“Narración oral”
20
Luns/Marzo
O luns 20 de marzo celebraremos o Día Internacional da Narración Oral.
Pola mañá contos e historias no hospital de Montecelo, hospital Provincial e o hospital do Salnés para nenos e maiores a cargo de Olga Abad, Raquel Queizas, Carmen Domech, Quico Cadaval, Soledad Felloza e Bea Campos.
Ás 17:30 a Street Band jazz percorrera as rúas até a Praza da Peregrina onde actuará xunto a Pavís Pavós, Bea Campos e Polo Correo do Vento que contarán historias para público familiar.
Ás 20:30h na Igrexa de Santa Clara teremos a Celso Fernandez Sanmartín cunha sesión de historias para adultos, con entrada libre
Todo o día
Pontevedra
“Ningún lugar como o fogar”
20
Luns/Marzo
“Ningún lugar como o fogar“, proxección do documental en Pontevedra a cargo da Universidade de Vigo No marco do ciclo de cinema documental Docs do Mes, o Reitorado do campus de Pontevedra da Universidade de Vigo, acolle a proxección do documental «Non place like home», de Emilia Beck, un documental que retrata a historia de Priyangika Samathie, unha nova adoptada por unha familia norueguesa que quere conciliar coas súas orixes en Sri Lanka.
Entrada de balde ata completar capacidade.
Ás 20:00 horas
Casa das campás, Pontevedra
“A historia de España baseouse en falacias”
21
Martes/Marzo
Francisco Calo Lourido presenta no museo o seu libro “ A historia de España baseouse en falacias” estará acompañado polo presidente de Maio longo Xosé Abilleira e a responsable de comunicación de Xerais Sara Vila
Ás 19:00 horas
Edificio Castelao do Museo de Pontevedra
“Jackie”
21
Martes/Marzo
Ciclo cine mulleres: Jackie na sede Afundación Pontevedra
Ciclo de Cinema con mirada feminina no que se reflicten diferentes realidades, épocas e lugares, pero todas cun denominador común: a muller como protagonista. Neste caso móstranos a mulleres que fixeron historia en diferentes ámbitos: música, literatura e política. Esta actividade enmárcase no programa CULTURA POR ALIMENTOS, unha iniciativa de Afundación a favor de FESBAL (Federación Española de Bancos de Alimentos).
Película sobre a ex primeira dama estadounidense Jacqueline Kennedy (Portman), centrada nos días inmediatamente posteriores ao asasinato do seu marido John F. Kennedy en Dallas, o 22 de novembro do ano 1963
IMPORTANTE! O acceso a cada unha das proxeccións será mediante a doazón de alimentos non perecedoiros que irán destinados ao Banco de Alimentos local. Suxerimos os seguintes alimentos de maneira prioritaria: Conservas, Leite, Aceite, Alimentos infantís. É imprescindible reservar entrada (gratis) en ataquilla.com As butacas resérvanse ata 10 minutos antes da proxección.
Ás 19:00 horas
Sede Afundación de Pontevedra
“Ti non sabes o que é ser escritora”
21
Martes/Marzo
O 21 de marzo, con motivo da celebración do Día da Poesía, o Pazo Provincial acollerá a presentación, a partir das 19.00 horas, do libro ‘Ti non sabes o que é ser escritora‘, un traballo que se inclúe no marco das accións desenvolvidas con motivo do Manifesto de Soutomaior.
Este volume, publicado pola Deputación, contén 126 páxinas con dez textos literarios inéditos. Os textos pertencen ás autoras Isabel Blanco, Silvia Cernadas, Mercedes Corbillón, Ledicia Costas, Inma López Silva, Silvia Penas, Arantza Portabales, Anna R. Figueiredo, Elvira Ribeiro e Rexina Vega.
Ademais ofrécense ilustracións realizadas por creativas como Luz Beloso, Celeste Garrido, Andrea Jano, María Lapido, Lara Lars, Andrea López, Blanca Millán, Gloria Pavía, Alba Troiteiro e Sofía Venzel.
