O Ateneo de Pontevedra organiza a conferencia Sanidade Pública: o estado da cuestión, impartida por Manuel Martín García. O acto terá lugar o vindeiro martes, 7 de marzo, ás 19:30 horas, na sala de conferencias da Vicerreitoría do Campus de Pontevedra.

Manuel Martín García. Licenciado en Medicina pola Universidade Complutense de Madrid (1978). Especialista en Medicina Familiar e Comunitaria. Máster en Saúde Pública pola Universidade da Habana. Oficial Sanitario pola Escola Nacional de Sanidade de Madrid. Ex titor extrahospitalario e ex coordinador da Unidade Docente de Medicina Familiar e Comunitaria de Pontevedra. Ex profesor de Saúde Pública da Escola de Enfermaría de Vigo (Hospital Xeral-Cíes).

A entrada é libre ata completar capacidade.

A RAPARIGA  Eltázozott nap, Márta Mészáros, 1968, 84 min., VOSG
Lingua orixinal: húngaro  cineclube

A rapariga traballa nunha fábrica téxtil. Educada nun orfanato, busca desesperadamente os seus pais. Atopa a súa nai nunha pequena aldea e esta pídelle que agoche a súa identidade ante a súa nova familia. A rapariga séntese terriblemente soa, inicia curtas relacións con homes que non a enchen. Decide axudar un home que parece saber algo sobre a morte do seu pai, mais estalle a contar a verdade?

Aínda que Mészáros xa traballara durante quince anos como documentalista no NODO húngaro, esta é a súa primeira longa de ficción, onde están xa presentes todas as súas inquedanzas temáticas e a sosegada experimentación nas formas. Para este primeiro filme contou con Kati Kovács como protagonista, toda unha celebridade no mundo do rock cando se filmou esta película.

Acción artística. Peza: Alguén aquí? A intención da peza é destacar o estado de alarma, alerta, e tentar reafirmar unha vez máis a urxencia de non baixar a garda, de renovar alentos, de espertar máis conciencias, voces e espazos de intervención e de defensa dos nosos dereitos. Dos dereitos das mulleres Espectáculo/acción escénica combinado con outras disciplinas a proposta da polifacética CARMEN QUINTEIRO, mestra, escritora e artista

A cuarta edición da iniciativa Rutas Saludables volve a Pontevedra

A actividade é gratuíta e comezará o próximo día 23 de febreiro ten prazas limitadas e está dirixida a esa poboación que ten unha vida sedentaria e quere comezar a practicar hábitos de vida saudables

Divídese en 2 grupos os xoves: un ás 10.30 horas e outro ás 17.00 horas A duración prevista para esta actividade é de hora e media aproximadamente e será guiada sempre por un/unha voluntari@

Desenvolveranse pola cidade co obxectivo de combater o sedentarismo, xa que é o responsable do 6% de mortes en todo o mundo e incrementa o risco de padecer cancro de colon e de mama ata un 20-25%

Se queres inscribirte, chámanos ao noso teléfono 900 100 036 (gratuíto e 24h) ou presencialmente na nosa sede en Pontevedra (Eduardo Pondal, 64A, baixo) ata que se completen as prazas.

Ponteatro “Hamelin” de RedRum

*Érase unha vez unha fermosa cidade chamada Hamelín. A cidade estaba chea de ratas. Ata que alguén tocou unha música fermosa”. A versión aproximada do conto é máis crible e máis parecida ao mundo no que vivimos. No noso mundo, as nenas pagan primeiro. Pagan os vicios dos maiores e as súas mentiras. Nese sentido, o Hamelín que non sabe protexer ás súas nenas é como moitas cidades do noso mundo. Mayorga aborda o tema da pederastia con linguaxe e escenas cheas de elipses, onde se alude a cousas, onde o espectador debe poñer do seu parte para interpretar, para imaxinar, para encher os silencios.   Texto: Juan Mayorga Dirección e tradución: Alex Sampaio. Repartición: Machi Salgado, Mónica García, Fran Lareu, Belén Constenla, Roberto Leal, Guillermo Carbajo, Rubén Porto Duración 90 minutos.

Mercar entradas

Durante os días 10, 11 e 12 de Marzo, celebrarase a Feira de alimentación e artesanía, feitas en Galicia, por mulleres. Exposición e venda de artículos de alimentación e artesanía. Exposición fotográfica. Obradoiros para as crianzas. Charlas…

Durante os días 10, 11 e 12 de Marzo, celebrarase no Pavillón Municipal dos Deportes de Pontevedra, o CAMPIONATO DE ESPAÑA STANDARD 2023. Este evento está organizado desde o Concello de Pontevedra, a Federación Española de Baile Deportivo e a nosa escola PonteBaile.

Proxección do documental Carne. A continuación haberá unha conferencia con Chelo Loureiro (produtora) e Sofía Oriana (compositora).

Crúa, pouco feita, ao momento, feita e moi feita. Pintada sobre un prato de cerámica, Rachel Patricio é unha nena gorda e un desgusto para a súa nai. Durante a adolescencia, representada por pinceladas de acuarela, Larissa Rahal redescubre o seu corpo e o potencial do seu menstruación. No auxe da mocidade, entre glitches e ruídos dixitais, a cantante Raquel Virginia expón os riscos aos que cada día enfróntase por ser quen é: negra e trans. A arxila en constante metamorfose é o corpo de Valquiria transformándose ao longo do climaterio. A actriz Helena Ignez, icona do cinema brasileiro dos 60, debuxada en tinta sobre o celuloide de 35mm de ‘Copacabana mon amour’ -película que a lanzou á fama-, conta como o seu corpo foi importante para a súa carreira artística, pero tamén como foi obxecto de abusos. Cinco mulleres e a súa relación co corpo, desde a infancia á vellez, toman forma en ‘Carne’.

