CHARLA INFORMATIVA da UNIDADE DE REHABILITACION CARDÍACA DO CHUP Desde Pontecorazón, invitámosvos a unha charla informativa sobre sexualidade en persoas con cardiopatías, un tema importante para a saúde, o benestar e a calidade de vida. A charla estará dirixida a persoas con cardiopatías e ás súas familias, e será un espazo para informarse, resolver dúbidas e falar con normalidade e confianza. Entrada de balde 

O próximo 7 de outubro, Amanda H. Rodríguez presentará O caderno dos soños no Museo Provincial de Pontevedra. Unha cita para achegarse a esta obra, descubrir da man da súa autora o universo que se esconde entre as súas páxinas e compartir un encontro especial ao redor da literatura. A presentación será unha magnífica oportunidade para deixarse levar polas historias, as emocións e os soños que dan vida ao libro

Entrada de balde ata completar aforo

O Ateneo de Pontevedra e a Deputación de Pontevedra organizan o relatorio O problema da vivenda do avogado Javier Burón dentro do ciclo A vivenda, un dereito ou un imposible?

O acto terá lugar o vindeiro mércores 7 de outubro ás 19:00 horas no salón de actos do Edificio Administrativo da Xunta de Galicia (rúa Benito Corbal).

A entrada é libre ata completar capacidade.

Ciclo cinematográfico “Ifigenia(s): Verdade, función, rebeldía e lenda do sacrificio”, cuxa cuarta sesión terá lugar o mércores,  coa proxección do Filme:  Eyes of a tief.  Direc.: Najwa Naijar

A historia sitúase no ano 2002, durante o punto álxido da segunda intifada palestina. Segue a Tareq, un home enigmático ferido que logra escapar dos soldados israelís grazas á axuda duns monxes e un sacerdote.Tras pasar unha década en prisión, Tareq regresa á súa cidade baixo a falsa identidade dun enxeñeiro de augas. O seu obxectivo real non é laboral, senón atopar á súa familia: busca desesperadamente á filla que perdeu e os segredos do pasado que destruíron a súa vida anos atrás. A trama está parcialmente inspirada en feitos reais ocorridos en Cisxordania.

A entrada é libre ata completar capacidade.

ENCONTRO III – Mans á masa 
Que mellor que coñecer aos teus veciñxs que cociñando xuntxs? Unha receita sinxela e unha mesa lista para a sobremesa!

3º encontro – Veciñxs de Mari Carmen Rodríguez – Cociña veciñal
De baldeeeee (máx. 30 persoas)

Iso si, hai que inscribirse previamente para confirmar praza. Ligazón na bio

Preparadxs para descubrir o ingrediente secreto do barrio? Apúntate!

Ademais, acompañaranos os nosos veciñxs de @aguaslerez. Cada pinga suma 

O 8 de outubro ás 19:30h, atoparémonos en Tendencias Floristas, Pontevedra, para unha tarde diferente: flores, creatividade e benestar Este taller nace dunha colaboración entre @tendencias.floristas e @tremelucir. Xuntas creamos un espazo para falar sobre a frustración e por que ás veces nos custa tanto convivir con ela, mentres creamos nosa propia tote bag con estampaxe floral. Eu, desde a miña mirada como psicóloga e artista, acompañareivos na parte de reflexión e dinámicas, e Tendencias Floristas poñerá as flores, a técnica e toda a súa maxia Un ratito para parar, crear, mancharnos as mans e, soltar un pouquiño tamén

Prezo 40€ · materiais incluídos 10€ de desconto reservando 2 prazas

O vindeiro sábado 10 de outubro (19:30h), o Centro Social A Pedreira convértese nun espazo de reflexión e debate crítico coa celebración dun novo Faladoiro. Baixo o contundente título “É Galiza umha colonia?”, a xornada contará coa participación do recoñecido analista e político Rubén Cela.

No Día da Galiza Combatente lembramos a Revoluçom Galega de 1846

“O Camiño á Liberdade“: A arte solidaria de Pilar Franco 

Os Traxes dunha vida propón unha viaxe pola memoria etnográfica de Galicia a través das prendas que acompañaron a vida de dúas mulleres galegas de distinta condición social a finais do século XIX e comezos do XX. Unha delas nace nunha aldea da montaña e a outra nunha próspera vila costeira. Son dous percorridos vitais diferentes que nos permiten achegarnos á Galicia da época a base de la e liño.