Ás 19:00 horas
Salón do Pazo provincial de Pontevedra
“Desigualdade e clase social”
21
Martes/Marzo
O Ateneo de Pontevedra organiza, dentro do Seminario Permante de Filosofía, a conferencia “Desigualdade e clase social”, impartida polo doutor en Filosofía Domingos Antom Garcia Fernandes.
Sinopse: Domingos Antom Garcia explica que na conferencia “alguns minutos iniciais seram dedicados à apresentaçom do livro de Carlos Julio Báez Evertsz, Desigualdad y clases sociales, que oferece uma exposiçom crítica da desigualdade hoje; estuda as teorías clássicas de Karl Marx y Max Weber, as abordagens funcionalistas e as tentativas de síntese e superaçom do marxismo e do funcionalismo. Também aborda as contribuiçons mais recentes de neoweberianos, neomarxistas, a escola dos estudos culturais (Thompsom, Hall e Eagletone), o culturalismo de Pierre Bourdieu, os pós-modernistas e os pós-marxistas Laclau e Negri, et cetera.
A entrada é libre ata completar capacidade.
Ás 19:30 horas
Casa das Campás, Pontevedra
“Nove meses”
21
Martes/Marzo
NOVE MESES Kilenc hónap, Márta Mészáros, 1976, 90 min., VOSG
Lingua orixinal: húngaro
Juli traballa nunha fábrica de ladrillos, mais estuda a distancia para mellorar a súa posición. O seu xefe namora dela e comezan unha relación moi apaixonada. Ela oculta o feito de que ten un fillo froito dunha relación extramarital. Cando o seu amante, un home violento e posesivo, o descobre, todo salta polos aires.
Cannes 1977 Premio Fipresci
Berlinale 1977 Premio OCIC
Ás 20:30 horas
Teatro principal, Pontevedra
“Le Débarquement de Normandie”
22,23
Mércores, Xoves/Marzo
Os próximos 22 e 23 de marzo (ás 18h30 e 10h30 respectivamente) acolleremos no salón de actos da EOI unha charla sobre o desembarco de Normandía, impartida por Quentin Lemoine.
Ao remate faremos un pequeno concurso, anímaste a participar?
A entrada é libre ata completar capacidade.
Día 22 ás 18h30 e día 23 ás 10h30 horas
EOI, Pontevedra
“Lee Miller”
22
Mércores/Marzo
Destacadas mulleres creadoras do século XX converteranse en protagonistas do novo curso de ‘Avantaxado feminino‘ na súa segunda edición. O acceso a estas sesións do curso é libre. No caso de que as persoas asistentes queiran dispoñer dun certificado de asistencia deberán inscribirse previamente en reservas.museo@depo.gal e acudir, polo menos, a sete das dez sesións previstas. Carolina Munáiz, responsable do curso, exerce como docente na Escola Superior de Deseño de Moda Formarche da Coruña, titulada en Ilustración pola EASD Pablo Picasso e con formación de primeiro ciclo da Escola de Canteiros de Pontevedra. Ademais, é pintora e profesora das materias de Historia da Indumentaria e de Historia da arte e da moda do século XX.
Lee Miller (fotografía)
De 19:00 a 20:30 horas
Edificio Castelao do Museo de Pontevedra
“Qué foi de baby Jane?”
22
Mércores/Marzo
O oficio de vivir é un ciclo de cine e saúde mental. Trátase dunha iniciativa organizada por taller abierto e impulsada polo concelleiro de Benestar Social do Concello de Pontevedra.
“ Que foi de Baby Jane? ” de Robert Aldrich
As irmás Jane e Blanche Hudson foron estrelas infantís de Hollywood, pero as súas carreiras seguiron traxectorias moi distintas. Mentres que Jane, ao crecer, foi esquecida polo público, Blanche converteuse nunha actriz de éxito. Tras un misterioso accidente de coche, Blanche quedou prostrada nunha cadeira de rodas ao coidado da súa irmá Jane, que goza atormentándoa.
A entrada será de balde ata completar aforo.
Ás 19:00 horas
Teatro principal, Pontevedra
“Francisco Fdez del Riego, un loitador….”
