Seleccionar página
Queridos reis magos de Argallada teatro – devellabella

Queridos reis magos de Argallada teatro – devellabella

Por suposto que imos reservarlle un espazo destacado ao teatro, non teriamos perdón de non facelo, non só porque é unha parte moi destacada da nosa cultura, senón tamén pola nosa relación con ese mundo ao ser moitos de nós membros do grupo de teatro amador Argallada.

Falaremos de teatro, propostas, obras en escena, obras xa convertidas en clásicos, etc. e, como non, falaremos do noso, das obras que fixemos nós ao longo de quince anos.

Ídesnos permitir, aínda que poida parecer inmodesto ou fachendoso, comezar polo que mellor coñecemos, por Argallada. 

O Grupo Argallada  é un grupo de teatro amador formado por profesores e exprofesores do IES Valle Inclán de Pontevedra. Ben é certo que cada vez somos máis os ex, así, todos os membros deste blog, a excepción do noso querido compañeiro Pepe, pertencemos ao grupo, ademais case todos estamos nel desde o seu nacemento, que se remonta ao curso 2005-06.

Foi no seo do Equipo de Normalización Lingüística onde xurdiu a idea. A participación de docentes de distintas materias nunha actividade cultural que trataba de potenciar o uso do galego e o intento de facilitar unha aproximación do noso alumnado ao feito teatral como algo cercano e recoñecible, didáctico e divertido, constituíron  os argumentos que  nos  animaron a  tomar a decisión.

En fin, se somos sinceros, tamén había pola nosa parte unha vocación faranduleira nada desdeñábel.

Desde entón representamos cada final de curso unha obra de teatro, con predominio absoluto da comedia, de autoría propia e allea e dirixida ao noso alumnado, pero tamén ao todos os que quixeron achegarse ao Teatro Principal, aínda que chegamos mesmo a actuar en Santiago, Caldas, Cuntis, O Carballiño, Vilagarcía, A Estrada, Ribadumia… e en varias freguesías pontevedras, como Campañó, Mourente, Marcón, etc. Falo en pasado porque neste maio-xuño do 2020, debido á brusca incursión da pandemia nas nosas vidas, non o puidemos levar a cabo e por primeira vez interrompeuse sine die a posta en escena da nova montaxe que xa estabamos preparando.

Foron dez obras distintas as que representamos ao longo destes quince anos, algo que non poderiamos ter feito sen a axuda inestimáble de Manuel Solla, profesor de teatro do grupo de alumnado do instituto e á vez actor e director de teatro, que nos aconsellou, nos ensinou e foi o responsable da montaxe da luz e do son da maioría das obras.

Con subtítulos

Queridos Reis Magos foi unha tradución e adaptación ao galego, realizada polo Grupo Argallada, da peza Criaturas do grupo catalán T de teatre.

Esta escena que seleccionamos foi unha das máis aplaudidas, pero a obra estaba estruturada en oito máis: NeonatosVida de naiCarta dubidosaPor que? 1Carta da bicicleta,  Por que? 2,  Quero ser maiorOver the Rainbow

Recomendación: se non tivestes ocasión de vela no seu día merece a pena visualizala toda, seguro que non vos arrepentiredes da decisión.

Representouse no ano 2016 no Teatro Principal de Pontevedra con grande afluencia de público, como soía ser habitual nas nosas montaxes, ao contar co noso alumnado incondicional e moitos dos compañeiros, familiares, amigos, etc.

Charo Valcárcel Mato

Charo Valcárcel Mato

Profesora de galego

Eu son Charo Valcárcel. Nacín nunha pequena freguesía da Estrada (Sta. Cristina de Vinseiro) hai 60 anos, pero xa levo trinta e cinco vivindo en Pontevedra, case tantos como os que traballei no IES Valle Inclán (trinta e dous), toda unha vida…

Estudei Filoloxía Hispánica, aínda que me presentei e aprobei as oposicións para profesora de Lingua galega e sempre exercín como tal, do cal me sinto e sentirei sempre moi orgullosa.

