Documental ‘Tódalas mulleres que coñezo‘

A Facultade de Ciencias da Educación e do Deporte acolle, no seu salón de graos, a proxección do documental Tódalas mulleres que coñezo, co que a cineasta Xiana do Teixeiro promove unha reflexión sobre os diferentes tipos de violencia aos que se ven sometidas as mulleres no espazo público. Organizada polas profesoras Amada Traba e Sara Torres e financiada pola facultade e da Unidade de Igualdade da UVigo, esta actividade, aberta ao público, complétase cun coloquio coa directora deste documental.

ETIQUETA NEGRA. Gourmet galego e innovación inspiradora é unha iniciativa da Concellaría de Promoción da Cidade de Pontevedra.

Estamos quentando os fogóns para amosar a gran variedade de alimentos e bebidas de alta gama que se están a facer en Galicia, e os procesos de innovación de produtos, sabores e envases.

A feira abre tamén as súas portas a un público cada vez máis especializado e esixente, que se informa para coñecer o que está a consumir, que lle gusta probar sabores e experimentar texturas novas.

Ciclo ‘A revolución nos oficios tradicionais a través da innovación’

Coa participación da Zoqueira Elena Ferro

A sede da Vicerreitoría do campus acolle o ciclo A revolución nos oficios tradicionais mediante a innovación, unha serie de coloquios, completados coa realización de pezas en directo, que busca pór en valor diferentes oficios tradicionais e as súas transformacións. Promovido pola Vicerreitoría coa colaboración do Consello Social da Universidade, o ciclo conta nesta xornada coa participación da zoqueira Elena Ferro.

“Luces da cidade (1931), de Charles Chaplin 82’ EUA

Un pobre vagabundo (Charles Chaplin) pasa mil e un avatares para conseguir diñeiro e axudar a unha florista cega (Virginia Cherrill) da que se namorou.

O Liceo Casino acolle este martes a estrea do documental ‘Descubrindo o Enil da Xunqueira de Alba’

A proxección inaugural desta peza audiovisual, a primeira de carácter documental que se realiza sobre este Espazo Natural de Interese Local, irá precedida dunha mesa redonda na que participarán o concelleiro de Desenvolvemento Sostible, Iván Puentes; a guionista da obra, Cynthia Menéndez; o naturalista José Rodrigo Dapena, autor da Guía de Bolboretas existentes neste contorno, e a bióloga Saleta González Pimentel, autora da Guía de Flora

‘Descubrindo o Enil da Xunqueira de Alba’, unha peza audiovisual realizada por Fernando Portela, producida por Miguel Riaño (de Imaco) e impulsada pola Concellería de Desenvolvemento Sostible e Medio Natural do Concello de Pontevedra co obxectivo de dar a coñecer e poñer en valor a riqueza ambiental e a biodiversidade (fauna e flora) da Xunqueira e da Illa do Covo. 

A entrada a todos os actos é libre e gratuíta, ata completar aforo.

Este martes 15 de novembro comezan as xornadas de IV Triálogos de Arquitectura na Delegación en Pontevedra do COAG. Unha oportunidade de coñecer de primeira man o traballo que están a desenvolver os e as profesionais da arquitectura da nosa Delegación.

Nestes IV Triálogos serán 9 os estudios de compañeiros e compañeiras que participarán en tres sesións amosando obras que incorporen o concepto da “Casa Sá”. En cada sesión cada estudio adicará un máximo de 20 minutos a explicar un máximo de dúas obras favorecendo así un tempo final para a celebración dun pequeno debate entre os tres e co público asistente.

A primeira destas sesións desenvolverase este martes día 15 de novembro de 19:30h a 21:30h na sala de conferencias do segundo andar da Casa das Campás, e participarán os estudios de Celsa Pesqueira Arquitecta, Uña+Amandi arquitectos e Mauro Lomba Arquitecto.

A entrada será de balde e aberta a todo o público.