A Asociación Etnográfica Sete Espadelas presenta a maior mostra realizada en Galicia arredor da etnografía e da indumentaria tradicional. Cen manequíns e máis de 1.000 pezas, orixinais ou reproducidas a partir de modelos da época, constrúen un percorrido pola vida cotiá, os ritos, os traballos, as celebracións e os modos de vestir dunha Galicia xa desaparecida, pero aínda presente na nosa memoria. Porque a roupa tamén conta quen fomos.

Concerto de deBiselas: Ecos de Castelao

O cuarteto de frautistas deBiselas é un colectivo multidisciplinar que fusiona nos seus concertos o sonoro, o plástico e o literario. Está formado por Sabela Galbán, Carlota Salgado, Valeria González e Bea Rodríguez.

Entrada de balde ata completar aforo

O Ateneo de Pontevedra organiza a presentación do libro “Benito Soto, terror en la mar” de Juan Campos Calvo-Sotelo, editado por Cartamar Ediciones.

O acto, no que intervirán Manuel García Lastra e Juan Campos Calvo-Sotelo, terá lugar o vindeiro mércores 30 de setembro ás 19:00 horas no Liceo Casino.

A entrada é libre ata completar capacidade.

A importancia da prevención nas demencias

Charla informativa sobre a importancia de realizar actividades preventivas e manter un envellecemento activo saudable, como método de defensa para previr a aparición de deterioración cognitiva e demencias.

Os ponentes serán: Jose Manuel Fontenla Redondo (Presidente de Afapo) Jose Manuel Fontenla Redondo (Presidente de Afapo) e Lara Argibay Pérez- Espiña (Trabajadora social de Afapo)

Presentación de “Encefalia Spontiforme Nº3″ 

Encontro literario e artístico Pontevedra Literaria. Xuventude e Artes “Voces que chegan”

“Escribir para entender” Encontro con Marcos Giralt Torrente

Condutora da xornada: Susana Pedreira

Actuación musical a cargo de Andrea García González (piano)

Unha conversa arredor da literatura, da memoria, da identidade e do proceso creativo. Unha oportunidade para coñecer de preto a mirada dun escritor e reflexionar sobre por que escribimos e por que necesitamos contar historias.

“O Camiño á Liberdade“: A arte solidaria de Pilar Franco 

O Club de Lectura do Ateneo de Pontevedra organiza a súa sesión de outubro na Casa das Campás o vindeiro xoves 1 de outubro ás 19:30 horas.

A obra a comentar será “Contos de amor, de tolemia e de morte”, de Horacio Quiroga.

A entrada está limitada aos membros do Club de Lectura.

Torpex + Class Sinners

O vindeiro 1 de outubro teremos unha descarga sonora da man de Torpex e Class Sinners na Santiña.

A organización corre a cargo de Troneira que promete activar a escena alternativa local.

Apertura de portas ás 19:30, inicio ás 20:00 Entrada 8 Euros dispoñibles en Vivetix

Anel de cerámica

Un workshop para deseñar e crear o teu propio anel de cerámica desde cero, xogando coas formas, as cores e os pequenos detalles para conseguir unha peza única. Duración: ata 2 horas
Precio: 35 € por persona

Podedes consultar toda a información e reservar a vosa praza a través desta ligazón 

Encontro literario e artístico Pontevedra Literaria. Xuventude e Artes “Voces que chegan”

“Historias que nos conectan” Encontro con Alice Kellen

Condutora da xornada: Bibiana Villaverde

Actuación musical a cargo de Andrea García González (piano)

Unha conversa sobre literatura, emocións, personaxes e lectoras e lectores, sobre a creación de historias capaces de atravesar as páxinas e conectar especialmente co público novo.

O Liceo Casino de Pontevedra abrirá as portas á nova proposta artística da pintora española Violeta Arisha, titulada ‘A través do tempo’. A mostra, que reúne unha coidada selección das súas obras máis recentes, está marcada pola evolución e a liberdade expresiva. Os seus lenzos envólvennos dunha forma “surreal“, facéndonos ver que o que nos conta “é verdade” aínda que non do todo. A través do tempo de Violeta Arisha. 