22
Mércores/Marzo
Malores Villanueva presenta na librería Cronopios, o seu libro “FRANCISCO FERNÁNDEZ DEL RIEGO, UN LOITADOR POLA IDEA DE GALICIA”, a autora estará acompañada por Salvador Cervantes, capitán, amigo de Don Paco e Antón Vidal Andión presidente da editorial Galaxia
Malores Villanueva achéganos nesta biografía, froito de horas de conversas, a vida e a obra de Francisco Fernández del Riego, homenaxeado co Día das Letras Galegas de 2023, sesenta anos despois de que el mesmo propuxese á RAG o 17 de maio como data para esta festividade da cultura galega. Nacionalista de corazón e de razón, mantivo unha traxectoria firme, sen traizoar nunca os seus ideais. Membro do Partido Galeguista e do Seminario de Estudos Galegos, activista universitario, fundador de Editorial Galaxia, codirector da revista Grial, director da Fundación Penzol, presidente da Real Academia Galega, tradutor, editor e articulista incansable, son algunhas das innumerables facetas de quen se definía como ?un optimista radical?. Velaquí, con ese espírito, o retrato de quen queimou a vida na construción dunha Galicia dona de seu.
Ás 19:30 horas
Librería Cronopios Pontevedra
“A lei de libertade sexual”
22
Mércores/Marzo
Este mércores 22, realizarase un Faladoiro Feminista que abordará a polémica Lei de Liberdade Sexual (‘Só si é si’)
O coloquio presentarao Yoya Blanco emoderarao a xornalista María Varela. As relatoras que forman parte desta charla son Belén Rubido de la Torre, xuíza decana de Pontevedra titular do Xulgado do Penal nº 4 de Pontevedra, especializado en Violencia Machista; Dori Varas Noguerol, traballadora social da Oficina de Atención e Asistencia ás Vítimas do Xulgado de Vigo, e Rosa Fontaíña Pazos, coordinadora e portavoz da Asociación da Rede de Mulleres Veciñais Contra os Malos Tratos de Vigo.
Esta charla forma parte da programación do 8M e en caso de non asistir, estará dispoñible na páxina web do Concello de Pontevedra e nas redes sociais da Concellería de Igualdade.
Entrada de balde ata completar o aforo.
Das 19:00 a 20:30 horas
Sede do Centro de Información á Muller (CIM) de Pontevedra
“Os Milagres de Santiago”
22
Mércores/Marzo
Conferencia: “Os Milagres de Santiago ou a promoción do Xacobeo no medievo“, por Manuel A. Mosteiro”
O Ateneo de Pontevedra organiza, en colaboración coa Asociación de Amigos e Amigas do Camiño Portugués a Santiago, a conferencia Os Milagres de Santiago ou a promoción do Xacobeo no medievo, impartida polo licenciado en Filoloxía Hispánica e profesor Manuel Antón Mosteiro García.
A entrada é libre ata completar capacidade.
Ás 19:30 horas
Librería Metáfora, Pontevedra
“Pather Panchali”
22
Mércores/Marzo
No marco da programación da Fundación Cuña-Casasbellas. Fabulario Novo-Hipofanías, para o ano 2023, terá lugar na Sala VerSus un novo Ciclo de poesía, arte, cine e socioloxía “Familias en escena”. O programa inclúe o ciclo cinematográfico homónimo, cuxa octava sesión terá lugar este mércores, 22 de marzo, ás 20:00h, coa proxección do Film: Pather Panchali (A canción do camiño) Direc.: Satyajit Ray
Entrada de balde ata completar capacidade
Ás 20:00 horas
En Sala VerSus, rúa Gerardo Álvarez Limeses, nº 12, Pontevedra
“En marcha contra o cancro”
23
Xoves/Marzo
A cuarta edición da iniciativa Rutas Saludables volve a Pontevedra
A actividade é gratuíta e comezará o próximo día 23 de febreiro ten prazas limitadas e está dirixida a esa poboación que ten unha vida sedentaria e quere comezar a practicar hábitos de vida saudables
Divídese en 2 grupos os xoves: un ás 10.30 horas e outro ás 17.00 horas A duración prevista para esta actividade é de hora e media aproximadamente e será guiada sempre por un/unha voluntari@
Desenvolveranse pola cidade co obxectivo de combater o sedentarismo, xa que é o responsable do 6% de mortes en todo o mundo e incrementa o risco de padecer cancro de colon e de mama ata un 20-25%
Se queres inscribirte, chámanos ao noso teléfono 900 100 036 (gratuíto e 24h) ou presencialmente na nosa sede en Pontevedra (Eduardo Pondal, 64A, baixo) ata que se completen as prazas.
