Torta de aceite por Ana Santos Solla
Hoxe traémosche unha receita tradicional, malagueña, fácil de facer: torta de aceite con anís e almendra. Perfecta para acompañar un café ou para sorprender cun sabor auténtico e unha textura esponxosa. Velaquí che deixamos os ingredientes, a preparación paso a paso… e o vídeo para que non perdas detalle!
Porcións
10
Listo en:
40 minutos
Ideal para:
Sobremesa
Ingredientes
- 180 g de azucre
- 170 ml de aceite de oliva virxe extra
- 230 g de leite enteira
- 10 g de anís en gran
- 250 g de fariña de trigo
- 1 sobre de levadura química (tipo Royal)
- 50 g de améndoa enteira crúa
- Un pouco máis de azucre para espolvorear
Preparación
- Nun bol grande, mestura cun batidor manual o leite, o azucre, o aceite e o anís en gran.
- Engade a fariña e o sobre de levadura química, remexendo ben ata que quede unha masa homoxénea.
- Verte a masa nun molde forrado con papel vexetal ou previamente engrasado.
- Espolvorea un pouco de azucre por enriba e reparte as améndoas enteiras pola superficie.
- Engade un pouco máis de azucre por riba para que se forme unha costra dourada e crocante ao cocer.
- Co forno previamente quentado a 170 °C, enforna durante 30-35 minutos ou ata que, ao pinchar cun escarvadentes, saia limpo.
Suxestións
Déixaa arrefriar antes de desmoldar e servir. Podes acompañala cun viño doce ou cun café para unha merenda perfecta!
Ana Santos Solla
Profesora de E.F.
Son Ana Santos, nacín en Pontevedra no ano 1960, a miña infancia estivo moi ligada a Santa María de Xeve, a terra da miña nai, son a terceira de 8 irmáns, a maior das mozas, a máis vella como me dicían de pequena. Sempre me gustou o deporte e estudei INEF en Madrid, estiven 34 anos no IES Valle Inclán impartindo Educación Física alí foi onde coñecín ao resto dos meus compañeiros que agora me acompañan neste proxecto. Decidín xubilarme para dar un novo rumbo á miña vida e levar a cabo este tipo de iniciativas como @devellabella ue pretende que o envellecemento activo convértase en embelecemento persoal e poder achegar a miña experiencia nesta etapa da vida.
Nós os maiores aínda temos moita guerra que dar, espero que este blogue motívevos a querer colaborar connosco.
máis artigos
♥♥♥ síguenos ♥♥♥
