O ETERNO FEMININO. Exposición de Noelia Prado Fernández, no Ateneo Santa Cecilia 

Inauguración o luns, 4 de abril, ás 20:00 horas no noso local.  

O horario de visita a exposición é de martes a venres de 17:30 a 20:30 e de 11:00 a 13:00 os sábados.

“O Eterno Feminino pretende dar unha visión ácida e irónica sobre a construción patriarcal da feminidade e da identidade feminina. Para lograr este obxectivo, utilizo como ferramenta un punto de vista cotidiá, íntimo e afastado dunha beleza estereotipada polo consumo.” Noelia Prado Fernández

Elas volven ser as protagonistas do noso ciclo de cine. Tres películas que dan voz a mulleres valentes, atrevidas e loitadoras, amosando diversos temas como a reivindicación de dereitos, o voto, a soidade ou o traballo digno. Un ciclo transversal que ten como eixo vertebrador o empoderamento das mulleres no mundo.

“Toni Erdmann” Maren Ade | Alemania | 2016 | 156 min | NRM16

Inés leva unha vida perfectamente ordenada centrada no seu traballo. A súa existencia vese alterada pola visita do seu pai, do que se avergoña pero que a axudará a dar un novo sentido á súa vida a través dun personaxe imaxinario.

Esta actividade enmárcase en CULTURA POR ALIMENTOS, unha iniciativa de Afundación en prol de FESBAL (Federación Española de Bancos de Alimentos). 

O acceso será a cambio da entrega dalgún alimento non perecedoiro, que se poderá depositar no recinto, e irá destinado ao banco de alimentos local, mais previamente deberás reservar praza a través de Ataquilla.com sen ningún custo.

Reserva a túa entrada en Ataquilla.com! DE BALDE!

O Ateneo de Pontevedra organiza, dentro do Seminario Permanente de Filosofía, a conferencia De Nacionalismo(s) e Capitalismo, impartida polo doutor en Filosofía Domingos Antom Garcia Fernandes. O acto terá lugar o vindeiro martes, 5 de abril, ás 20 horas, sala de conferencias da Vicerreitoría do Campus de Pontevedra.

 Sinopse

Domingos Antom Garcia desenvolverá os seguintes apartados:

 “Uma primeira epígrafe em que, depois de explicar algumas visons da problemática nacional, perguntaremos se o nacionalismo, como assinala Rudolf Rocker, é uma religiom, empregada pola minoria dominante para manter a sua hegemonia; ou se só vai fazer sentido em urdime com a classe e com o género, como dizia Rosa Luxemburgo; ou se nom existe o perigo, apontado por Étienne Balibar, de converter as generaçons, que se sucedem num território, em herdeiras duma classe de essência invariável e de pensar num fado que marca uma trajectória inamovível cara a uma meta inevitável…

 Uma segunda rúbrica para examinar alguns argumentos a favor e contra do nacionalismo na sociedade atual, ao tempo que se descrevem os elementos nucleares do mesmo, para elucidar se é uma teoria política valiosa ou pesam mais as críticas para a rejeitar ao nível político e também no campo da moralidade. Assim mesmo tentará-se esclarecer se os nacionalismos e as suas divisons som arbitrárias, se há nacionalismos incompatíveis, se se trata de comunidades éticas ou se traçam fronteiras internas…

 Um terceiro título para se referir à identidade biológica, à sociocultural e à individual; analisar se o neoliberalismo fragmenta a identidade da classe obreira; disputar a respeito do já antiga, mas de plena atualidade, temática do reconhecimento e redistribuiçom; olhar se o mercado político da diversidade ocultou as posiçons de classe; escutrinar superstiçons, mitos, romantismos e falácias; aludir a identidades essencializadas, fechadas, exclusivas, opressoras, assassinas…; observar como os fundamentalismos mascaram estrategias de controlo e manipulaçom…

Os anos do silencio 

O historiador Xosé Álvarez Castro presenta ‘Os anos do silencio. Represión e resistencia na provincia de Pontevedra (1936-1951)’ no Salón Nobre do Pazo da Deputación de Pontevedra.
No acto intervirán María Ortega (deputada de Memoria Histórica), Fran Alonso (editor), María Lores Torres (neta de represaliado) e o autor.
‘Os anos do silencio. Represión e resistencia na provincia de Pontevedra (1936-1951)’ editado por Xerais completa a investigación de «Pontevedra nos anos do medo. Golpe militar e represión (1936-1939)», publicado tamén por Xerais en 2013.
Adoptando un tratamento crítico e rigoroso das variadas fontes documentais que o autor emprega, o libro presenta un enfoque didáctico e divulgativo

Achégase a primavera e iso significa que… Reabrimos as Ruínas de San Domingos! A partir do martes poderás visitar de novo o edificio máis antigo de todos os que forman parte deste museo. E se queres coñecer a súa historia, participa nas visitas guiadas que ofreceremos todos os xoves ás 12:00 h.