Xoves: ás 10.30 horas e ás 17.00 horas
Sede da Asociación Eduardo Pondal, 64A Pontevedra
“A parte fácil”
23
Xoves/Marzo
Ismael Ramos presenta “A parte Fácil” estará acompañado por Susana Pedreira de Onda cero radio
As personaxes deste libro están medrando. Ou quizais non se decaten de que xa remataron de medrar. Da adolescencia á trintena, as voces que tecen “A parte fácil” aprenden a convivir con sentimentos de culpa que non lles pertencen, coa vergonza, con segredos familiares antigos e recentes… A dificultade para comunicarse co mundo déixaos illados na inquietante xordeira de quen afunde a cabeza relaxadamente nunha bañeira chea de auga e sopesa a idea de non erguerse nunca máis.Os contos de “A parte fácil” conforman o primeiro libro de narrativa de Ismael Ramos.
Ás 19:00 horas
Librería Cronopios Pontevedra
“El mono poeta”
23
Xoves/Marzo
El Dr. Jorge Cameselle Teijeiro presentará su libro “El mono poeta. metamorfosis de un médico investigador del cáncer de mama” en el salón de actos de nuestra sede en Pontevedra.
Cuando comencé a escribir el MONO POETA pretendía dejar un sencillo testimonio a los médicos más jóvenes, a mi familia y a mis amigos, de algunas de las dificultades que tuve que superar, durante décadas, para poder compatibilizar el ejercicio de la medicina clínica con mi vocación como investigador. Pese a las facilidades actuales que proporcionan: la historia clínica electrónica…
Ás 19:30 horas
Rúa Echegaray 8, Pontevedra
“Caza Mayor”
23
Xoves/Marzo
A poeta Elvira Jardón presenta o seu novo libro ‘Caza Mayor‘ acompañada do escritor Luís Boullosa.
‘Caza Mayor’, editado por Amarante, é un exercicio poético no que se documenta unha etapa vital de emocións desbocadas.
Entrada de balde ata completar capacidade
Ás 19:30 horas
Libraría Paz Pontevedra
“Concerto de Primavera”
23
Xoves/Marzo
Teatro Principal, Pontevedra
O Teatro Principal acolle o Concerto de Primavera do campus de Pontevedra, que a Vicerreitoría promove coa colaboración do Concello de Pontevedra. Protagonizado por Pepe Vaamonde Grupo, que presentará o seu espectáculo O mellor dos catro elementos, o concerto contará tamén coa participación da cantareira María Vidal e da Aula Permanente de Música Tradicional do campus.
A actuación conta con entrada gratuíta con invitación. Estas poden recollerse entre o luns 20 e o mércores 23 nas conserxerías das diferentes facultades e escolas, así como na conserxería da Casa das Campás, neste caso ata ás 21.00 horas do propio xoves 23.
Ás 21:00 horas
Teatro principal, Pontevedra
“Xeira en Pontevedra”
24
Venres/Marzo
Próxima xeira con recital poético en Pontevedra ,no que participarei coa MESA DAS VERBAS en homenaxe ao SEMINARIO DE ESTUDOS GALEGOS.
Ás 12:00 horas
Edificio Castelao do Museo de Pontevedra
“Melodías de Broadway”
24
Venres/Marzo
A sala de conferencias da Casa das Campás acolle a proxección de “Melodías de Broadway (1953), de Vicente Minnelli, na nova sesión do ciclo de cinema Expediente alquimia. Integrado por doce proxeccións e inserido nas actividades da Semana da Creatividade, esta programación propón un achegamento ás múltiples canles polas que a creatividade se fai patente en películas de diferentes xéneros e épocas.