Entrada: Libre

Pendentes de cerámica

Durante este taller crearás catro pares de pendentes de cerámica, explorando diferentes formas e combinacións ata dar vida a un pequeno set completamente privado. Duración: ata 3 horas e media Prezo: 68 € por persoa

Podedes consultar toda a información e reservar a vosa praza a través desta ligazón 

A arte DO CRU · CEVICHES E TÁRTARES + maridaxe

Apetéceche descubrir todo o que pode ofrecer un produto sen pasar polo lume? Neste taller penetrámonos no fascinante mundo das elaboracións en cru para aprender a traballar ceviches e tártares desde unha perspectiva práctica, técnica e, sobre todo, gastronómica. O corte A acidez O equilibrio de sabores Os aliños e marinados A textura e a presentación Aprenderemos como pequenos detalles poden transformar por completo un prato e como potenciar o sabor respectando o máximo a materia prima. E, por suposto, non nos limitaremos a cociñar: degustaremos as nosas elaboracións acompañadas dunha maridaxe especialmente seleccionada para completar a experiencia. 

40 € Taller con maridaxe. Reserva a túa praza na nosa web. 

Tapiz otoñal de macramé

Tapiz outonal de macramé Combina pezas, texturas e nós para crear o teu propio tapiz. 30 €

Os Traxes dunha vida propón unha viaxe pola memoria etnográfica de Galicia a través das prendas que acompañaron a vida de dúas mulleres galegas de distinta condición social a finais do século XIX e comezos do XX. Unha delas nace nunha aldea da montaña e a outra nunha próspera vila costeira. Son dous percorridos vitais diferentes que nos permiten achegarnos á Galicia da época a base de la e liño.

A Asociación Etnográfica Sete Espadelas presenta a maior mostra realizada en Galicia arredor da etnografía e da indumentaria tradicional. Cen manequíns e máis de 1.000 pezas, orixinais ou reproducidas a partir de modelos da época, constrúen un percorrido pola vida cotiá, os ritos, os traballos, as celebracións e os modos de vestir dunha Galicia xa desaparecida, pero aínda presente na nosa memoria. Porque a roupa tamén conta quen fomos.

O escritor Alejandro Pedregosa presentará o poemario “Lo que sé de Whitney Houston” e a novela “Comadrejas”, publicados polo selo editorial Cuatro lunas, de KALANDRAKA. O encontro, organizado polo Ateneo de Pontevedra, será conducido polo xornalista cultural Ramón Rozas. “Concibo a poesía e a narrativa que eu escribo como partes dun todo”, ten afirmado o autor sobre a súa traxectoria literaria, e ambos os dous os xéneros “vanse achegando cada vez máis”, de xeito que “os libros de poemas teñen unha forza narrativa considerable e as novelas teñen unha forza poética”.

A entrada é libre ata completar capacidade.

Non te perdas o Luns 21 o noso club de lectura coa paciente silenciosa, libro incrible do cal daranos moito que falar, e de pasar un intre moi entretido, non volo podedes perder animarvos!!! Vémonos ás 20.45 esperámosvos!

Alma de bolero, peche da xira da cantante chilena Carmen Prieto e seu guitarrista Tito Cerda

Martes 22 de setembro na sala de cerámica china no edificio Sarmiento, a entrada será polo edificio Castelao.

Entrada de balde ata completar aforo

O Ateneo de Pontevedra organiza xunto coa Deputación de Pontevedra a charla do cantante e compositor Xabier Díaz titulada “A Percusión“, dentro do ciclo O Poder do Folk.

A entrada é libre ata completar capacidade.

ENCONTRO II – Coñece a Pontevedra das túas veciñxs!
Despois dun primeiro encontro de fantasía artística, invitámosvos a coñecer a cidade nos espazos que son importantes para a xente de aquí.
2º encontro – Veciñxs de Mercedes Ruibal – Lugares icónicos
De balde (max. 40 persoas)
Iso si, hai que inscribirse previamente para saber onde empezamos.

Preparados para descubrir novos sitios e xente? Apúntate! 

Os Traxes dunha vida propón unha viaxe pola memoria etnográfica de Galicia a través das prendas que acompañaron a vida de dúas mulleres galegas de distinta condición social a finais do século XIX e comezos do XX. Unha delas nace nunha aldea da montaña e a outra nunha próspera vila costeira. Son dous percorridos vitais diferentes que nos permiten achegarnos á Galicia da época a base de la e liño.

