Festival folclórico

O luns 31 de outubro no teatro principal Festival folclórico da Agrupación folclórica Celme de Pontevedra e o grupo de Danzas de San Pedro de Gaíllos de Segovia

Entre o venres 28 de outubro e o martes 1 de novembro, volverá á praza de España de Pontevedra o Outubrofest 2022. Despois do parón motivado pola pandemia da covid-19, esta nova edición regresa ao seu último escenario -nas primeiras edicións, fora na praza do Teucro- e ofrecerá o habitual menú a base de salchichas, codillo e cervexa. Este ano, ademais, traerá como novidade a opción de salchichas veganas e sen glute.

A programación comezará o 28 de outubro ás 12.00 horas do mediodía. Cada día, o horario será o mesmo, ininterrompido de 12:00 a 00:00 horas. 

Presentación do libro “Verano en A Toxa” do patito editorial, de Mercedes Corbillón e a ilustradora Maru Godás.

Susana Pedreira entrevista a Mercedes Corbillón con motivo da publicación do libro Verano en A Toxa (Patito Editorial). A libreira e cofundadora de Cronopios Libros pon texto a este álbum ilustrado por Maru Godás dentro da colección Illadas, unha visión moi particular do patrimonio insular galego a través da ollada de dúas artistas.

O acto estará aberto ao público ata completar aforo e poderase participar con preguntas e comentarios despois da entrevista.

Homenaxe a “Jorge J. Candán e Pilar Barros: 25 anos de cinema, fotografía, ciencia, defensa do medio ambiente mariño e a natureza”. Recital videográfico de Producións J.J. Candan, en torno ao mundo acuático e a danza das criaturas do océano.

A entrada a todos os actos é libre e gratuíta, ata completar aforo.

Obradoiro de autoestima e empoderamento a través da fotografía

Aberto o prazo de inscrición para este interesante obradoiro gratuíto con Tegra Gomez Pino e Patricia Maquieira Franco

A escritora Moncha Fuentes presenta o seu novo libro ‘O tradutor de sombras‘ acompañada do xornalista cultural Ramón Rozas e de Sara Vila (responsabel de comunicación de Xerais).
‘O tradutor de sombras’ editada por Xerais é unha novela hipnótica que comeza en Ourense e remata en Vigo pouco antes do inicio da pandemia

Entrada de balde ata completar capacidade

Ponteatro “Cigarreiras” de Contraproduccións​

Baseado na Tribuna de Emilia Pardo Bazán. Unha proposta dramatúrgica que, con sete actrices en escena, combina o ton dun drama individual e colectivo como A Tribuna, con outros máis frescos e lixeiros, mesmo cómicos por momentos, tan característicos da narrativa de Emilia Pardo Bazán. Bebendo aínda significativamente da citada novela, o texto constitúe un produto literario-dramático derivado pero independente. Un texto que aborda algúns personaxes (o de Pardo Bazán e o das cigarreiras), algunhas situacións e algunhas referencias históricas de marcado interese cultural. Figuras, situacións e referencias que dan lugar a temas que hoxe están totalmente vivos: a memoria colectiva, a perspectiva de xénero, a dialéctica dos modelos sociais e políticos… Temas que, xunto aos argumentos vivos e brillantes que achega a escritora e a súa novela, poden espertar o interese da sociedade actual, representada no teatro polo público. Reparto: Tamara Canosa, Susana Dans, Merce Castro, Isabel Naveira, Covadonga Berdiñas, Ana Santos e Ledicia Sola

mercar entradas 

“Lawn Dogs(1997), de John Duigan

A sala de conferencias da Casa das Campás acolle a proxección de Lawn Dogs (1997), de John Duigan, nunha nova sesión do ciclo de cinema …Ten un tesouro. Promovido pola Vicerreitoría do campus e a Concellería de Promoción Económica e Universidades, o ciclo busca afondar en como se reflectiron as relacións da amizade ao longo da historia do cinema.

O grupo teatral “Degaro”, baixo a dirección de Ana Corzo, poñerá en escena o retablo poético “La Serpiente Blanca” de Miguel Ángel Cuña, en torno ao drama da inmigración.

A entrada a todos os actos é libre e gratuíta, ata completar aforo.

En tierra extraña de Juan Carlos Rubio

Juan Carlos Rubio penétranos nunha viaxe musical cunha mirada a tres artistas imprescindibles da nosa historia”. Concha Piquer desexa desde hai tempo coñecer a Federico García Lorca, o poeta máis solicitado do momento para pedir que lle escriba unha canción. A través da invitación do seu amigo, Rafael de León, Federico acéptaa pola gran admiración que sente pola voz da mellor cantante de España. A verdadeira razón dese encontro, é avisar a Federico de que a situación do país é irreversible e que o seu nome figura en varias listas negras. A “xente como el” debería fuxir ao estranxeiro canto antes, pola súa propia seguridade. Con todo, Federico pensa todo o contrario, asegurando que os ánimos se acougarán.

Mercar entradas 

O ciclo Vermú entre libros recibe a visita da poeta e novelista Ángela Segovia que conversará coa escritora Rexina Vega do seu novo libro ‘Las vitalidades‘, a súa primeira novela editada por La Uña rota

Entrada de balde ata completar capacidade

Manel, a revolución do pop catalá, volve a Galicia para celebrar o seu fin de xira. Tras alcanzar o número 1 da Lista Oficial de Ventas (física e streaming) con “Per la bona gent” (Ceràmiques Guzmán, 2019) e convertirse no único artista en logralo en catro ocasións consecutivas con discos cantados en catalán, MANEL iniciaron unha xira que quedaría fatalmente interrumpida pola pandemia. Lonxe de acomodarse, a banda regresou aos escenarios a mediados de 2020 co mellor show da súa carreira e aproveito para rematar tres cancións inéditas  

Mercar entradas 

Afundación expón no Café Moderno de Pontevedra This is pop. Dás latas de Andy Warhol ás túas, unha recompilación de 63 producións de preto dunha trintena de artistas que abordan a arte pop desde as súas orixes nos anos cincuenta ata os nosos días. Deste xeito, nomes como os de Andy Warhol, Roy Lichtenstein, Robert Rauschenberg, ou Eduardo Paolozzi únense aos de Richard Hamilton, Peter Blake, Yayoi Kusama, Eduardo Arroyo, Rafael Canogar ou Damien Hirst, entre outros.