No Valle Inclán coñecín a Ana, Manuel, Isidro, Benito e Sara que, considero, máis que compañeiros, amigos, bos amigos. Xuntos compartimos moitas experiencias.

Agora esta na que nos implicou Ana que, polo menos para min, é un salvavidas, un incentivo que chega para encher o oco que deixa o ensino nas nosas vidas.

Pero tamén formamos parte dun grupo de teatro de profesores (en activo e xubilados) que naceu no 2005 no seo do Valle Inclán, Argallada, e que está esperando tempos mellores para retomar a súa actividade.

Agardo que as miñas contribucións no blog devellabella sexan merecedoras do voso beneplácito ou, polo menos, non do voso desgusto.

Os dous xastres

máis artigos

♥♥♥ síguenos ♥♥♥

Argallada grupo de teatro – devellabella

Argallada grupo de teatro – devellabella

Por suposto que imos reservarlle un espazo destacado ao teatro, non teriamos perdón de non facelo, non só porque é unha parte moi destacada da nosa cultura, senón tamén pola nosa relación con ese mundo ao ser moitos de nós membros do grupo de teatro amador Argallada.

Falaremos de teatro, propostas, obras en escena, obras xa convertidas en clásicos, etc. e, como non, falaremos do noso, das obras que fixemos nós ao longo de quince anos.

Ídesnos permitir, aínda que poida parecer inmodesto ou fachendoso, comezar polo que mellor coñecemos, por Argallada. 

O Grupo Argallada  é un grupo de teatro amador formado por profesores e exprofesores do IES Valle Inclán de Pontevedra. Ben é certo que cada vez somos máis os ex, así, todos os membros deste blog, a excepción do noso querido compañeiro Pepe, pertencemos ao grupo, ademais case todos estamos nel desde o seu nacemento, que se remonta ao curso 2005-06.

Foi no seo do Equipo de Normalización Lingüística onde xurdiu a idea. A participación de docentes de distintas materias nunha actividade cultural que trataba de potenciar o uso do galego e o intento de facilitar unha aproximación do noso alumnado ao feito teatral como algo cercano e recoñecible, didáctico e divertido, constituíron  os argumentos que  nos  animaron a  tomar a decisión.

En fin, se somos sinceros, tamén había pola nosa parte unha vocación faranduleira nada desdeñábel.

Desde entón representamos cada final de curso unha obra de teatro, con predominio absoluto da comedia, de autoría propia e allea e dirixida ao noso alumnado, pero tamén ao todos os que quixeron achegarse ao Teatro Principal, aínda que chegamos mesmo a actuar en Santiago, Caldas, Cuntis, O Carballiño, Vilagarcía, A Estrada, Ribadumia… e en varias freguesías pontevedras, como Campañó, Mourente, Marcón, etc. Falo en pasado porque neste maio-xuño do 2020, debido á brusca incursión da pandemia nas nosas vidas, non o puidemos levar a cabo e por primeira vez interrompeuse sine die a posta en escena da nova montaxe que xa estabamos preparando.

Foron dez obras distintas as que representamos ao longo destes quince anos, algo que non poderiamos ter feito sen a axuda inestimáble de Manuel Solla, profesor de teatro do grupo de alumnado do instituto e á vez actor e director de teatro, que nos aconsellou, nos ensinou e foi o responsable da montaxe da luz e do son da maioría das obras.

Hoxe queremos presentarvos unha pequena mostra do que facemos, que procede dunha das nosas últimas representacións: Finlandia, peza de Fran Godón, (á que só lle engadimos unha escena da nosa autoría) profesor de Lingua Galega, dramaturgo, actor e director de teatro, que por aquel entón traballaba con nós no instituto.

A obra está formada por doce escenas independentes, que presentan en clave de humor disparatado distintas situacións pouco comúns e nada convencionais que teñen como principal finalidade arrincar a gargallada do público e implicalo neste mundo absurdo ante o que non ha de quedar indiferente.

máis artigos

♥♥♥ síguenos ♥♥♥

Español