Seleccionar página

O QUE NOS CONTA MONTSE:

“A música” Óleo sobre lenzo 50×70 cm

É a reprodución do orixinal realizado por Henri Matisse en 1939. Este atópase no Museo Albright-Knox, Buffalo, Nova Iorque.

A música e a arte son dúas grandes paixóns de Matisse. El pensaba que, se quedara cego, podía dedicarse ao violín que empezara a tocar de neno.

A paleta leva cores intensas, característica do “Fauvismo”.  Aparece a temática da música como fonte de calma coa parella de mulleres conectadas polo mesmo interese. Así a tranquilidade chega da man das cores e da imaxe.

Notas biográficas da autora:

Montse naceu na Estrada en 1960. Estudou no Instituto Manuel García Barros desta cidade o bacharelato  e Filoloxía Hispánica en Compostela, exercendo como profesora de Lingua galega e literatura durante 25 anos.

Desde 1988 vive na Coruña a onde chegou tras obter destino definitivo en Carballo, aínda que  pouco despois conseguiu  o traslado para o IES Ramón Menéndez Pidal da cidade, alí desenvolveu a  docencia ata a súa  xubilación no 2007.

Ao xubilarse  puido dedicarse de forma máis plena a unha das súas paixóns: pintar. Na súa produción artística conta con cadros orixinais seus e outros, coma este que nos presenta hoxe, que son interpretacións de autores aos que admira.

más articulos

Do 17 ao 23 de maio 2021

Do 10 ao 16 de maio 2021

Do 3 ao 9 de maio 2021

Do 26 de abril ao 2 de maio

Do 19 ao 25 de abril 2021

Do 12 ao 18 de abril 2021

♥♥♥ síguenos ♥♥♥

Español