A Aula de Cine da Facultade de Comunicación acolle unha nova sesión da XVI Máster Class Audiovisual Galego Augal, que este centro promove co patrocinio da Axencia Galega das Industrias Culturais da Xunta de Galicia (Agadic) e da Deputación de Pontevedra. Dedicada ás curtametraxes, comprende as proxeccións das curtas Furancho, de Maika Braña, e Dos gardenias, de Juan Hervella-Rego, así como do vídeo-ensaio da directora e egresada da facultade Lucía Estévez A lesbiana no audiovisual galego, recentemente recoñecido nos Premios María Luz Morales da Academia Galega do Audiovisual.

Presentación do Mono de Ouro, de Santi González, en Pontevedra: martes 10 na libraría Paz
Tedes o libro dispoñible fisicamente na libraría. Tamén se pode mercar por internet ou encargalo en calquera libraría.
Cartaces feitos polo ilustre @deniscontil

O martes 10 participamos no ciclo de faladoiros feministas OUTONO VIOLETA, organizado polo Concello de Pontevedra igualdade_pontevedra @pontevedrate con motivo do 25N, Día Internacional da Eliminación da Violencia contra as Mulleres.
A nosa compañeira e usuaria de Amencer-ASPACE, Rosa “Meis” Blanco Ramallo @ramallomeis8 será a protagonista dun encontro no que abordará unha realidade que moitas veces permanece oculta: as violencias sexuais que sofren as mulleres e nenas con diversidade funcional.
O faladoiro estará moderado pola xornalista María Hermida.

Terra en transe de Glauber Rocha

Eldorado é un país ficticio latinoamericano onde vive o idealista, poeta anarquista e xornalista Paulo Martins (Jardel Filho). Dous políticos, o populista Felipe Vieira (José Lewgoy) e o conservador Porfirio Díaz (Paulo Autran), loitan polo poder nesta complexa realidade tropical onde nada é o que parece.

Convidámosche a acompañar-nos na presentación do libro Ferramentas básicas para ser artista, primeiro premio de Libro Informativo para a rapazada Galix, publicado por Kalandraka.
O venres 13 ás 18.30H agardámoste na Aula nº6 da Facultade de Belas Artes, onde terá lugar un faladoiro entre a autora do libro, Blanca Millán, e tres Doutoras en Belas Artes, artistas e mestras especialistas en Ilustración, Arte e Didáctica das artes: Covadonga Barreiro, Begoña Paz e Icíar Ezquieta, toda unha maravilla.
Ademais se tes curiosidade por como é a realidade dunha estudiante de Belas Artes poderás unirte á visita guiada que a Vicedecana de Cultura, Basilisa Fiestras, tennos preparada ao remate do faladoiro.

As Xornadas de Memoria Histórica «A ditadura do cotián» abordarán a dimensión diaria da ditadura no Centro Social do Gorgullón, Pontevedra. Organizadas polo Concello de Pontevedra, celebraranse os días 13 e 14 de novembro de 2026 e ofrecerán debates sobre os mecanismos institucionais empregados para vixiar a intimidade, os corpos e a creación cultural.

A participación é de balde, previa inscrición a través do formulario de apuntate.pontevedra.gal, debido ao aforo limitado do Centro Social.

Obradoiro de ilustración científica.

Esta actividade ofrecerá unha introdución teórico-práctica orientada a potenciar a capacidade de comunicar coñecemento científico a través dá linguaxe visual e desenvolver habilidades de observación e representación gráfica, empregando técnicas tradicionais como o grafito, os lapis de cores, a acuarela e o punteado. Nesta edición, a temática xirará arredor dos organismos mariños, costeiros e oceánicos, poñendo o foco en diferentes especies de interese.

O obradoiro será impartido por  Gerardo Fernández e Nair Vilas, ilustradoras e investigadoras do Centro Oceanográfico de Vigo do Instituto Español de Oceanografía (IEO-CSIC).

