O QUE NOS CONTA MONTSE:
Este cadro é a reprodución dun orixinal de Natalia Goncharova, grande mestra da vangarda rusa. O seu óleo é de 1909 e está no Museo Thyssen-Bornemisza.
Goncharova foi a artista feminina máis importante do século XX en Rusia. A temática rural, a representación da vita cotiá das clases populares está moi presente na súa obra.
Nos meus lenzos hai lavandeiras, segadoras e pescadoras.
As cores vivas, esas fortes combinacións cromáticas forman parte das miñas preferencias.
Na “Pesca” percibimos, sen dúbida, o influxo de Matisse, pois a pegada na cor é evidente. Este autor, xunto con Malévich e Chagall, todos coetáneos de Goncharova, están entre os meus artistas de cabeceira.
Óleo sobre lenzo. 41x51cm. “Pesca”
Notas biográficas da autora:
Montse naceu na Estrada en 1960. Estudou no Instituto Manuel García Barros desta cidade o bacharelato e Filoloxía Hispánica en Compostela, exercendo como profesora de Lingua galega e literatura durante 25 anos.
Desde 1988 vive na Coruña a onde chegou tras obter destino definitivo en Carballo, aínda que pouco despois conseguiu o traslado para o IES Ramón Menéndez Pidal da cidade, alí desenvolveu a docencia ata a súa xubilación no 2007.
Ao xubilarse puido dedicarse de forma máis plena a unha das súas paixóns: pintar. Na súa produción artística conta con cadros orixinais seus e outros, coma este que nos presenta hoxe, que son interpretacións de autores aos que admira.
máis artigos
♥♥♥ síguenos ♥♥♥
Trackbacks/Pingbacks