Entrada de balde
Ás 19:00 horas
Casa das campás, Pontevedra
“Oh, Rosas Vivas!”
24
Venres/Marzo
O venres 24 de marzo ás 20:00 horas, a Deputación acollerá o espectáculo “Oh, Rosas Vivas!”, unha iniciativa escénico-musical para redescubrir a pegada feminina na historia da música. Dirixida pola violinista María José Pámpano, esta proposta será unha apaixonante viaxe narrada polas vidas de mulleres como Francesca Caccini, Isabella Leonarda, Maria Bianca Meda, Bárbara Strozzi, Antonia Bembo ou Élisabeth Jacquet de La Guerre, compositoras dos séculos XVII e XVIII pioneiras na profesionalización da muller no eido musical, pero “silenciadas e esquecidas polo paso do tempo”. No espectáculo interveñen o grupo de música antiga Gallaecia Ensemble Barroco, o muralista Yoseba Murazábal, a poeta María Lado e a creadora visual Laura Iturralde.
Ás 20:00 horas
Salón Nobre da Deputación de Pontevedra
“Poesía e Microrrelato”
24
Venres/Marzo
Poesía e microrrelato en Pontevedra con
Beatriz Suárez-Vence, Borja Dicha, Laura Torres e Alfredo Hanabi
Ás 20:15 horas
Bar o Diaño. Pontevedra
“I Feira sen glute”
25,26
Sábado, Domingo/Marzo
Praza de España
I Feira Turismo de Sabores Sen Glute O evento, que se celebrará esta fin de semana, busca visibilizar a problemática que padecen cada día as persoas celíacas e poñer en valor ás empresas que enfocan a súa produción á elaboración de produtos sen glute, ofrecendo unha ampla variedade de alimentos e bebidas, tanto para degustar como para mercar.
Entre os produtos que poderán degustarse e mercarse na Feira inclúense bebidas de hidromel, meles, queixos, pementón, marmeladas, embutidos, anchoas, elaboracións artesanais con algas variadas, garavanzos, arroces, fideuás, caldeiradas de peixe, cogomelos, aceites, licores, chocolates, patés, caramelos, conservas, cervexa, café, cocktails, cremas de froitos secos, receitas con flores e bagas do saúco, elaboracións con fariña de castaña, sidra, polo frito e diversos artigos de alta cociña e delicatessen.
De 11:30 a 20:00 horas
Praza de España, Pontevedra
“El enjambre”
25
Sábado/Marzo
Presentación do libro “El enjambre” de Jose Gil Romero e Goretti Irisarri.
1941. O nazismo avanza en Europa. O férreo control do generalísimo Franco, igual que un vento xeado, sopra sobre os cantís galegos. José Luis Merinero é censor do Ministerio de Propaganda, un home amargado que perdeu á súa esposa e que transforma en cinzas os libros que toca.
Ás 12:30 horas
Rúa S.Román 7 , Pontevedra
“Uxía e Ruibal”
25
Sábado/Marzo
Matinés do principal
A artista galega Uxía e o músico andaluz Javier Ruibal unen as súas forzas e talentos en “Dá túa casa á miña”. Un retrato musical de dous poetas universais, Rosalía e Lorca, da man e do sentimento de dúas almas que tratan de poñer ás á poesía. Un espectáculo no que se acompañan de Marcos Teira, Sergio Tannus, Javi Ruibal.
Ás 12:30 horas
Teatro Principal , Pontevedra
“Concerto solidario”
25
Sábado/Marzo
Concerto solidario ofrecido polas Orquestas infantíl e xoven da Sinfónica de Pontevedra a favor de Manos Unidas.
Ás 20:00 horas
Auditorio do pazo da Cultura, Pontevedra
“Jay Martín”
26
Domingo/Marzo
Concerto de JAY MARTIN
Continuamos ofrecendo música en directo e boa cervexa artesana na taberna da nasa
JAY MARTIN cantará a sua historia aloumiñando os nosos oidos.
Ás 13:30 horas
Taberna Nasa, Pontevedra
“Tato Heredia e Javier Albatros”
18
Sábado/Marzo
Exposición Conxunta de Tato Heredia e Javier Albatros.