Día dá actividade: 8 de abril de 11:30 h a 20 h
Prazo de inscrición: Dende o 20 de marzo

  Formulario de inscrición

Durante a ditadura as mulleres foron as principais receptoras de castigos de marcado carácter sexista coma a rapa do pelo, a tatuaxe da pel, a inxestión obrigada de aceite de rícino ou as agresións sexuais.

O réxime relegounas ao ámbito do fogar, desbotando os avances en dereitos que comezaran a adquirir na etapa republicana, e foron tratadas como menores de idade e a súa sexualidade foilles negada. A Sección Femenina de Falange e a Igrexa marcaron as pautas do que debía ser a súa vida íntima, que non tiña máis finalidade que satisfacer as necesidades do varón.

Para entender como ese adoutrinamento condicionou a vida das mulleres, o departamento de Memoria Histórica da Deputación organiza as xornadas Individuas de Dudosa Moral: a Sexualidade Feminina, outra Vítima da Represión Franquista, nas que se abordará esta temática desde unha perspectiva ampla.

A xornada iniciarase ás 11:30 horas. Após a inauguración oficial, impartirase a charla “A negación da sexualidade das mulleres: a Sección Feminina” que impartirá a historiadora María Victoria Martins, especialista no estudo da represión con perspectiva de xénero.

A continuación, terá lugar unha mesa redonda baixo o título “O Patronato de Protección a la Mujer: un cárcere para as descarreiradas”. A represiva institución franquista será abordada por dúas das mulleres que máis a estudaron. Por unha banda, a xinecóloga Enriqueta Barranco, que investigou concretamente o centro lucense Nuestra Señora de los Ojos Grandes. Por outra, a xornalista Llum Quiñonero, presidenta de Acción Ciudadana contra la Impunidad del Franquismo e probablemente a persoa que máis investigou o funcionamento do Patronato a nivel estatal.

A sesión da tarde abrirase coa mesa redonda “O roubo de bebés”, coa presenza de Soledad Luque, presidenta da asociación Todos los Niños Robados Son también mis Niños, e a avogada das vítimas agrupadas nela, Maite Parejo, penalista experta en dereitos humanos. Haberá tamén unha intervención por videoconferencia de Marga Rodríguez, cuxo irmán foi roubado dunha clínica galega o día que naceu. A xornada finalizará coa intervención de Nanina Santos, historiadora e feminista, que falará sobre a represión contra as mulleres lesbianas, e proxectarase o documental de Art al Quadrat Sacar a la luz.

Presentación  do libro ‘Stricta funis. En la cuerda floja’ de Perfecto Souto. Será nunha vinoteca do centro histórico pontevedrés na que intervirá o arqueólogo e conservador do Museo, Antonio de la Peña e o cantautor local Daniel Gómez. 

Piscolabis+Lettre de Sibérie, Francia/1957/62′ é unha proposta innovadora que nos propón O sanatorio, será o sábado ás 20:00 horas

Reserva a túa praza no teléfono 667005584

BARBIÁN, zarzuela cabaret de Fernando Carmena con Rodrigo Cuevas .Madrid explícase a través da zarzuela e a zarzuela, a través de Madrid. Toma o seu nome do palacio homónimo, pero pronto une a súa historia ás rúas, prazas e teatros da cidade. O enxebre, saludablemente impuro por natureza, constrúese paso a paso por acumulación de mantones de Manila, faroliños de Nápoles, mazurcas polacas ou chotis de Escocia… Madrid, “ rompeolas de todalas Españas” en palabras de Antonio Machado, chea tamén os seus teatros de zarzuelas de inspiración manchega, murciana, galega, asturiana, vasca, andaluza… Créase así́ todo un legado de folclore reimaxinado desde a cidade que cristaliza na exultante xota da bruxa (1887), os xogos de sedución enclave segoviana da do Soto do Parral (1927) ou o inesquecible canto das espigadoras da rosa do azafrán (1930). Sempre en continua mutación, o xénero se pulveriza en múltiples subxéneros: sainete lírico, ópera moza, revista, xoguete cómico, corredor, humorada, divertimento, disparate… Madrid inspira os cuplés lúbricos da gatita branca (1905) e a melancolía de posguerra dun dia de primavera (1947): a zarzuela é o cabaré e o refuxio sentimental dos madrileños.

Mercar entradas

Exposición Postbabel. Ciudades Lámparas Animales

O profesor emérito da Universidade de Vigo Juan Fernando de Laiglesia presenta no espazo Nemonon a exposición Postbabel. Ciudades Lámparas Animales. Conformada por 22 pezas, a mostra concíbese como unha reflexión sobre cinco asentamentos humanos en diferentes épocas da historia da cultura.

A mostra pode visitarse ata o 13 de abril, de luns a venres de 12.00 a 14.30 e de de 19.00 a 21.00 horas, e o sábados de 12.00 a 14.00 horas.