A Asociación Etnográfica Sete Espadelas presenta a maior mostra realizada en Galicia arredor da etnografía e da indumentaria tradicional. Cen manequíns e máis de 1.000 pezas, orixinais ou reproducidas a partir de modelos da época, constrúen un percorrido pola vida cotiá, os ritos, os traballos, as celebracións e os modos de vestir dunha Galicia xa desaparecida, pero aínda presente na nosa memoria. Porque a roupa tamén conta quen fomos.

“As árbores como marcos de memoria e identidade na cultura galega” por Manuel Gago Mariño

Este xoves 24 de setembro ás 19 horas, convidado pola Fundación Alexandre Bóveda, terei o pracer de impartir a conferencia “Irmáns de terra: as árbores como marcos de memoria e identidade na cultura galega”, no Museo de Pontevedra.

Coa conferencia despediremos o cadro ‘A derradeira lección do mestre’ de Castelao. A expo será clausurada o domingo 27. Tentarei explorar a árbore na arte, na antropoloxía, na historia e na cultura galega ao fío das cortizas de piñeiro que lembran a dramática morte de Bóveda.

Hoxe na horta de Brais das Hortas hai concerto. Mellor dito: Consertasso! Todo da casa!

Tamén hai sitio para os soños, coma o de ser astronauta, ou para pedirlle axuda ás veciñas para botarlle o sulfato as viñas. E máis temassos entre guitarrazos, charangazos e un lote de instrumentazos máis.

Música e humor para toda a familia.

Sen inscrición previa ata completar a capacidade da sala

Celebración en Pontevedra da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia. 

No caso de Pontevedra, esta iniciativa abrangue o ciclo Ciencia no Bar e un roteiro centrado no paso de Federico García Lorca por Pontevedra.

Organizado pola UVigo en colaboración co Colectivo Xurelo, este roteiro con inscrición previa desenvolverase entre as 17.00 e as 19.00 horas, con saída e remate no Edificio Castelao do Museo de Pontevedra. Guiado por Quique Mauricio e a profesora Ana Acuña e permitirá coñecer diferentes lugares relacionados coas visitas do escritor á cidade no ano 1932.

A partira das 18.30 horas, a Taberna Nasa acollerá o ciclo Ciencia no bar, que abrangue os coloquios O teu municipio di que é sostible. Podemos crelo? Imos comprobalo, a cargo do Post-Growth Innovation Lab; e A conduta suicida na mocidade galega: datos e retos, promovido polo Grupo de Estudos en Traballo Social: Investigación e Transferencia (GETS-IT). 

CATA DE CAFÉ DE ESPECIALIDADE

Pode saber tan diferente un café segundo a súa orixe? Neste taller imos catar tres cafés de especialidade de distintas orixes para descubrir as súas diferenzas e aprender a recoñecer os seus aromas, sabores e características.

Unha cata para probar, comparar e coñecer un pouco mellor todo o que hai detrás de cada cunca. Inclúe degustación e material de apoio.

O taller é gratuíto. Máximo 12 persoas 

Comezamos un novo curso e facémolo celebrando 20 anos de historia!

Con motivo da exposición José Freixanes, eternos son os soños. Obra pictórica 2006-2025, o Museo de Pontevedra organiza un recital poético a cargo de Alberto Avendaño.

Este autor naceu en Vigo en 1957 e ten unha longa e contrastada traxectoria como xornalista, xa que traballou en diferentes medios de Galicia e de España e, desde 1991, en Estados Unidos. Como escritor, formou parte do grupo Rompente e en galego creou narrativa, teatro, literatura infanto-xuvenil e poesía, ademais de traducir á nosa lingua textos de Roal Dahl e Edgar Alan Poe, entre outros.

En 2023 publicou xunto a José Freixanes o libro Bueno carallo bueno, no que dialogan a poesía dun e a pintura do outro.

Poesía e microrrelato Pontevedra
Celebración X Aniversario
O venres 25 volvemos co corazón na man para abrigar de novo a POESÍA. Ven a compartir a túa palabra, a túa música e a túa arte ao calor do novo fogar que nos abrirá as súas portas e nos acollerá con alegría, a Fundación Cuña-Casasbellas.

