La Parra de Alberto Gracia

España, Portugal | 2024 | 90´ | Cor

Damián participa nun concurso televisivo onde se premia a literalidade. Colocáronlle o seu nome na camisa e un croma de fondo. Cando o programa vaise a publicidade, comeza a historia.

Algo non vai ben.

“Una sombra oscilante” de Celeste Rojas Mugica

Chile, Arxentina, Francia | 2024 | 77’ | Cor | DCP

El revela e imaxina un mundo no interior dun cuarto escuro. A súa filla fai diso un xogo: sobre imaxes latentes, posibles, inventadas sobre as formas de resistir e transitar a escuridade. Una sombra oscilante explora o peso íntimo e político das imaxes para abrir un espazo onde pensalas como acto de resistencia, xa sexa porque se fan pese ao horror ou porque existen para ofrecer un punto de fuga imaxinario que quizais nos libere deste.

O Ateneo de Pontevedra organiza un relatorio arredor do libro Arquitectura e símbolos de Laxedo. Unha aldea planificada na Galicia rural, editado polo Colexio Oficial de Arquitectos de Galicia.
O acto terá lugar o vindeiro mércores 11 de decembro, ás 19:00 horas, no salón de actos do Edificio Castelao no Museo de Pontevedra. Os autores estarán acompañados por Xaime Toxo.
A entrada é libre ata completar capacidade.

Eastern Anthems de Matthew Wolkow, Jean-Jacques Martinod

Canadá, United States, Ecuador | 2014 | 78´ | Cor | DCP

Un filme inacabado pasa dun amigo a outro. O diálogo entre eles é unha viaxe atravesada polo enxame da Gran Xeración Oriental X de cigarras periódicas que emerxen profeticamente cada 17 anos en Estados Unidos, invocando un reflexo dun presente post-pandémico e dos nosos futuros compartidos.

Unha road movie composta por un coro de voces (tanto humanas como non), as advertencias da historia, o poder da natureza e o renacemento.

“XXL” de Kim Ekberg, Sawandi Groskind

Suecia | 2024 | 77’ | Cor | DCP

Os irmáns, Enzo e Magda, distanciáronse. Nun intento por conectar de novo, Magda convida a seu irmán a unha viaxe de fin de semana a Helsinqui. No seu periplo atópanse con personaxes e rostros singulares e viven situacións que apelan a reflexionar sobre a vida, a arte e a existencia. Os recordos e o presente mestúranse, os soños e realidade fusiónanse para estes viaxeiros á deriva nunha atmosférica Helsinqui.

“Un pays en flammes” de Mona Convert

Francia | 2024 | 70´ | Cor

No bosque das Landas, unha familia transmite de xeración en xeración os segredos do fogo. Baixo a ollada dos animais, transcorren os días e as noites. Patrick, o pai, come herba. Margot, a filla, explota. E Jean, o neno, deseña pequenos ramos con vagalumes.

“Los capítulos perdidos” de Lorena Alvarado

Venezuela | 2024 | 67´ | Cor | DCP

Tras pasar varios anos no estranxeiro, Ena regresou a Venezuela. A medida que a súa avoa perde gradualmente a memoria, seu pai colecciona libros raros para preservar o patrimonio literario do seu país. Nun dos libros, Ena descobre unha postal misteriosa que utiliza para localizar un autor caraqueño esquecido hai moito tempo.

“Senhora da serra” de João Dias

Portugal | 2023 | 68´ | Cor | DCP

Na penumbra da súa cova, Senhora da Serra esperta do soño das estatuas, descende do seu basto altar de granito e parte en busca da cor sonora e fraterna da Humanidade. Pero nos carreiros da montaña, máis aló das rocas silenciosas e inamovibles, ela só coñecerá aos homes sombríos e as súas doutrinas. Ao fracasar no ideal de compaixón e tenrura, queda melancólica polo silencio das estatuas onde estaba a salvo.

“Los hiperbóreos” de Cristóbal León, Joaquín Cociña

Chile | 2024 | 71´ | Cor | DCP

A actriz e psicóloga Antonia Giesen decide filmar un guión revelado por unha voz que habita a mente dun dos seus pacientes. Buscando colaborar co dúo cinematográfico León y Cociña, crean una encrucillada de teatro, ciencia ficción, animación e unha película biográfica fabulosa, poboada por mundos paralelos e perseguida pola sombra dun escritor nazi chileno como unha figura demoníaca.

“The Human Hibernation” de Anna Cornudella Castro

España | 2023 | 90´ | Cor | DCP

The Human Hibernation é unha película sobre a natureza humana se esta fose diferente. A partir da desaparición de Erin, unha nena que esperta prematuramente da súa hibernación, Clara, a súa irmá maior, levaranos nunha viaxe de procura de respostas e confrontación das narrativas preestablecidas pola sociedade na que vive. Una que hiberna durante os meses máis fríos do ano. Unha reflexión sobre o ser humano, a contradición e a condición animal.

“No Sleep Till” de Alexandra Simpson

Estados Unidos, Suíza | 2024 | 93’ | Cor | DCP

Nunha cidade costeira de Florida ameazada por un huracán inminente, os lugareños prepáranse para unha evacuación obrigatoria. Mentras os últimos turistas marchan e os residentes tapian as súas casas, algúns vagabundos deciden quedarse.