Nesta nona lição de portugués, Anxo González Guerra fálanos dos froitos que nos da o mar.
Vocabulario:
Do mar: rodovalho, amêijoas, sapateira, santiago, lavagante, robalo, garoupa, cherne, carapau, santola, cracas, conquilhas, cação, sável, tamboril, salmão, mexilhão, camarão, atum, polvo, bacalhau, sardinha, lulas, percebes, pescada, salmonete, lampreia , lapas
Preparado: cozido, guisado, com arroz, grelhado, em espetada, assado no forno, em escabeche, en caldeirada, esparguete, massada, açorda, rissol de peixe, xarém
Anxo González Guerra
Profesor de Galego
Son Anxo González Guerra. Crieme entre Trasar de Carballo e a Cervela, lugares da montaña luguesa. No Seminario tiven de profesor ao mestre das etimoloxías Nicandro Ares, no Instituto a Alonso Montero, no Colexio Universitario a Anxo Tarrío e na Facultade de Filoloxía a Carvalho Calero. Terán algo que ver en que sexa un dos integrantes da 1ª promoción de Galego-Portugués?
De xaneiro de 1980 a abril de 2015 fun profesor de Lingua Galega e Literatura no IES Sánchez Cantón onde tiven alumnos e alumnas marabillosos. Desde 2005 Vitoria Ogando e mais eu fomos poñendo materiais na Internet: ogalego.eu. E seguimos de xubilados.
Alá na miña terra da infancia aos xubilados dáselles por traballar unha ribeira ou un morteiro. A min dáseme por cousas de lingua e literatura, alí onde queiran escoitarme. A cabeza non para, non convén estar ocioso.
máis artigos
♥♥♥ síguenos ♥♥♥