“De Vella a Bella celebra a súa II Mostra Poética “Versos a dúas voces”
A nosa cita quincenal co colectivo pontevedrés “De Vella a Bella” trae hoxe a Manuel Lastra e Pilar Freitas para sumarnos á celebración da súa II Mostra Poética “Versos a dúas voces” no Museo de Pontevedra con 14 parellas participantes.
Pilar Freitas
Profesora de Filoloxía galega
Son Pilar Freitas Juvino e nacín en Campo Lameiro en 1960. Os estudos primarios realiceinos na escola pública desta vila e aos 11 anos marchei interna a un colexio de Tui. Alí estudei o bacharelato no instituto San Paio ata o ingreso na USC onde me licenciei en Filoloxía Románica. Rematada a carreira, estiven durante o curso 1982-83 como auxiliar de conversa de español na cidade de Bayonne, en Francia.
De volta a Galiza, comecei a dar clases como profesora de Lingua e Literatura Galega en diferentes institutos ata recalar no ano 1986 no IES Valle Inclán. Alí permanecín durante todo o resto da miña carreira profesional.
Manolo Lastra
Profesor de Filoloxía galega
Son Manuel Lastra Galiano. Nacín hai case sesenta e un anos en Salcedo, ao lado de Pontevedra.
Sempre me gustou a literatura polo que decidín estudar Filoloxía e facerme profesor. O curso pasado puxen fin á miña etapa de docente despois de exercer durante trinta e sete anos, trinta deles no IES Valle Inclán desta cidade.
máis artigos
♥♥♥ síguenos ♥♥♥