Fotografía de Dario Gancedo
Impensadamente, entras no museo, baleiro de público nesta hora morta da sesta. Percorres, sen deterte, as sás que se van sucedendo unha tras doutra, ollando apenas as ringleiras interminábeis de cadros, os asentos estratexicamente dispostos no centro de cada estancia, os carteliños con nomes e datas ao pé de cada obra. A semipenumbra da luz indirecta nas paredes dálle ao museo un algo de catedral, ou de cemiterio. Absoluto silenzo que te fai sentir alleo, absorto nas túas cavilacións, sen ninguén que repare en ti, pois os vixilantes non erguen a vista das súas mesas, presos tamén da somnolencia, do aballoamento eterno quizais.
Na última sá bates de fronte cunha figura repulsiva, a do animal que te olla dentro do seu marco dourado, preciosa cenefa de ebanistería que testemuña tempos idos e mans destras. Inmóbel, seducido polas cores descarnadas do animal, que destacan como o lume do fondo gris, apenas diferenciado do fondo xeral da sá do museo, suspendido pola viveza, polo realismo da tea, estantío, ollas de fronte o horror, o noxo encarnado no animal.
Un ente apenas bípedo, vagamente humano. A súa carne suxa, escura, de formas imprecisas. As súas extremidades deformes. A face cos ollos ardentes, salvaxes, cravados nos teus, o pánico que te mira. Arte suprema, a pintura semella ter vida propia; faite revivir medos ancestrais. Á fin, como nunha trasnada infantil das de outrora, vencendo a repulsión a duras penas, vas erguendo a man, achegándoa ao cadro. E, cando o tocas, o teu corazón xéase, de súbito tan frío e liso como a superficie de vidro e azougue que rozan os teus dedos: a superficie do espello que reflicte a túa propia imaxe.
Ramón Caride Ogando
Profesor de Bioloxía, escritor
Ramón Caride Ogando naceu en Cea, Galicia, en 1957. Estudou Bioloxía na Universidade de Santiago de Compostela e traballou como profesor de secundaria. É un prolífico escritor que cultivou diversos xéneros como a poesía, a narrativa para nenos e adultos e o ensaio. Escribe en galego, e a súa primeira obra narrativa publicouse en 1990, “Os ollos da noite. Algunhas das súas obras traducíronse ao castelán como Perigo vertical, O futuro roubado, Ameaza na Antártida ou O frío azul. Pola súa produción de literatura infantil e xuvenil, o autor galego foi recoñecido co Premio Merlín. Tamén se fixo con premios como “Risco ou Café Dublín”, polas súas novelas. É un dos fundadores da revista A Santa Compaña de Cambados(segunda época) e colaborou como columnista en El Mundo, Faro de Vigo ou O Correo Galego.
“No 2017 xubilouse do ensino formal, da escrita por agora aínda non”
máis artigos
Actividades culturais do 15 ao 21 de abril 2024 por Ana Santos
by Ana | Abril 14, 2024 | Actividades | 0 Comments
Actividades do 8 ao 14 de Abril 2024 por Ana Santos
by Ana | Abril 7, 2024 | Actividades | 0 Comments
Actividades culturais do 1 ao 7 de abril 2024 por Ana Santos
by Ana | Marzo 31, 2024 | Actividades | 0 Comments
Actividades culturais do 18 ao 24 de marzo 2024
by Ana | Marzo 17, 2024 | Actividades | 0 Comments
Actividades culturais do 11 ao 17 de marzo 2024 por Ana Santos
by Ana | Marzo 9, 2024 | Actividades | 0 Comments
Actividades culturais do 4 ao 10 de marzo 2024 por Ana Santos
by Ana | Marzo 3, 2024 | Actividades | 0 Comments
Víctor Pedreira Crespo por Ana Santos Solla
by Ana | Abril 14, 2024 | Historias de vida | 0 Comments
Carmen Fernández Conde por Ana Santos
by Ana | Marzo 10, 2024 | Historias de vida | 0 Comments
Fidelina Gómez Rancaño por Ana Santos
by Ana | Febreiro 11, 2024 | Historias de vida | 0 Comments
Fita a Galana por Ana Santos Solla #devellabella#
by Ana | Xaneiro 14, 2024 | Historias de vida | 0 Comments
Coco Pimentel Piernas por Ana Santos Solla
by Ana | Decembro 17, 2023 | Historias de vida | 0 Comments
Rosabel Piñeiro Boullosa por Ana Santos Solla
by Ana | Novembro 12, 2023 | Historias de vida | 0 Comments
PONTEVEDRA,RUEIRO RE-DETALLADO por Peque González
by Peque | Abril 16, 2024 | Etnografía | 0 Comments
Mirando al mar por Marina Filgueira
by Colaborador | Abril 14, 2024 | Literarias | 0 Comments
El agua en Galicia por Luis Guereñu
by Colaborador | Abril 7, 2024 | Articulos | 0 Comments
Viaxe a Brasil 1ª parte por Manolo Gulias Márquez
by Colaborador | Abril 7, 2024 | Escapadas | 0 Comments