TORI E LOKITA Jean-Pierre e Luc Dardenne, 2022, Bélxica, 89 min., VOSE Lingua orixinal: francés

Tori e Lokita viven nun centro de acollida en Bélxica. Son amigos, aínda que tratan de pasar por irmáns ante a Administración. Xuntos apáñanse para poder enviar cartos á casa, para pagarlle á mafia que trouxo a Lokita desde África e para conseguir os papeis que regularicen a súa situación en Bélxica. Aférranse á súa amizade para resistiren as condicións de precariedade e dureza extrema ás que son condenados por non teren papeis.  
Festival de Cine de Cannes 2022: Premio 75º Aniversario
Festival de Sevilla 2022: Premio do Público

 Lúa Mosquetera presenta a súa primeira novela ”¡Yo vivo!” acompañada do poeta Samuel Merino.
Di a autora que case todo o que se conta nesta historia non pasou mais todo, todo, todo é verdade.
A portada é obra do artista salmantino Ricardo Cavolo e o libro está editado por @lamodernaed

A Sala Universitaria Profesor Manuel Moldes, emprazada na Facultade de Belas Artes, acolle a inauguración da exposición Aire Galería, centrada na traxectoria deste espazo expositivo de Bilbao, que dá visibilidade ao labor artístico do alumnado e profesorado vinculado á Facultade de Belas Artes da Universidade do País Vasco (UPV/EHU).

Promovida coa colaboración desta universidade, nesta exposición preséntase unha selección das obras dos 64 artistas que formaron parte nas diferentes exposicións promovidas na Galería Aire e que integran a súa colección. A mostra pode visitarse ata o 7 de abril, en horario de 9.00 a 14.00 horas.

Inauguración ás 12:00

Libraría Paz

O ciclo ‘Teñamos a poesía en Paz’ recibe a visita dos poetas Isolda Comesaña e Pablo Otero. Presenta e coordina Silvia Penas.

A obra inaugural do 9 de febreiro é o novo proxecto teatral da Compañía Eléctrica, “Miss Docet“, con temática de memoria histórica. Ten como protagonista a Emilia Docet, a muller coñecida por ser a ‘miss España galeguista’, militante do Partido Galeguista, do que levaba unha insignia no peito cando se converteu en miss España. Recupera desde a escena a potencia dunha xeración de galegas que viu truncada a súa historia por un golpe de estado ilegal, e contribúe á loita para evitar que os seus nomes e os seus pasos desaparezan das nosas memorias.

Mercar entradas 

‘A foto 51′ é o novo programa deseñado pola Concellería de Cultura de Pontevedra con vocación de continuidade cada mes de febreiro para, coincidindo coa conmemoración do Día Internacional da Muller e a Nena na Ciencia, “traer a ciencia á nosa cidade, sobre todo a divulgación científica” e facelo con perspectiva de xénero para dar á muller o lugar que merece nesta disciplina e que deixe de ser invisible. 

O venres 10 de febreiro, ás 11:00 horas, o Teatro Principal acollerá a primeira actividade coa conferencia da matemática María Elena Vázquez Cendón, premio María Josefa Wonenburger 2022, que tratará cuestións da súa área científica mais vinculados coa perspectiva de xénero.

Xa o sábado 11, a axenda tornarase máis intensa, tendo como base un encontro divulgativo con até 13 poñentes, que ofrecerán charlas de dez minutos ao longo da mañá e da tarde.

Está prevista a realización de varios roteiros científicos, para os días 11, 12, 25 e 26 de febreiro, e que tamén precisa de inscrición e reserva de praza en https://apúntate.pontevedra.gal/. Cómpre aclarar que non é necesaria ningún tipo de entrada para as conferencias, nin ningún aporte económico.

El Cascanueces, Ballet Clásico Internacional

Durante a fantástica noite de Nadal que vive Marie, grazas á maxia de Drosselmeyer, no seu soño a protagonista presenciará a batalla dos malvados ratos e os soldaditos de chumbo, o seu xoguete Crebanoces converterase nun belo príncipe, e xuntos a través das terras nevadas aparecerán no Palacio Máxico, onde os seus xoguetes cobrarán vida e todos xuntos gozarán dunha festa inesquecible. 

Mercar entradas 

Presentación no Salón de Plenos da Deputación de Pontevedra “As Nove Cruces” o novo libro de Banda Deseñada con temática de Memoria Histórica realizado polo alumnado de “O Garaxe Hermético”.

Nesta ocasión recolle a historia da represión e a resistencia vinculada á Volta dos 9 de Baredo (Baiona).

Tras o éxito acadado  nas redes polos distintos capítulos da BD, o vindeiro venres faremos entrega a todas as persoas presentes dun exemplar do libro en papel.

Entrada de balde ata completar aforo

“A Liorta‘, teatro para conmemorar os 40 anos da Aula Castelao de Filosofía.

Representación de ‘A Liorta’, a cargo de Avelaíña Teatro  

Neste espectáculo ofrécese o debate entre as dúas figuras máis destacadas da etapa de Ilustración: Voltaire e Rousseau. Mentres Voltaire ofrece unha visión desde o punto de vista da razón burguesa baixo a liña dos intereses do capital marcado polo liberalismo; Rousseau ofrece unha proposta desde o desexo de igualdade, o sentimento de liberdade e a esperanza de felicidade, sendo o promotor do socialismo e do romanticismo.

Entrada libre e gratuíta.

Libraría Paz

O vermú entre libros acolle a visita do escritor Fran P. Lorenzo que conversará co editor Carlos Meixide do seu novo libro ‘A festa equivocada‘ (Rodolfo e Priscila editora)

Exposición de fotografía de Jaime Olmedo na Fundación RAC.

Horarios de mércores a venres de 17:00 a 20:00 horas e sábados de 12:00 a 14:00 horas