“De súpeto, o paraíso” 

10

Luns/Xaneiro

It must be heaven de  Elia  Suleiman (De Súpeto, o paraíso)
Francia/Palestina/Qatar/Alemaña/Canadá/Turquía 2019; 97′ V.O.S.C.
O cineasta palestino se interpreta a si mesmo; no filme viaxa primeiro a Francia e logo ós Estados Unidos na busca de fondos para realizar unha película. En París, o consello é que faga un filme que non sexa moi palestino, pero que tampouco estea moi lonxe desta materia; nos Estados Unidos, acompañado por Gael García Bernal, o ignoran olímpicamente.
Tamén podería decirse que fuxe de Palestina na busca dun novo fogar, só para decatarse de que Palestina o persigue, sen importar o lugar onde esté. A promesa dunha nova vida pronto pasa a ser unha comedia chea de desatinos.
ELIA SULEIMAN
Director, guionista, actor e produtor nado en Nazareth en 1960. Comparado con Buster Keaton, Jacques Tatio ou Charles Chaplin, polo seu humor e tamén a súa acidez como despiadado retratista da realidade sociopolítica no Medio Oriente. Viviu en Nova York entre 1981 e 1993, periodo no que dirixe as súas primeiras curtametraxes, “Introduction to the End of an Argument” e, “Homage by Assassination”, cos que acadou numerosos premios. No 1994 marcha a Xerusalén, onde a Comisión Europea lle encarga montar un Departamento de Cine e Audiovisuais na Universidade Birzeit.
Este é o seu ultimo traballo.

Ás 20:30 horas
Auditorio Municipal, Praza do Rei Vigo
Pérez, historia

“Pérez. Historia dun triunfo ” 

13

Xoves/Xaneiro

A escritora Llerena Perozo Porteiro presenta o seu libro ‘Pérez. Historia dun triunfo’ acompañada de Eva Mejuto (escritora) e Míriam Viñas (lectora e feminista).
En ‘Pérez. Historia dun triunfo’ (Editorial Galaxia) a autora, sen afastarse nunca do sentido do humor, apelando sempre á falibilidade humana e á empatía, condúcenos nun relato áxil a través de vidas entrecruzadas. Un home de pro, machista militante e con éxito social, unha esposa sometida, unha nai rebelde, dúas migrantes vítimas do mundo da prostitución, outras dúas mulleres procedentes do rural abocadas ao servizo e unha moza urbana que conta coas ferramentas para revolucionar o mundo, dan forma a esta historia de supervivencias.
Cada unha das protagonistas, e todas xuntas, vanlle dar un novo sentido ao concepto do triunfo. Daquela, estamos tamén ante unha historia de xustiza poética, de rebelión, de esperanza.
Aforo limitado – reserva en
librariapaz@gmail.com
Ás 19:30 horas
Libraría Paz
Charla consciente

“Charla: Sistema Consciente ” 

14

Venres/Xaneiro

Nunca é demasiado tarde… aquí tés o texto;)
Aymar de Villele falará das relacións invisibles, e aínda reais, entre o inconsciente, o consciente, o entorno, as emociones e a saúde físico-mental.

Entender cómo se relacionan é o primeiro paso cara á paz e a felicidade.

Reservas_667005584

Ás 19:00 horas
O Sanatorio rúa Andrés Muruais 11
O instituto

Instituto de Pontevedra 1845-1963

18

Sábado/Decembro

Instituto de Pontevedra 1845-1963” é o título da exposición fotográfica que recolle 118 anos de historia académica na cidade a través de orlas, imaxes e outras fotografías das promocións de alumnos e os claustros de profesores neses anos. A exposición, patrocinada pola Deputación a través do Museo de Pontevedra, abriuse na galería de arte Musart, situada no número 28 da rúa Herreros e pódese visitar ata o próximo 17 de xaneiro de luns a xoves entre as 12.00 e as 14.00 horas pola mañá e de 18.00 a 20.00 horas pola tarde. Os venres, o horario é de 11.00 a 13.00.