Ademais ten o seu punto solidario, ao convidarte a participar de #CulturaporAlimentos: traes produtos non perecedoiros e axudas os bancos de alimentos locais! As túas latas tamén contan!

Ponteatro “Smoke on the Water” de Ibuprofeno teatro​

Ritchie (Blackmore) vive ancorado no Rock and roll dos anos 70, ten unha tenda de colección de discos e vinilos. Janis (Joplin) non cantou en anos, está a estudar filosofía na universidade. A súa unión sobrevive tras case 25 anos de crise matrimonial permanente, formando un círculo vicioso enfermizo, un sistema de relacións e dependencias imposible de desfacer. Este absurdo ‘status quo’, en continua combustión, vese ameazado pola aparición de *Álex, un gigoló de ideoloxía vandálica e transgresora que se namora perdidamente de Janis, á vez que establece unha profunda amizade con Ritchie. A intervención de Joan Baez, unha empregada do banco que xestiona a hipoteca de Ritchie, cliente de *Álex, trae un final patéticamente feliz ao enredo amoroso-económico entre este grupo de seres humanos fracasados, torpes, perdedores, frustrados, desgastados e maltratados por vida, que provocan tenrura e compaixón. Dirixida e escrita por Santi Cortegoso, a repartición inclúe a Josito Porto e Belén Constenla, entre outros.

mercar entradas 

Inventio, unha viaxe ao sensible
Inventio é un espectáculo familiar de gran formato no que conviven a comedia e o drama, a danza, o ilusionismo e as artes circenses. Inventio é unha viaxe sensorial, un camiño de regreso á sensibilidade a partir da tradición e a modernidade. Cunha atmosfera máxica e unha posta en escena futurista, Inventio recupera a paisaxe, os costumes, a música, a arte ou a arquitectura de Galicia nun espectáculo delicado e cegador, cun ritmo vertixinoso, nunha gran produción con ecos do cinema futurista de Stanley Kubrick, Ridley Scott ou Denis Villeneuve que non é senón “unha viaxe cara a todo iso que nos fai humanos: a nosa capacidade de sentir”.

Unha troupeformada por un ilusionista, seis bailaríns e sete artistas de circo comproban que xa non existe o Camiño de Santiago, xa ninguén o lembra. Non quedan peregrinos nin un camiño que percorrer xuntos. Tampouco a auga ou a choiva, o son das gaitas, o verde dos campos ou a pegada do mar na area. Nin un só rastro, nin un só recordo. Que foi todo aquilo? Onde quedaron a viaxe, a procura e o descubrimento? Onde foi a parar a sensibilidade? 
inventio.gal 

Mercar entradas 

Xa está aberta a inscripción na IX Milla Solidaria de Anedia – Móvete pola diabetes!

Unha oportunidade de facer visible unha das doenzas máis invisibles que existen, a diabetes. De seguro que todos os que nos ledes tedes algunha persoa do voso entorno que convive coa diabetes. Así que ese domingo imos facela visible, contamos con todos vós!

Unha proba para todas as idades, con categorías menores Bob Esponja e Patrulla Canina para os máis peques da casa. Pero tamén retomamos a andaina final inclusiva apta para todas as personas que nos queirades acompañar nesa mañán de domingo.

Xa podes facer a túa inscripción 

Nas salas de reserva dos museos é onde comeza a conservación, e están en proceso de redefinición: novos deseños, centros que dan servizos a varias institucións, almacéns visitables… De todo isto falarase no Museo o 24 e 25 de novembro no XI Encontro de Conservación e Restauración, con representantes do Museo Reina Sofía, MARQ. Museo Arqueológico de Alicante, Gordailua, Museo de Málaga, Rijksdienst voor het Cultureel Erfgoed (Países Baixos), Centre de conservation et d’étude de Lorraine (Francia), MUHBA Museu d’història de Barcelona, Albayalde conservatio, EUN Group e Centre de Restauració de Béns Mobles de Catalunya CRBMC. Un encontro organizado polo Museo de Pontevedra e a Escola Superior de Conservación e Restauración de BBCC de Galicia.

Inscricións gratuítas abertas en https://encontrorestauracion.depo.gal.

Noite de danza no culturgal. Credo de Nova Galicia Danza + A raiz de con Daniel Rodríguez.

A 15ª Culturgal celébrase en Pontevedra do 24 ao 27 de novembro.

A noite do sábado 26 de novembro, Culturgal vai de festival. Catro propostas rebordantes de enerxía e talento, ao vivo no escenario do Auditorio do Pazo da Cultura de Pontevedra para celebrar os 15 anos da Culturgal. Antía Muíño, Néboa, Berto e Grande Amore toman a Feira como un furacán pechando un ano que, sen dúbida, é o seu ano. Electrónica, pop e tradición; a diversidade da música galega de hoxe nunha sesión única e singular. As entradas para #CulturgalSon15 sairán á venda o vindeiro 27 de outubro en cultur.gal a un prezo de 8 euros que inclúe, ademais do concerto, o acceso á Feira. A 15ª Culturgal celébrase en Pontevedra do 24 ao 27 de novembro.