Entrada de balde ata completar capacidade

Paula Cheshire presenta o seu novo cómic editado por Fandogamia acompañada de Marta Carril (club BD Libraría Paz).
En ‘El duelo’ atoparemos un conxunto de sentimentos feitos cómic e tamén esa capacidade da autora para facernos rir coa súa presentación da morte.

Que ocorre cando alguén morre? O certo é que non hai unha resposta correcta. Só sábese o que queda entre os vivos: un vórtice de sentimentos e o ter que lidar co feito de que alguén, que estivera sempre, xa non estea. Paula narra o proceso de duelo tras a perda da súa nai, atravesando as diferentes etapas que teñen, como fin, unha soa cousa: aprender a vivir coa dor e poder transformalo.

Esta divertida comedia musical fai un percorrido polo noso pasado máis recente, a través da vida dunha parella divorciada que, pasados os 50, diríxense ao público para lembrar con, moito humor, as experiencias que os levaron ata o presente. A obra, escrita por Adolfo Marsillach, é unha proposta que convida a rir, cantar e sobre todo, a lembrar unha época da nosa vida, que xa é historia.

Mercar entradas

Via Nai e *Índigo son dous espazos con moito en común, creados para gozar das nosas actividades e convidarvos a incorporalas na vosa rutina. A paixón polo mundo botánico e o aroma a galletas amasadas con amor únense, dando lugar a este taller de galletas de primavera.

Realizaremos pastas de té tradicionais (con manteiga) e versión con masa sablée (sen glute). O acabado decorativo con flores comestibles fará destas galletas unha elaboración única e especial.

Esperámosche o vindeiro sábado 11 de marzo de 11:00 a 13:30 en Via Nai. Lembra facer a túa inscrición, as prazas son limitadas, e voan!!

tl 629 09 75 66

O Ateneo de Pontevedra organiza un relatorio arredor do libro para ler e colorear Histórias de encantar, autoría de escritores e poetas galegos e portugueses.

Anni B Sweet en As Matinés do Principal 

O novo tándem Os ESTANQUES e ANNI B SWEET publicou o seu primeiro álbum conxunto, baixo o título “Burbuja cómoda y elefante inesperado” (27/05/22), co tema “Caballitos de mar” como focus track. Composto por Anni B Sweet e Iñigo Bregel, e producido integramente polo propio Bregel, gravouse durante o ano pasado entre Madrid e as montañas fronteirizas de Lanestosa (Euskadi/Cantabria). Autoproducido ao 100%, editouse de forma independente con Inbopohonic Records e distribución de Altafonte. Todas as artes deste proxecto as firma Mario Feal.

Mercar entradas

A Orquestra Sinfónica de Pontevedra protagonizará un concerto moi especial denominado “Mulleres e Inspiración” baixo a batuta de Renata Oliveira. Unha proposta de programa que reúne no seu eixo central a promoción da muller e as súas profesións relacionadas coa música. Dar visibilidade a unha profesión que sempre foi exercida por unha maioría masculina desde a antigüidade. Nel poderemos escoitar as melodías máis significativas de Amy Beach, un nena prodixio desde moi temperá idade, sendo a primeira muller estadounidense en compoñer e interpretar unha sinfonía. E como non, a tres talentosas compositoras do noso tempo e contorna, como son Sofía Oriana, Carme Rodríguez e Julia Dopico que tamén se encargarán de enlazar as súas melodías coa nosa querida Galicia, nas que unha frauta e unha bandurria serán as protagonistas. 

Mercar entradas

Exposición “Hipnosis”, de Ivo Sirakov

 Inauguración: mércores 1 de marzo de 2023, ás 20 horas, no Liceo Casino de Pontevedra (rúa de Manuel Quiroga, 21). Poderá visitarse durante o mes de marzo.

 Organiza: Liceo Casino de Pontevedra.

 Colabora: Ateneo de Pontevedra.

Exposición de Menchu Abril. no Granero Delmás

Do 13 de marzo ao 13 de abril 

Horario de 9:30 a 14:00 e de 17:00 a 20:30 horas

A Sala Universitaria Profesor Manuel Moldes, emprazada na Facultade de Belas Artes, acolle a exposición Aire Galería, centrada na traxectoria deste espazo expositivo de Bilbao, que dá visibilidade ao labor artístico do alumnado e profesorado vinculado á Facultade de Belas Artes da Universidade do País Vasco (UPV/EHU).

Promovida coa colaboración desta universidade, nesta exposición preséntase unha selección das obras dos 64 artistas que formaron parte nas diferentes exposicións promovidas na Galería Aire e que integran a súa colección. A mostra pode visitarse ata o 7 de abril, en horario de 9.00 a 14.00 horas.

O oficio de vivir é un ciclo de cine e saúde mental que se celebra este ano por segunda vez na cidade de Pontevedra. Trátase dunha iniciativa organizada por taller abierto e  impulsada polo concelleiro de Benestar Social do Concello de Pontevedra, Marcos Rey.

Cada unha das sesións incluirá unha presentación a contextualización da película a cargo do experto Suso Novás, a proxección e un turno de preguntas e coloquio final, donde Julia Fraga, especialista en Psiquiatría, exporá as súas reflexiones sobre a película.

“O Servente” de Joseph Losey

Un intrigante e manipulador mordomo consegue, gradualmente, dominar a vida do señor ao que serve, aproveitándose das súas debilidades sexuais. Un tenso e adulto drama psicolóxico que obtivo excelentes críticas

A entrada será de balde ata completar aforo.