dicir. Bahía Botánica (Baía botánica) é unha conversa entre dúas especies, unha experiencia sónica entre un ser animal que tenta atopar o seu lugar no mundo e un ser vexetal que soamente busca o sol e a felicidade.

Hugo Torres (Viseu, Portugal) é actor, músico, compositor e director artístico. Comeza a súa traxectoria aos seis anos na compañía Trigo Limpo de Tondela. Nos anos noventa trasládase ao Porto, onde se licencia en Teatro e Interpretación na Escola Superior de Música e Artes do Espectáculo. 

Inauguración da exposición no Liceo casino de Miopía de Mito Meijón coa intervención de Antón Castro e Antón Sobral.

Volve a tempada de exposicións a Tangram!  Despois dun verán sen novas mostras, arrincamos o curso con moitísima ilusión  E non podiamos facelo de mellor maneira que con nosa queridísima Irene Santamaria Plata , que volve á galería coa súa segunda exposición connosco. Nesta ocasión preséntanos “Desde Dentro”, unha proposta fresca e emotiva que nos convida a reconectar co noso neno interior a través do xesto, a cor e a emoción pura. Ademais, esta vez Irene sorpréndenos cun cambio de formato: xa non se trata de pinturas sobre lenzo como na súa anterior mostra, senón de serigrafías sobre tea acompañadas dunha instalación audiovisual que expanden a experiencia moito máis alá do papel.

O sábado 13 de setembro ás 19:00 horas, Amizades Perigosas e Cómplices únense no Liceo Casino Pontevedra para unha Noite de sons inolvidables. Teloneiro: Rober Calvo e Dj ao finalizar o concerto · Lugar: Parque da Caeira · Apertura de portas ás 18:30 h · Haberá servizo de restauración Prezo: Socios: 10 € Non Socios: 25 €

A Gran Gala do festival Abraioscopio, antigo Pontevedra Máxica Fest, regresa á Boa Vila para deleitarnos cun espectáculo máxico totalmente diferente a calquera outro que acolleuse na cidade ata agora. Referentes do panorama nacional e internacional reúnense nunha cita para todos os amantes da maxia, da música e do circo. Probablemente… o evento máxico que lembrarás o resto da túa vida.

Sleaford Mods en palanquín. Pinto de Herbón cando o botan da taberna. Suicide vestidos de robot na romería viquinga. Manolo y Benito cortando o bocadillo coa radial. Unha pandilla de cacos. Os dous de sempre. O mellor grupo da Galiza. Probablemente. SAVVNA @savvvvna

Entrada a vontade entre 5 e 10€ íntegramente para os artistas.

A fin de semana, Pontevedra acollerá a 4ª edición da Lérez Up, o Salón do Videoxogo e a Cultura Friki, no Recinto Feiral. Organizado por Gaming Troop co apoio do Concello de Pontevedra, o evento consolídase como un espazo interxeracional para amantes dos videoxogos, o cosplay, a cultura xaponesa e o lecer alternativo. Máis información

 Visita as Ruínas de San Domingos, un dos edificios máis emblemáticos da cidade de Pontevedra, que forma parte do conxunto de sete edificios do noso Museo. Pódense visitar os restos do que foi o convento dominico da cidade, con moito que ver:

Concibimos este obradoiro como unha oportunidade para achegarse á palabra poética, centrándonos na produción literaria de autoras galegas contemporáneas. Os obxectivos son atallar os prexuízos co xénero e afondar no acontecemento poético, atendendo a teorías que nos poñan en contacto con algunhas das obras máis relevantes das últimas décadas. Todo isto para deternos en conceptos coma silencio, música do poema, ritmo, poder de suxestión, evocación, corte do verso, imaxe…

SESIÓN 1: Xohana Torres e Luisa Villalta
SESIÓN 2: Carmen Pereiras e Ana Romaní
SESIÓN 3: Lucía Aldao e María Lado
SESIÓN 4: Susana Aríns e Antía Otero

Datas: os xoves 18 e 25 de setembro e 2 e 9 de outubro

Dirixido a persoas que queiran aproximarse ou afondar na poesía galega e adquirir ferramentas para gozar da súa lectura.

Capacidade limitada: 20 prazas

Inscricións en participa.igualdade@depo.es

Curso de bordado ao aire, a formación comeza o 1 de outubro. Todos os mércores de 16:30 a 18:30 horas no centro su, antiga ONCE.

Prezo 15 euros de inscrición + 17 euros cota mensual. Duración 3 meses