Os Perillotes

Os perillotes.- Son os froitos dunha pereira brava (Pyrus cordata Desv.) coñecida en Galicia como estripeiro, un arbusto con pinchos que se utiliza como patrón onde se enxertan pereiras e maceiras con moito éxito pois este arbusto adáptase moi ben a calquera tipo de terreo.
Para poder comer os perillotes hai que recollelos na árbore xa maduros e deixalos nunha fonte a esperar que sufran unha especie de fermentación, pois do contrario teñen un sabor amargo e acre que tira para atrás. Unha vez que fermentan, antes de podrecer, adquiren un sabor parecido á compota moi agradable.
En Pontevedra tíñaos mercado nunha pequena froitaría que xa hai moitos anos que pechou na praza da Peregrina. A Señora preguntaba se sabía comelos se non non mos vendía pois sempre llos traían de volta. Tiven que explicarlle o método e díxome que era o segundo cliente. O anterior era D. Antonio Odriozola. Dese xeito xa eramos dous “autorizados”.
Na actualidade teño unha amiga que sabe da miña teima e tráeme un montón cada ano.
Datos técnicos da foto: f/14 ; 1 seg ISO: 100 ; Trípode; Canon EOS 5D; 100 mm Macro ; Luz lateral ; Disparador cable : Data de realización 26/08/2014.

Camiño de Brañagallones

Esta Braña queda no Parque Natural de Redes (Asturias).

Unha “Braña” en Asturias é un pasto de altura e recibe o nome de Gallones porque así se denominan en Asturias aos machos da Pita do monte (Urogaio). Nas proximidades desta braña existían varios cantadeiros destes machos nos bosques de faias que a rodean.

A foto está feita o 28 de novembro de 2008 e as follas das faias queren empezar a despedirse antes de que empece o inverno ofrecendo ese espectáculo de color.

Datos técnicos da foto:

Cámara: Canon dixital PowerShot A630

f:2,8   ; v 1/60 ; ISO: 161