Participarán:
Elena Lameiro Ferradás, Queco Fresco, Angeles Marcos, Aaron Franco Outon e Nila Álvarez Pousa

Festival, cultura e identidade en Pedreira!* Despois da última Foliada en xuño, regresamos con toda a enerxía para renovar o curso e as actividades. A Pedreira está de volta para ser o teu espazo seguro e animado para o galego, onde compartir a orgullo da nosa terra e a nosa cultura popular. 
20:00 horas . – Obradoiro de baile solto con Chechu Riquelme.
21:00 horas. – Foliada con *Son dá Pedra (Salcedo) e Ultreia (Compostela)*. Trae os teus instrumentos e a túa voz. Ven a facer comunidade e  facer tremer o Mercado ¡Viva Galiza!

Un espectáculo no que Carles Sans, de Tricicle, pretende superar a súa anterior marca de gargalladas por minuto. Describe, dende unha óptica crítica e divertida, todas esas actividades que se supón que deberá facer agora que se retira dos escenarios. Tamén fala da súa estadía na UCI ou das festas en Eivisa con Mick Jagger, das relacións de parella e do risco que lle supón durmir coa súa muller. Ademais de moitas vivencias contadas coa característica xestualidade de Tricicle, hai momentos tan surrealistas como cando explica como sabe unha pastilla, ao entrar no corpo dunha persoa, para que serve e cara a onde se dirixe. Unha narración graciosísima da viaxe dun medicamento polo corpo humano.

Setembro é volver ao taller, reencontrarnos co barro e empezar un novo curso coas mans cheas de ganas e, coa volta, tamén regresan os nosos workshops.

Coroa de breixo ou hortensia. Prezo: 68 €

Todos os materiais e ferramentas están incluídos e non é necesaria experiencia previa. Podedes consultar toda a información e reservar a vosa praza a través desta ligazón 

Unha membrana translúcida delimita un espazo baleiro dentro da sala. Ainda que permanece visible, o espazo queda separado do resto por unha barreira material fráxil pero que recoñecemos como límite.
Que fai que un espazo que sigue estando ahí deixe de ser un espazo que habitamos?
Instalación “Límites” de Yaiza Álvarez Soto 
Ata o 24 de setembro!

O venres 11 de setembro inauguramos no Palacete das Mendoza a exposición Eu-mar de Xan Vieito, que se poderá visitar ata o 27 de setembro

Logo dun proceso selectivo intenso polo número de participantes e pola calidade das propostas, as obras escollidas para participar xunto a Manuel Moldes en Vieiros en Pontevedra foron as de Candela Sueiro Sanisidro, Eva Díaz Vilaboa, Inés Martínez Caramés, Iria Pérez Rial, Jimena Arenas Costas, Mariña Rey Noya, Nuria Costas Fernández, Pau Ubeira Carramal e Xulia García Pintos.
A inauguración da mostra terá lugar o próximo xoves día 14 de maio. Será ás 19:00 na sede da Fundación Manuel Moldes en Pontevedra na rúa Benito Corbal 47, 8º andar (acceso por r/ Javier Puig 3).

Unha membrana translúcida delimita un espazo baleiro dentro da sala. Ainda que permanece visible, o espazo queda separado do resto por unha barreira material fráxil pero que recoñecemos como límite.
Que fai que un espazo que sigue estando ahí deixe de ser un espazo que habitamos?
Instalación “Límites” de Yaiza Álvarez Soto 
Ata o 24 de setembro!

Obradoiro gratuíto de nudos mariñeiros en Pontevedra: aprende unha arte tradicional

Os orfos (Planeta). Jorge Díaz, Agustín Martínez e Antonio Mercero visitan Cronopios o luns 14 ás 19:30h e Susana Pedreira faralles unha entrevista en directo na que poderá participar o público con preguntas e comentarios.

En Belfast, tres nenos creceron nun orfanato onde o medo era lei, e a violencia, a única forma de sobrevivir. Aquel inferno converteunos en irmáns. Anos despois, chámanos os Orfos. Son donos dun imperio criminal que se estende desde Irlanda ata a Costa do Sol, onde o luxo e a brutalidade conviven sen disimulo. Pero nesa mesma cidade hai outra familia que tamén coñece o prezo do poder: os Pastor…

O prestixioso Coro de The Queen’s College de Oxford chega a Pontevedra

Esperámosvos a todos, o 14 de Setembro ás 20.45 para comentar o libro deste mes, tomarnos unhas pastas, un café ou unha auga, e desconectar un pouquiño da volta á rutina.

Se che apaixona a fotografía, a botánica ou a artesanía, temos unha proposta perfecta para ti. O Centro Social A Pedreira organiza un novo Obradoiro de Cianotipia, unha oportunidade única para desconectar das pantallas e experimentar cun dos procesos de revelado fotográfico máis antigos e fascinantes da historia.