Daniel Soutullo presenta ‘Visións de Darwin’

Daniel Soutullo presenta o seu novo libro acompañado do escritor e divulgador científico Xurxo Mariño e de Sara Vila, responsabel de comunicación de Xerais.
«Visións de Darwin» é unha recompilación de ensaios que debuxan a personalidade de Darwin desde os puntos de vista biográfico, científico e social. Os ensaios teñen un carácter divulgativo e tamén permiten un achegamento crítico á súa vida e obra

A entrada a todos os actos é libre e gratuíta, ata completar aforo.

“Espíritu sagrado” (2021), de Chema García Ibarra 97’ España

Xulio está morto. É unha noticia terrible para OVNI Levante, a asociación de afeccionados á ufología que el dirixiu. A morte golpéalle con especial forza a un dos seus membros, Xosé Manuel. Xulio e el tiñan un proxecto común de vital importancia. Agora deberá continuar só como único coñecedor do segredo cósmico que pode alterar o porvir humano. Mentres tanto, en España búscase a unha nena que desapareceu hai semanas.

Proxección de Onde máis doe (2022) 62′ de Manane Rodríguez. O documental trata sobre a violencia vicaria.

Despois de ameazar durante anos ao súa exparella, Marcos M. asasina a golpes de pala ao seu fillo de 11 anos. Un ano despois un xurado popular condénao por asasinato, matar facendo uso pleno das súas facultades, e determina que o crime contra o neno non buscaba outra cousa que castigar á nai. No feito no que nos baseamos concorren a violencia, o acoso, o asasinato dun neno para danar á nai e a ameaza de morte que aínda pende sobre a muller. Posteriormente haberá un coloquio. A entrada é de balde.

Ciclo ‘Contos de inverno‘

De aló de onde eu veño, do narrador oral Caxoto.

A Vicerreitoría do campus e a Concellería de Promoción Económica e Universidades promoven Contos de inverno, un ciclo de contacontos dirixido a un público adulto que busca pór en valor a literatura de transmisión oral. Con entrada libre ata completar a capacidade da sala, o ciclo arranca este mércores co espectáculo De aló de onde eu veño, do narrador oral Caxoto.

Presentación do poemario ‘Emovere‘  de César Fernández e Andrea Suárez.

Presenta Pablo Nogueira de Toxosoutos Editorial. Recitado da autora Andrea Suárez, acompañamento musical e actuación de Xoán López.

A entrada é libre e gratuíta, ata completar aforo.

Suavemente Anastasia pasaba, de Alexandru Tatos (1980, Rumania) 95’. 1944, nunha cidade a beiras do Danubio. A cidade está ocupada polos alemáns e chea de colaboradores. Varios mozos comezan a unirse a grupos partisanos que se ocultan nas montañas. Para amedrentalos os nazis matan a un guerrilleiro serbio e déixano no medio do pobo prohibíndolle aos cidadáns enterralo. Anastasia negarase a obedecer a orde…

A entrada a todos os actos é libre e gratuíta, ata completar aforo.

Ciclo ‘Contos de inverno‘

Contos de defuntos (e outros asuntos), do músico, narrador oral e clown Brais da Hortas.

A Vicerreitoría do campus e a Concellería de Promoción Económica e Universidades promoven Contos de inverno, un ciclo de contacontos dirixido a un público adulto que busca pór en valor a literatura de transmisión oral. Con entrada libre ata completar a capacidade da sala, o ciclo acolle nesta xornada o espectáculo Contos de defuntos (e outros asuntos), do músico, narrador oral e clown Brais da Hortas.

A Asociación Adicam realizará dúas actividades gratuítas durante este venres 18 de novembro en Pontevedra abertas a toda a poboación interesada.

Durante a mañá, entre as 11.00 e as 13.00 horas, celebrarase un obradoiro de Risoterapia co doutor Jorge Cameselleno edificio azul da Xunta de Galicia, situado na rúa Benito Corbal. Para participar será necesario inscribirse previamente no teléfono 629.945.925.