Ata o 17 de xaneiro 2022

Galería de arte Musart Rúa Herreros nº 28

orografia

Orografía

18

Sábado/Decembro

Orografías” preséntase como unha proposta de relación artística co fin de crear un diálogo en común, propoñendo unha convivencia e relación plástica que desemboca na idea de territorio. Este concepto é concibido desde tres fronteiras e perspectivas diferentes que representa unha descrición física e emocional do lugar habitado, lembrado ou estrañado.
María Gar, Basilisa Fiestras, Alexandra R.Rey
Ata o 21 de xaneiro

Sala Apostrophe Vigo

Papiroflexia

“Origami” 

4

Xoves/Novembro

Edificio Castelao

A exposición ‘Origami. De papel a obra de arte’, que estará aberta desde o xoves ata o 23 de xaneiro no #edificioCastelao, propón un percorrido por todas as modalidades da papiroflexia partindo dos seus inicios tanto no mundo como en España, onde Miguel de Unamuno foi un dos seus máximos impulsores, e destacando o labor do grupo zaragozano fundado en 1944. Non vola perdades!
 Entrada libre ata completar a capacidade

Visitas guiadas todos os xoves ás 18:00 h. Sen inscrición previa 

Do 4 de Novembro ao 23 de Xaneiro

Ata o 23 de xaneiro 2022

Museo de Pontevedra

Castelao

‘Castelao en Europa. A viaxe de 1921 

2

Xoves/Decembro

Inauguración de ‘Castelao en Europa. A viaxe de 1921’, unha mostra na que poderedes ver o ‘Diario’ orixinal no que o artista recolleu as impresións da súa estancia en Francia, Bélxica e Alemaña, onde puido estudar a tradición artística e as linguaxes das vangardas europeas contemporáneas. Reproducións de máis dun centenar dos debuxos contidos neste excepcional manuscrito, así como documentación, correspondencia e demais material relacionado con esta viaxe de gran impacto na súa evolución artística, conforman esta exposición comisariada pola responsable de Coleccións deste museo, Ángeles Tilve.
Entrada libre ata completar a capacidade
Ata o 23 de xaneiro
Ata o 23 de xaneiro 2022 

Edificio Castelao

historias vestidas

“Historias vestidas” 

9

Xoves/Decembro

Exposición sobre moda con proxectos de novos deseñadores formados en Pontevedra. A mostra acolle traballos desenvolvimos como parte da súa formación, con marcado carácter experimental e narrativo. Creacións que contan historias a través das prendas: a selección de tecidos, as siluetas e os estampados conforman un relato a través dos significados que gardan. 

Na mostra pódense ver os proxectos recentemente premiados na última edición de Debut: Noemí Montenegro, premio SETGA ao deseño e a creatividade; Sabela Juncal, premio Digipress Epson á mellor aplicación en moda de técnicas de sublimación; Bibi Martín, premio Artesanía de Galicia – Xunta de Galicia á colección con valor artesanal.

Cinco dos 16 deseñadores participantes na mostra están cursando na actualidade o Mestrado Universitario en Diseño e Dirección Creativa en Moda. Os outros remataron recentemente os estudos e son os traballos fin de master e os traballos final de estudos do título propio de Esdemga os que presentan no Pazo da Cultura

A inauguración terá lugar o xoves 9 ás 20h e permanecerá visitable ata o 30 de xaneiro de martes a venres de 18 a 21h, sábados de 12 a º4h. e de 18 a 21h. e domingos de 12 a 14h. Os luns, pechada.

Ata o 30 de xaneiro 2022

Pazo da Cultura

Tino Canicoba

O fin da memoria

18

Sábado/Decembro

Exposicion Tino Canicoba O Fin da memoria “
O artista logra representar na súas obras o sinificado que a vida cotiá esconde.
A exposición estará ata o 30 de Xaneiro.
Quedaredes gratamente sorprendidos pola historia e os personaxes que xiran o redor da exposicion.
Ata o 30 de xaneiro

Centro comercial Arousa

máis artigos

♥♥♥ síguenos ♥♥♥