Inscricións e reservas Non quedes sen o teu oco. Para reservar a túa praza ou solicitar máis información sobre as vindeiras sesións, podes poñerte en contacto a través de:

Correo electrónico: apedreira@riseup.net  WhatsApp: +34 601 98 12 88 

Versos de Mar e terra, Declamación e canto con Carmen Prieto e poetas invitad@s

Interveñen: Elisabeth Oliveira, Isabel Uría, Charo Valcárcel. Alfonso Cuadros e Berenice Ojeda

A guitarra musicando os poemas Tito Cerda

O Ateneo de Pontevedra organiza xunto coa Deputación de Pontevedra a charla do gaiteiro Óscar Ibáñez titulada “A Gaita“, dentro do ciclo O Poder do Folk.

A entrada é libre ata completar capacidade.

Inicio ciclo “Ifigenias(s): Verdade, función, rebeldía e lenda do sacrificio”

Filme: “Amal” de Jawad Rhalib

Amal, unha profesora francesa dun instituto de Bruxelas, anima aos seus alumnos para cultivar a paixón pola lectura, defender a liberdade de expresión e promover a tolerancia. Con todo, as súas ideas molestan a algúns alumnos e compañeiros vinculados co extremismo islámico, totalmente oposto aos seus métodos de ensino. Aínda así, Amal mantense firme, especialmente cando ten que axudar a Monia, unha dos seus estudantes, unha moza reservada á que atacaron, acosado e ameazado polas sospeitas sobre a súa homosexualidade.

Presentación do libro “Lo que perdura” de María Ramos Lorenzo.

Din que o fío vermello conecta ás persoas… pero este tamén abre portas a historias inesquecibles. Anímaste a descubrir que hai ao final do fío?

Aliar Edicions

Presentación do libro “A muller de mentira” de Iria Collazo López, con Chus Gómez.

“Sempre fun transparente. As miradas atravésanme: non existo. Nunca ninguén me tomou en serio. O meu tempo de comprender chegou tarde, coma se a miña vida anterior fose un ensaio; un simulacro que me preparase para o derrubamento que me esmagou despois. A xente non me cre, non resulto verosímil. Son un animal imaxinario; un personaxe de conto; unha muller de mentira. Non estou aquí”.
Así comeza A muller de mentira, obra gañadora do García Barros 2026. Galaxia Editorial

Carlos Blanco volve coa súa comedia máis solidaria: “A Penúltima“

Nesta terceira tempada o encontro medra cun novo e ambicioso proxecto: queremos publicar un fanzine trimestral que recolla colaboracións das artistas asistentes ás xuntanzas poéticas. Para evitar que os recitais sexan arte efémera e para que os escritos transcendan máis alá do recuncho que nos acolle, imos deixar constancia material con escolmas que recollan os froitos creativos.
Outra novidade é o artista que acompañará esta noite de poesía, o incrible MonoLelo; o novo proxecto de David Santos (Cró!, É unha árbore, Metamovida…), unha proposta sinxela para tempos saturados. Contracontos, un contrabaixista que canta, risa tímida sen medo ao experimental. Temas imaxinados entre o relato vívido e a fantasía colectiva froito da certeza de que se MonoLelo é posible outros mundos tamén… e deixamos o pesimismo para tempos mellores.
Convidámosvos a vir o venres 18 á NaSantiña para escoitar as vosas propostas. Traede a vosa arte ás tabernas, expresádevos, compartide os vosos pensamentos. A poesía contra a barbarie para celebrar a chegada do outono.
Con moita alegría e ilusión, vémonos o 18 de setembro! 

O Folk Tribal de Zeltia Irevire abre o ciclo “Somos Música” na Peregrina
Arranca o agardado programa cultural Somos Música Pontevedra, o ciclo de concertos paralelo á Gran Final das Series Mundiais de Tríatlon. E o punto de partida non podía ser máis potente con Zeltia Irevire.

O próximo venres tedes unha cita no Palacete das Mendoza con Antía Otero e Guadi Galego
Conversaremos sobre o proceso de creación e os temas que abordan na súa obra de creación escrita e musical no marco do proxecto Mulleres de Palabra(s)

Enerxía e rock na rúa con “Moi” e o chef Pepe Solla
A música non para o venres pola noite en Pontevedra dentro do ciclo Somos Música. Despois do folk, a quenda é proxecto musical Moi.