Inscrición: A partir do 4 de novembro de 2026

¡Pontevedra está de estrea cultural! A Boa Vila suma un novo punto de encontro imprescindible cos ollos postos na arte contemporánea e no coleccionismo: a chegada de La Suite Studio. Este proxecto tan ambicioso, que aterra con forza na rúa Conde de San Román baixo a batuta de Marité Vázquez, promete axitar e encher de vida o noso tecido artístico local. E para abrir as súas portas ao grande, decidiron apostar sobre seguro cunha desas propostas que che tocan a fibra: Caelum, a delicada e emocionante exposición do recoñecido artista plástico Fernando Alday.

Iniciación ao Ioga Facial

Aprenderemos técnicas básicas de ioga facial e unha rutina de skincare con cosmética vegana para incorporar ao noso día a día. 40 €

O sábado 14 de Novembro os pequenos da casa teñen unha cita pendente na librería, xa que  María Miranda ven presentar o seu novo conto “alma ten un superpoder” a las 12.00 esperámosvos a todos.

O sábado 14 de novembro estaremos no Museo de Pontevedra co colectivo PoeticAlbedrío.
Poesía, música e arte polos dereitos das e dos migrantes.
Sempre polos dereitos humanos, que foi para o que naceu este colectivo.

A nova edición de Pontedetapas arrinca este mércores en Pontevedra con 32 establecementos participantes e unha oferta que reúne 20 tapas tradicionais, 11 creacións innovadoras e 10 cócteles.

O certame prolongarase ata o domingo 22 de novembro e busca dar movemento á hostalaría local máis aló dos períodos de maior afluencia turística.

O Paseo de Antonio Odriozola acolle desde este martes, 20 de outubro, unha exposición itinerante sobre José Suárez, o fotógrafo galego máis internacional, que este ano é protagonista do ‘Día das Artes Galegas’ da man da Real Academia Galega de Belas Artes.

Presentación da exposición “ALÉN” que terá lugar o próximo xoves 15 de outubro ás 19:00 na Fundación Manuel Moldes. Trátase dunha escolma de obras de Moldes de diferentes épocas que propón ler unha Galiza que resiste, celebra e se transforma. A selección amosa paisaxes e elementos tradicionais galegos, pero vai máis alá da tradición e dos costumes, invitando a observa-las obras mediante unha ollada actual, de xeito que as imaxes acadan novos significados, converténdose en símbolos contemporáneos que falan de permanencia, conexión, comunidade, futuro… O territorio aparece así como un espazo híbrido onde tradición e contemporaneidade entran en tensión permanente. 

Posteriormente poderase visitar no horario de apertura habitual (xoves e venres de 18:00 a 21:00, sábados de 12:00 a 14:00 e de 18:00 a 21:00) ou noutro horario mediante cita previa no teléfono 607408482.

Afundación, Obra Social ABANCA, ten o pracer de convidarche á visita inaugural da mostra. HABITAR O BALEIRO, a cargo do comisario Brais Lorenzo.

A exposición reúne o traballo do fotógrafo Brais Lorenzo e dun equipo de xornalistas que percorreron distintas zonas rurais de Galicia para documentar, desde unha mirada humana e comprometida, os cambios que atravesa o territorio.

Un proxecto construído a través de fotografías, audios, vídeos e textos que nos achega ás historias, ás ausencias e ás resistencias do rural galego contemporáneo.

A Sala Universitaria Profesor Manuel Moldes acolle a exposición Seres, que explora as entidades fantásticas que poboan o folclore persoal e os vínculos que con elas se establecen. Comisariada polo artista e profesor da Facultade de Belas Artes Thomas Apostolou, esta exposición reúne obras de diversas disciplinas, realizadas por artistas de diferentes países, tanto emerxentes como xa consolidados. Nomeadamente, a exposición reúne as creacións de Murilo Álvarez, Dominic Beattie, Anne Franke, James Alec Hardy, Deny Párchei e James Wright.

Promovida coa colaboración da Deputación de Pontevedra, Seres poderá visitarse ata o 1 de decembro en horario de de 11:00 a 14:00 e de 17:30 a 20:30 horas.