Durante a tarde, a partir das 18.00 horas, o Centro Social do Gorgullón acollerá unhacharla sobre a autoexploración mamaria. A entrada será libre ata completar a capacidade do recinto.

Estas propostas non só destínanse a pacientes de cancro de mama e xinecolóxico senón a todas as persoas interesadas.

O Pazo provincial acolle este venres ás 18 h os VI Premios provinciais da xuventude e a III edición de ReAcción Polo Clima para recoñecer o talento e creatividade da mocidade da provincia

Conduce a xornalista e actriz Adela Bértolo

Actúa a mentorizada de Descúbreas Eva Pico

Tamén podedes seguila En Directo nas canlesda Deputación

A entrada é libre ata completar capacidade.

O Ateneo de Pontevedra organiza o acto titulado A nova canción galega: do folk á tendencia, consistente nunha conferencia e nun recital musical sobre Voces Ceibes.

A conferencia, a cargo de Vicente Araguas, analizará o movemento Voces Ceibes: como e onde xorde, quen foron os compoñentes e os fitos que marcaron a evolución dos membros como colectivo e como cantantes á marxe xa dunha concepción de agrupamento.

O relatorio acompañarase dun recital musical de Miro Casabella, onde se interpretarán distintos temas dos integrantes de Voces Ceibes e outros da súa autoría.

A acto terá lugar o vindeiro venres 18 de novembro, ás 20 horas, no Teatro Principal de Pontevedra.

O concerto está promovido polo Concello de Pontevedra, a través do Servizo de Patrimonio Histórico.

A entrada é libre ata completar capacidade.

Homenaxe ao poeta César Vallejo, “Piedra negra sobre una piedra blanca”. Recital poético musical 

A entrada a todos os actos é libre e gratuíta, ata completar aforo.

“Mean Streets(1973), de Martin Scorsese

A sala de conferencias da Casa das Campás acolle a proxección de Mean Streets (1973), Estados Unidos, Martin Scorsese, 110’, nunha nova sesión do ciclo de cinema …Ten un tesouro.

Nova York, 1972. Charlie (Harvey Keitel) é un mozo italoamericano de 27 anos que trata de ascender na mafia de Nova York, pero o devandito ascenso vese obstaculizado polo seu sentimento de responsabilidade cara ao seu imprudente amigo, Johnny Boy (Robert De Niro)

O recinto feiral do Pazo da Cultura acolle o desfile de Debut 2022, no que doce novos titulados e tituladas no Máster en Deseño e Dirección Creativa en Moda presentan as coleccións que constitúen os seus proxectos de fin de estudos. O desfile completarase coa presentación de 18 de traballos realizados por estudantes do primeiro curso do mestrado.

Un tribunal integrado pola directora executiva da Asociación de Creadores de Moda de España (ACME), Pepa Bueno; o director do Centro Superior de Diseño de Moda da Universidad Politécnica de Madrid, Guillermo García-Badell; e a directora do Museo de Arte de Zapopan de Guadalajara (México), Viviana Kuri, encagarase de ditaminar que colección é a merecedora do premio ao mellor deseño e creatividade, outorgado por Setga; e do galardón á colección con maior valor artesanal, impulsado coa colaboración da Xunta, a través de Artesanía de Galicia e o Xacobeo.

Ecoloxistas en Acción presenta o documental “Alegría” para conmemorar o vixésimo aniversario do desastre ecolóxico provocado polo afundimento do petroleiro Prestige.

“Barcos de pedra e avións de madeira” e a proposta da exposición de Carmen Hermo que poderemos visitar a partires deste domingo a hora do vermú no espazo Nemonón en Villa Pilar. Inauguración ás 13:00 horas

Exposición colectiva “Fuego de lodo” na RAC fundación comisariada por Nono Bandera expoñen Marcos Covelo, Chelo Matesanz e Mar Ramón Soriano
Do 12 novembro ao 2 de decembro

Exposición pictórica de Mario Iglesias González. Esta exposición consta de obras realizadas desde 2015 ata a  actualidade.

