O martes que ven, día 20 de outubro, acompáñanos na presentación de “El camino que no elegimos” con Ana Merino @ana.merino.3344 . Falará sobre o proceso creativo e haberá sinaturas debuxadas! 

O grupo teatral Méndez Núñez, presentará a obra “Por Nosotras” o vindeiro 21 de outubro ás 18:30 horas no Auditorio do Pazo da Cultura de Pontevedra.

A través desta obra, persoas con discapacidade intelectual amosan a súa implicación e participación activa na sociedade na que viven, utilizando o escenario como unha ferramenta para romper estereotipos.

Entrada libre ata completar o aforo.

O xoves, 22 de outubro, Fabio Rivas presenta A inocencia dos insectos na libraría Paz de Pontevedra. O autor estará acompañado polo xornalista Ramón Rozas.

QUIEN PUEDE MATAR A UN NIÑO de Narciso Ibáñez Serrador.

1976. Tom e Evelyn son unha parella de turistas ingleses que viaxa a unha poboación costeira española para desfrutar ao fin dunha tardía lúa de mel. Con todo, cando chegan, quedan decepcionados: o lugar é demasiado bulicioso para pasar as tranquilas vacacións que eles planearan. Deciden entón alugar unha barca para visitar unha pequena illa na que Tom estivera cando era máis nova. A súa sorpresa será maiúscula cando descubran que os únicos habitantes da illa son nenos, uns nenos que, animados por unha misteriosa forza, rebélanse contra os adultos.

Volve o noso club de lectura! 
O vindeiro 23 de outubro xuntámonos de novo para compartir lecturas, opinións e conversas.

Se che gusta ler, comentar ou simplemente pasar un bo rato en compañía, eres benvida. Aberto a todo o público.

Actividade enmarcada no proxecto “Coidarse tamén é saúde”, organizada por ASSEII e financiada pola Deputación de Pontevedra, cun espazo cedido pola Xunta de Galicia.

Coñece os teus dereitos laborais
Xunto á CIG Pontevedra, organizamos unha charla aberta e informativa sobre as relacións laborais. Un espazo para resolver dúbidas, coñecer os teus dereitos e saber como actuar ante determinadas problemáticas.

Falaremos de:  O contrato de traballo,  Modalidades de contratación, Dereitos fundamentais,  Deberes e responsabilidades,  A onde dirixirte cando hai problemas,  Parte práctica.

O sábado, 24 de outubro, o Mercado de Abastos de Ponte Vedra transforma-se num espaço 100% seguro para o galego, para a nossa identidade e para a música que corre nas nossas veias. É dia de erguer a voz, honrar as nossas raízes e celebrar o que nos define como povo!
20:00h – Obradoiro de percussom miuda (cunchas e culheres) com Xandre Outeiro.
21:00h – Foliada viva com Soliman, A Tralha da Terra de Montes e Portafontaos.
Onde: Mercado de Abastos de Ponte Vedra
Traz as tuas cunchas e culheres, e junta-te à nossa grande festa!

Dos creadores de Escándalo en el Palacio (máis de 10.000 espectadores) e 1888. Señorita Julia, un éxito do Top 10 de Madrid, chega a nova comedia de alto calibre de Estudo Momento.

Clara Beltrán e Tomás Chamorro deciden fundar o seu propio medio de comunicación dixital independente. Teñen talento. Teñen ambición. Pero só son dous.

Asiste a un concerto único de James Rhodes, “el enfant terrible de la música clásica”. O pianista español nacido en Gran Bretaña, coñecido polo seu carisma, talento e estilo de “stand-up” no escenario, ofrece unha experiencia distinta aos recitais tradicionais.

O programa incluirá obras de Chopin, Brahms e Rachmaninov

Presentación da exposición “ALÉN” que terá lugar o próximo xoves 15 de outubro ás 19:00 na Fundación Manuel Moldes. Trátase dunha escolma de obras de Moldes de diferentes épocas que propón ler unha Galiza que resiste, celebra e se transforma. A selección amosa paisaxes e elementos tradicionais galegos, pero vai máis alá da tradición e dos costumes, invitando a observa-las obras mediante unha ollada actual, de xeito que as imaxes acadan novos significados, converténdose en símbolos contemporáneos que falan de permanencia, conexión, comunidade, futuro… O territorio aparece así como un espazo híbrido onde tradición e contemporaneidade entran en tensión permanente. 

Posteriormente poderase visitar no horario de apertura habitual (xoves e venres de 18:00 a 21:00, sábados de 12:00 a 14:00 e de 18:00 a 21:00) ou noutro horario mediante cita previa no teléfono 607408482.

Afundación, Obra Social ABANCA, ten o pracer de convidarche á visita inaugural da mostra. HABITAR O BALEIRO, a cargo do comisario Brais Lorenzo.

A exposición reúne o traballo do fotógrafo Brais Lorenzo e dun equipo de xornalistas que percorreron distintas zonas rurais de Galicia para documentar, desde unha mirada humana e comprometida, os cambios que atravesa o territorio.

Un proxecto construído a través de fotografías, audios, vídeos e textos que nos achega ás historias, ás ausencias e ás resistencias do rural galego contemporáneo.

A Deputación de Pontevedra abre ao público o próximo venres 9 de outubro a exposición “Pel e cor”, de Juan Carlos Platis. Na mostra, que se poderá visitar na sala de exposicións do Palacete das Mendoza (sede de Turismo Rías Baixas) ata o 25 de outubro, Platis propón un diálogo desde o proceso creativo entre o artista e a súa obra.

A Sala Universitaria Profesor Manuel Moldes acolle a exposición Seres, que explora as entidades fantásticas que poboan o folclore persoal e os vínculos que con elas se establecen. Comisariada polo artista e profesor da Facultade de Belas Artes Thomas Apostolou, esta exposición reúne obras de diversas disciplinas, realizadas por artistas de diferentes países, tanto emerxentes como xa consolidados. Nomeadamente, a exposición reúne as creacións de Murilo Álvarez, Dominic Beattie, Anne Franke, James Alec Hardy, Deny Párchei e James Wright.

Promovida coa colaboración da Deputación de Pontevedra, Seres poderá visitarse ata o 1 de decembro en horario de de 11:00 a 14:00 e de 17:30 a 20:30 horas.

A Sala O Abrigo da Facultade de Belas Artes acolle a exposición Contar cos dedos, coordinada pola egresada Cora Novoa e a profesora da Universitat Politécnica de Valencia Elena Rocamora. Inserida na programación do III Congreso Internacional de Creatividade, a mostra reúne as creacións destas dúas artistas xunto ás de Álvaro Porras e María Sánchez, tendo como eixes o performativo e o instalativo.

A exposición poderá visitarse ata o 2 de novembro, de luns a venres de 8.00 a 21.00 horas. 

Infiltracións: Ira Lombardía, Mudanzas

Comisario: Iñaki Martínez Antelo

Mudanza é o título do proxecto que a artista Ira Lombardía presenta dentro do ciclo Infiltracións, iniciativa do Museo de Pontevedra para desenvolver proxectos específicos en diálogo coas súas coleccións. A artista combina fotografía, colaxe, escultura e arquitectura efémera para reflexionar sobre as nocións de domesticidade, memoria material, desprazamento e pertenza. Lombardía toma como eixe central a emigración —a histórica e a actual— para construír un proxecto que dialoga coas experiencias do tránsito, coa perda, co arraigamento e coa transformación.