Comezamos outubro coa vindeira lectura para as xuntanzas dos clásicos e ensaios con esta incríbel e transgresora viaxe no tempo

Contentas tamén coa nova tirada de @irmascartone

O mercado de abastos de Pontevedra acolle uns obradoiros de fermentación vexetal, unha iniciativa que regresa tras a boa resposta das edicións anteriores, nas que participaron máis de cen persoas.

A responsable de fermentos de A Meiga, Sole Saburido, será a encargada de impartir os catro talleres de tres horas de duración.

As actividades desenvolveranse polas tardes os días 28 e 29 de outubro e 4 e 5 de novembro, no espazo do comedor, situado no primeiro andar do mercado.

Cada sesión contará cun máximo de 15 participantes, polo que será necesario reservar praza previamente. As persoas interesadas poden solicitar información e formalizar a inscrición a través do correo electrónico fermentarmeconecta@gmail.com ou do teléfono 657 461 365.

Presentación do libro Natureza e vulneabilidade de Alexandre Cendón, acompañará ao autor Domingos Antom García.

Que é a natureza? Existe a natureza? A natureza é unha construción cultural ou social? Existe algo independentemente de nós ao que nos poidamos referir así, nesta época do Antropoceno? Por outra banda, podemos danar a natureza? Ese dano é algo consubstancial a ela ou é un feito histórico? A todas estas preguntas trata de responder este libro, dende a filosofía e apoiándose noutros campos do saber.

The rocky horror picture show de Jim Sharman.

Cando unha parella regresa da voda duns amigos, estala unha violenta tormenta e o coche se lles avaría. Así as cousas, non teñen máis remedio que refuxiarse nun castelo próximo, onde o doutor Frank-N-Furter vive entregado á creación dunha especie de Frankenstein

No marco do ciclo Música para reCREAr, que a Vicerreitoría do campus de Pontevedra promove coa colaboración do Concello, o Pazo da Cultura acolle un concerto de Caldo. Integrado por Anaïs Barbier, María Jorge e Pedro Fariñas, trátase dun grupo folk que valéndose de voz, violín e guitarra achegan unha nova dimensión á música tradición oral galega, xerando contextos sonoros contemporáneos a través da experimentación cos propios instrumentos.

Con apertura de portas ás 20.00 horas, o concerto conta con entrada de balde.

OBRADOIRO FAMILIAR DE CIANOTIPIA com Tamara Campos*
Anima-te jogar e criar connosco neste obradoiro familiar tam especial! Aprenderemos a fazer fotografia ecológica empregando pigmentos naturais de plantas, flores e froitas.
10 vagas para crianças de 5 a 10 anos
8 vagas para adultas acompanhantes
*Inscriçom prévia e obrigatória* (prioridade para sócias).
Inscriçom neste enlace: https://forms.gle/ditjuVQ42cw9kkh48 

Gustaríache preparar un bo espresso e sacarlle máis partido á túa cafeteira? Neste taller aprenderás a axustar o moído, calcular a cantidade de café e conseguir unha boa extracción. Compartiremos trucos e consellos que poderás poñer en práctica cada día para desfrutar dun café mellor.

O taller é gratuíto. Venres 30 de outubro 17.00 h Taller de café Máximo 14 persoas Inscrición

O Clube de lectura de banda deseñada “Una invitada en casa” de E.M. Carroll

Taller de escultura para nen@s a partir de 6 anos
Un taller inspirado na icónica obra de #louisebourgeois que podemos disfrutar no Guggenheim de Bilbao.
Darémoslle forma a nosa propia escultura e coñeceremos a obra de esta gran artista
Prazas limitadas Prezo : 40€ con todo o material incluido + Tote bag da academia. Info e inscripcións: 654 13 16 17 (WhatsApp)
alquimiartstudio@gmail.com 

O Paseo de Antonio Odriozola acolle desde este martes, 20 de outubro, unha exposición itinerante sobre José Suárez, o fotógrafo galego máis internacional, que este ano é protagonista do ‘Día das Artes Galegas’ da man da Real Academia Galega de Belas Artes.

Malia ser recoñecida como enfermidade a mediados do século XIX, a Esclerose Múltiple segue a ser unha grande descoñecida no mundo das patoloxías. Apenas perceptible para a poboación agás para aqueles que padecen a enfermidade ou os que acompañan aos afectados por esta, a Federación Galega de Esclerose Múltiple (@esclerosemultiplegal ) ten a intención de acabar con isto. Ata o día 30 de outubro tedes na entrada da biblioteca a exposición “Máis aló do visible” que dá a coñecer as repercusións que ten esta doenza na saúde mental das persoas diagnosticadas!

Presentación da exposición “ALÉN” que terá lugar o próximo xoves 15 de outubro ás 19:00 na Fundación Manuel Moldes. Trátase dunha escolma de obras de Moldes de diferentes épocas que propón ler unha Galiza que resiste, celebra e se transforma. A selección amosa paisaxes e elementos tradicionais galegos, pero vai máis alá da tradición e dos costumes, invitando a observa-las obras mediante unha ollada actual, de xeito que as imaxes acadan novos significados, converténdose en símbolos contemporáneos que falan de permanencia, conexión, comunidade, futuro… O territorio aparece así como un espazo híbrido onde tradición e contemporaneidade entran en tensión permanente. 

Posteriormente poderase visitar no horario de apertura habitual (xoves e venres de 18:00 a 21:00, sábados de 12:00 a 14:00 e de 18:00 a 21:00) ou noutro horario mediante cita previa no teléfono 607408482.

Afundación, Obra Social ABANCA, ten o pracer de convidarche á visita inaugural da mostra. HABITAR O BALEIRO, a cargo do comisario Brais Lorenzo.

A exposición reúne o traballo do fotógrafo Brais Lorenzo e dun equipo de xornalistas que percorreron distintas zonas rurais de Galicia para documentar, desde unha mirada humana e comprometida, os cambios que atravesa o territorio.

Un proxecto construído a través de fotografías, audios, vídeos e textos que nos achega ás historias, ás ausencias e ás resistencias do rural galego contemporáneo.

A Sala Universitaria Profesor Manuel Moldes acolle a exposición Seres, que explora as entidades fantásticas que poboan o folclore persoal e os vínculos que con elas se establecen. Comisariada polo artista e profesor da Facultade de Belas Artes Thomas Apostolou, esta exposición reúne obras de diversas disciplinas, realizadas por artistas de diferentes países, tanto emerxentes como xa consolidados. Nomeadamente, a exposición reúne as creacións de Murilo Álvarez, Dominic Beattie, Anne Franke, James Alec Hardy, Deny Párchei e James Wright.

Promovida coa colaboración da Deputación de Pontevedra, Seres poderá visitarse ata o 1 de decembro en horario de de 11:00 a 14:00 e de 17:30 a 20:30 horas.

A Sala O Abrigo da Facultade de Belas Artes acolle a exposición Contar cos dedos, coordinada pola egresada Cora Novoa e a profesora da Universitat Politécnica de Valencia Elena Rocamora. Inserida na programación do III Congreso Internacional de Creatividade, a mostra reúne as creacións destas dúas artistas xunto ás de Álvaro Porras e María Sánchez, tendo como eixes o performativo e o instalativo.

A exposición poderá visitarse ata o 2 de novembro, de luns a venres de 8.00 a 21.00 horas.