A principios de 2022, froito dun forte desexo de cambiar por completo de rexistro, prodúcese un cambio radical de temática e estilo, ata o punto de parecer obra doutro pintor. Por iso a mostra parecerá compartida, pero non o é, é a mesma obra, que, evolucionando cos anos cara a unha sorte de surrealismo fortemente narrativo, (como ilustracións de historias nunca contadas), de súpeto dá un salto cara atrás e tenta recupera a liberdade de trazo e a procura de expresividade dos primeiros tempos, só coa mirada de agora, corenta anos despois.

Mario Iglesias estudiou Belas Artes na Facultade de BBAA de Pontevedra, onde especializóuse en escultura e compaxina a súa dedicación as artes plásticas coa cinematografía e a docencia.

Afundación expón no Café Moderno de Pontevedra This is pop. Dás latas de Andy Warhol ás túas, unha recompilación de 63 producións de preto dunha trintena de artistas que abordan a arte pop desde as súas orixes nos anos cincuenta ata os nosos días. Deste xeito, nomes como os de Andy Warhol, Roy Lichtenstein, Robert Rauschenberg, ou Eduardo Paolozzi únense aos de Richard Hamilton, Peter Blake, Yayoi Kusama, Eduardo Arroyo, Rafael Canogar ou Damien Hirst, entre outros.

Ademais ten o seu punto solidario, ao convidarte a participar de #CulturaporAlimentos: traes produtos non perecedoiros e axudas os bancos de alimentos locais! As túas latas tamén contan!

Nas salas de reserva dos museos é onde comeza a conservación, e están en proceso de redefinición: novos deseños, centros que dan servizos a varias institucións, almacéns visitables… De todo isto falarase no Museo o 24 e 25 de novembro no XI Encontro de Conservación e Restauración, con representantes do Museo Reina Sofía, MARQ. Museo Arqueológico de Alicante, Gordailua, Museo de Málaga, Rijksdienst voor het Cultureel Erfgoed (Países Baixos), Centre de conservation et d’étude de Lorraine (Francia), MUHBA Museu d’història de Barcelona, Albayalde conservatio, EUN Group e Centre de Restauració de Béns Mobles de Catalunya CRBMC. Un encontro organizado polo Museo de Pontevedra e a Escola Superior de Conservación e Restauración de BBCC de Galicia.

Inscricións gratuítas abertas en https://encontrorestauracion.depo.gal.

Noite de danza no culturgal. Credo de Nova Galicia Danza + A raiz de con Daniel Rodríguez.

A 15ª Culturgal celébrase en Pontevedra do 24 ao 27 de novembro.

A noite do sábado 26 de novembro, Culturgal vai de festival. Catro propostas rebordantes de enerxía e talento, ao vivo no escenario do Auditorio do Pazo da Cultura de Pontevedra para celebrar os 15 anos da Culturgal. Antía Muíño, Néboa, Berto e Grande Amore toman a Feira como un furacán pechando un ano que, sen dúbida, é o seu ano. Electrónica, pop e tradición; a diversidade da música galega de hoxe nunha sesión única e singular. As entradas para #CulturgalSon15 sairán á venda o vindeiro 27 de outubro en cultur.gal a un prezo de 8 euros que inclúe, ademais do concerto, o acceso á Feira. A 15ª Culturgal celébrase en Pontevedra do 24 ao 27 de novembro.

Curso taller de caligrafía artística impartido por Nelson Gómez Callejas.

Non se require experiencia previa

Materiais incluidos

Máis información granerodelmas@gmail.com

teléfono 619432721

Curso taller Movemento creativo. Xogar para activar o potencial, liberarte e provocar un estado de benestar interno.

www.baiafernandez.es 

Inscribirse Prezo 40 euros

Máis información info@baiafernandez.es

teléfono 674 447 564