O Espacio CUVE organiza o concerto “Boleros del alma”, un percorrido polo bolero clásico e o cancionero popular hispanoamericano con Carmen Prieto acompañada á guitarra por Tito Cerda.

Información e inscricións: T. 649 683 019 / @espacio_cuve

Setembro é volver ao taller, reencontrarnos co barro e empezar un novo curso coas mans cheas de ganas E, coa volta, tamén regresan os nosos workshops.

Taller de cerámica (taza o bol) → 12 de setembro · 11.00 h 

Duración: ata 3horas. Prezo: 68€

Todos os materiais e ferramentas están incluídos e non é necesaria experiencia previa. Podedes consultar toda a información e reservar a vosa praza a través desta ligazón 

BAÑO DE SON · ESPECIAL EQUINOCCIO

Estamos ás portas do equinoccio de outono. Un momento do ano no que o día e a noite buscan o seu equilibrio antes de dar paso a unha nova estación e queremos aproveitalo para facer algo que non sempre nos permitimos: parar, soltar e escoitarnos. O sábado 19 de setembro atopámonos de novo en Pontebrújula xunto a Ana Shanti Sounds para compartir un Baño de Son especial Equinoccio. Unha experiencia con gong e cuncos de cuarzo para baixar o ritmo, conectar co corpo e recibir o outono desde un lugar máis consciente. Non necesitas experiencia previa. Só vir con ganas de regalarche un intre para ti. Reserva a túa praza: hola@pontebrujula.com 

Afinidades Electivas con Ismael Ramos e María Sánchez o sábado 19 na libraría Paz.

Afinidades Electivas do Ministerio de Cultura organiza encontros literarios en librerías independentes para impulsar a creación nas linguas do Estado.

Fusión galego-cubana con Hermanos Visi na Praza de San Xosé
Os ritmos máis frescos e contemporáneos chegan o sábado co ciclo Somos Música da man do proxecto experimental dos Hermanos Visi.

 INSCRICIÓN ABERTA….
O Concello de Pontevedra organiza a 5ª ruta Ponteandadas 2026 (BORA – LEREZ)
13 km – circular – Dificultade: – Baixa
Inscrición ata o venres 18 de Septembro ás 24h. 

9,30 Quecemento con Zumba 

Para calquer aclaracion no telf. 625482636 – onde tamen se poden facer os bizum de 2€ da inscricion

A Gala Máxica do Abraioscopio reúne artistas de gran prestixio, gañadores de premios nacionais e internacionais, no gran espectáculo do Festival de Maxia de Pontevedra.

A maxia visual, o humor, a música en directo e as artes circenses converxen nun espectáculo cheo de ritmo, sorpresa e marabilla. Esta gala conta con actuacións que garanten a risa, momentos de grande impacto visual e escenas deseñadas para deixar ao público sen palabras.

O venres 11 de setembro inauguramos no Palacete das Mendoza a exposición Eu-mar de Xan Vieito, que se poderá visitar ata o 27 de setembro

Logo dun proceso selectivo intenso polo número de participantes e pola calidade das propostas, as obras escollidas para participar xunto a Manuel Moldes en Vieiros en Pontevedra foron as de Candela Sueiro Sanisidro, Eva Díaz Vilaboa, Inés Martínez Caramés, Iria Pérez Rial, Jimena Arenas Costas, Mariña Rey Noya, Nuria Costas Fernández, Pau Ubeira Carramal e Xulia García Pintos.
A inauguración da mostra terá lugar o próximo xoves día 14 de maio. Será ás 19:00 na sede da Fundación Manuel Moldes en Pontevedra na rúa Benito Corbal 47, 8º andar (acceso por r/ Javier Puig 3).

*Festa, cultura e identidade na Pedreira!
Após a última foliada em junho, regressamos com toda a energia para *retomar o curso e as atividades.* A Pedreira volta a ser o teu *espaço seguro e vivo para o galego,* onde partilhar o orgulho pola nossa terra e pola nossa cultura popular.
*20:00h* .- Obradoiro de Baile Solto com *Chechu Riquelme.*
*21:00h* .- Foliada com *Son da Pedra (Salcedo) e Ultreia (Compostela)*.
Traede os vossos instrumentos e a vossa voz. Vinde fazer comunidade e fazer tremer o Mercado! Viva Galiza ceive!