Seleccionar página

por Antonio Lois Pérez

«O murmurio do regato»

¿Onde se foron as risas

que se escoitaban no prado,

cando as mozas da parroquia

levaban alí o ganado?

¿Onde se foron as risas

que, coas augas do regato,

se xuntas as escoitabas,

xa non semellaban risas;

era unha sinfonía

o que soaba no prado?.

Marcharon aquelas risas

cando non houbo ganado,

converténdose en monte

o que antes era prado.

Hoxe xa non quedan mozas

que leven ganado ó prado,

pero aquelas súas risas

aínda seguen resoando;

tan só terás que escoitar

o murmurio do regato.

Marcharon aquelas mozas,

pero as súas risas quedaron,

quedaron aprisionadas

no murmurio do regato.

                     Antonio Lois

Antonio Lois pérez

Antonio Lois pérez

Economista

Nacín un día 4 do  mes de xaneiro, ano 1948, no lugar do Castro de Mourelos, parroquia de Mourelos (Saviñao – Lugo). Son economista e técnico en tintes, estampación e acabados téxtiles. Actualmente vivo en Barcelona.

Gústame escribir poesía en galego do pobo, o galego dos meus pais, que é o galego que amo; non en galego ilustrado! Participei en tres libros de poesía (Poetas do Reencontro, Caminhos da Poesía e Raia Luso Española), así coma na revista Xistral do Concello de Lugo.  Non hai moito máis que contar de unha  vida moi vulgar!

Son do Castro de Mourelos;
onde mellor se ve o Miño,
onde mellor se ve o ceo;
onde, ulindo ó seu vento,
eu xa sei se vai chover.
¡Que pena que non estén
aqueles que eu amei;
que pena que xa non vexa
o Castro que eu deixei!
A pesar de todo eso;
ou pode sexa por eso,
do Castro sempre serei

máis artigos

Actividades do 14 ao 20 de xuño 2021

Do 7 ao 13 de Xuño

Actividades do 31 de maio ao 6 de xuño

Do 24 ao 30 de Maio 2021

Do 17 ao 23 de maio 2021

Do 10 ao 16 de maio 2021

♥♥♥ síguenos ♥♥♥

Español