Do 18 de marzo ao 9 de abril
Liceo Casino, Pontevedra
“Gabarrón atlántico”
16
Xoves/Marzo
Inauguración da exposición ‘Gabarrón Atlántico, Ronsel de saudade”, de Cristóbal Gabarrón, a exposición está comisariada por Antón Castro.
Xoves 16 de marzo ás 18:30 no edificio Castelao
Entrada libre ata completar capacidade
Do 16 de Marzo ao 14 de Maio
Edificio Castelao do Museo de Pontevedra
“Fame cero 2”
13
Luns/Marzo
Benestar social Pontevedra
Benestar Social estreará unha exposición urbana para concienciar sobre a fame no mundo. Estará composta por cinco cubos con representacións gráficas creadas por dez artistas
Fame Cero 2, unha nova exposición urbana pictórica que ten como obxectivo concienciar á poboación acerca da problemática da fame no mundo, no marco das actividades do Concello con motivo do Día Mundial da Nutrición.
A mostra, que se estreará o 13 de marzo ás 13.00 horas, estará situada na rúa Daniel da Sota e contará cunha selección de fotografías de varias obras de ata unha decena de artistas: Carmen Hermo, Gosia Trebacz, Isabell Seidel, Yolanda Dorda, Isabel Pintado, Xulio García Rivas, Alfonso Costa, Ricardo de Campos, Fiz Valcárcel e Antón Sobral, que figura tamén como comisario da actividade.
Do 13 de marzo ao 13 de Abril 2023
Rúa Daniel de la Sota, Pontevedra
“Atlánticas. As Mulleres do Nordés”
10
Venres/Marzo
Palacete das Mendoza, Pontevedra
Exposición ‘Atlánticas. Mulleres do Nordés’, da pintora e escultora Viki Rivadulla.
A mostra está inspirada nas mulleres da costa galega e presenta uns seres case míticos pero fundamentados nunha realidade e ligados ao seu oficio mariñeiro. Mulleres empoderadas que defenden con orgullo o seu ser mariñeiro, “mulleres reais, traballadoras, pero pasadas por unha visión artística que as converte en guerreiras que defenden o territorio, o mar, que está esmorecendo e desaparecendo e que hai que coidar”
Horario de luns a venres de 9.00 a 20.00, os sábados de 10.00 a 14.00 e de 17.00 a 19.00 e os domingos e festivos de 10.00 a 14.00 horas.
Do 10 de Marzo ao 1 de Abril 2023
Palacete das Mendoza, Pontevedra
“Aire Galería”
9
Xoves/Febreiro
A Sala Universitaria Profesor Manuel Moldes, emprazada na Facultade de Belas Artes, acolle a exposición Aire Galería, centrada na traxectoria deste espazo expositivo de Bilbao, que dá visibilidade ao labor artístico do alumnado e profesorado vinculado á Facultade de Belas Artes da Universidade do País Vasco (UPV/EHU).
Promovida coa colaboración desta universidade, nesta exposición preséntase unha selección das obras dos 64 artistas que formaron parte nas diferentes exposicións promovidas na Galería Aire e que integran a súa colección. A mostra pode visitarse ata o 7 de abril, en horario de 9.00 a 14.00 horas.
D 9 de febreiro ao 7 de abril 2023
Sala de exposicións Manuel Moldes, Belas Artes, Pontevedra
“Símbolos do conflito”
2
Xoves/Febreiro
Exposición ‘Símbolos do conflito” de Xulio Gil,
Entrada libre ata completar capacidade
Do 2 de Febreiro ao 4 de Abril 2023
Edificio Castelao do Museo de Pontevedra
“Vexo, vexo! que ves?”
1
Mércores/Febreiro
Exposición VEXO, VEXO! QUE VES? Xogo, humor e metáforas na Colección de Arte Afundación, en Pontevedra
Compónse de trinta e catro pezas de autorías e soportes diversos: un gravado de Goya, debuxos de Castelao, esculturas de Xurxo Oro Claro, un óleo de Berta Cáccamo, a banda deseñada sobre a nosa Colección de Jacobo Fernández, fotografías de Helena Segura-Torrella e Daniel Canogar, entre outras obras. Todo, no Café Moderno de Pontevedra.
Do 1 de febreiro ata o 8 de abril 2023
Café moderno de Pontevedra
“A cidade é a pegada”
15
Xoves/Decembro
A exposición, que reflexiona sobre o acontecemento de pertencer a Pontevedra empregando a infancia como fío condutor, conta con Alfredo Olmedo como comisario, os subcomisarios Eduardo Outeiro, Norberto Olmedo e Fernando Suárez, Milagros Bará, Alberto Reiriz e Vicente Pillado do estudio de arquitectura NAN, o arquiveiro municipal Rodrigo Silva e Patricia Dopico, responsable do diseño editorial.
Estará dividida nos espazos Personaxes, do que hoxe avanzamos unhas pinceladas, Infancia, Arquitectura e Río e será, “a produción máis importante a nivel expositivo que levou a cabo o Concello.
Xa podes anotarte
“Morte accidental dun anarquista”
30
Xoves/Marzo
Ponteatro “Morte accidental dun anarquista” de Talía Teatro
Milán, 1969. Un anarquista morre ao caer desde a xanela dunha comisaría onde é interrogado pola policía. No medio da investigación xudicial dos feitos, a aparición na devandita comisaría dun “tolo” que se fai pasar por diferentes personaxes logrará dar un envorco ás pescudas e descubrir a verdade. Obra mestra da farsa con enxeñosos toques satíricos na que Dario Fo destaca a natureza da policía, os seus métodos manipuladores e a súa función represiva, así como o importante papel dos medios de manipulación de masas na súa procura de noticias e “escándalo”. Duración: 85 minutos
Ás 21:00 horas
Teatro Principal , Pontevedra
“Somos Criminais 3”
31
Venres/Marzo
Somos criminais no sentido menos criminal da palabra? Temos nosa propia forma de ser e ser? Somos diferentes, somos similares ou somos iguais aos demais? Son certos os clichés sobre nós? É certo que respondemos preguntas con preguntas? Non sabes se subimos ou baixamos? Din que as segundas partes nunca foron boas, así que Carlos Blanco e Xosé A. Touriñán pasan directamente á terceira. En Somos Criminais 3, Carlos Blanco e Touriñán analizan Galicia e os seus habitantes para saber como somos e por que somos como somos.
Ás 20:30 horas
Sede Afundación, Pontevedra
“Camerata Arven”
1
Sábado/Abril
DEL SILENCIO A LA EMOCIÓN II – Camerata Arven – Pedro y el Lobo
Do Silencio á emoción é un ciclo de concertos que convidan a escoitar a música clásica desde un punto de vista diferente, rompendo barreiras e integrando diferentes artes escénicas. Ao comezo resumirase a historia das obras de concerto, facilitando escóitaa, permitindo a participación do público e o seu achegamento á orquestra. «Pedro e o lobo» é unha obra musical de carácter didáctico, na cal os diferentes instrumentos representan cada un dos personaxes da historia. Neste primeiro concerto do ciclo, os nenos e nenas poderán escoitar as aventuras de Pedro narradas pola actriz galega Laura Sarasola e ilustradas musicalmente pola Camerata Arven.
O acceso a leste concerto será mediante a doazón de alimentos non perecedoiros que irán destinados ao Banco de Alimentos local, previa retirada da invitación en Ataquilla.com
Ás 19:30 horas
Sede Afundación, Pontevedra
“Conversation en Français”
3
Luns/Abril
Nathalie Ramírez
Cours de français en ligne avec Nathalie Ramírez Valbuena
Duración de Abril a xuño 2023
Días e horarios– Luns de 20:30 a 22:00 horas
Horas totais18
Prezo 160 Euros por persoa
Número de estudantes de 3 a 6
Nivel B2-C1
Datas: 3, 10, 17, 24 de Abril, 8, 15, 22, 29 de Maio, 5,12,19, 26 de xuño 2023
Contacto: nathalie.ramirezvalbuena@gmail.com o no teléfono 631472211
De 20:30 a 22:00 horas
En liña
máis artigos
♥♥♥ síguenos ♥♥♥