Do 25 ao 31 de xaneiro 2021 – devellabella

A sala de conferencias da Vicerreitoría acolle a proxección do documental, Lo que no te mata…, da directora belga Alexe Poukine. Dada a situación sanitaria, a sala terá un aforo limitado a 15 persoas, pero outras 200 poderán ver o filme, desde a xornada seguinte á súa proxección e durante os seguintes 15 días, a través da web da produtora organizadora. Para iso, deberán remitir un correo electrónico a docspon@uvigo.es, indicando no asunto ‘docs del mes’ e se lles enviará un código numérico, de uso unipersoal e ligado á conta de correo, que lles permitirá acceder ao documental. Estes 200 ‘pases’, explican desde a Vicerreitoría, outorgaranse, para cada un dos filmes, seguindo a orde de solicitude, a partires do día seguinte á proxección presencial.

A historia de Ada, unha muller que con 19 anos foi violada tres veces na mesma semana por un home que coñecía constitúe o punto de partida de Lo que no te mata…, un documental que buscar contribuír á visualización, como sinalan desde a produtora, dun “fenómeno social moi amplo e aínda silenciado”, as violacións en contornas de confianza. Dirixido por Alexe Poukine, o filme acumula seis premios e a súa selección en máis dunha trintena de festivais desde a súa estrea en 2019.

Cineclube presenta La règle du jeu (1939) de Jean Renoir.

Un rico aristócrata dubida se abandonar ao seu amante para conservar o amor da súa esposa, unha muller pretendida ao mesmo tempo polo seu confidente e un famoso aviador. No transcurso dunha cacería de fin de semana en Sologne e dunha festa, as intrigas amorosas de señores e serventes mesturaranse desembocando nun feito inesperado

Duración 106′

Pietá 2012 (104 minutos). Drama centrado en dous personaxes, un cobrador de préstamos solitario e sen escrúpulos (Lee Jung- Jin) e unha muller (Jo Min- Su) que se presenta un día pedíndolle desculpas por abandonarlle, asegurando que é a súa nai biolóxica

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aquelas persoas que teñan o pracer de escoitalas.

Celso Fernández Sanmartín, coñecido como Celsiño, é un poeta e artista de Lalín. Este galego, considerado “contador de contos e historias de vida tradicional”, é Licenciado en Filosofía pola Universidade de Santiago de Compostela. Ademais é un dos contadores de historias máis recoñecidos da actualidade. Recolle e adapta historias da tradición oral dirixidas a distintos públicos. «Contar é o meu oficio, e tamén é a palabra que teño na boca cada vez que subo a un escenario coa claridade de que comparto un saber que practicamos todos, e non algunha vez ,senón toda a vida, porque non contar sería tanto como non convivir, e por tanto, en positivo, contar é convivir».

Exposición no Ateneo Santa Cecilia “Voilà la femme” comisariada por Celeste Garrido.

Artistas convidadas: Beatriz Pérez Fernández,  Uxía A. Pérez Lorenzo,  Lucía Otero Carballo,  Cristina Chiarroni, Ana Sánchez Garea e Tamara Vázquez Perol.

Ata 31 de xaneiro

A exposición “Elas escribiron a historia. As primeiras xornalistas” recoñece o papel das precursoras galegas da comunicación na loita pola igualdade entre mulleres e homes.

A mostra repasa a traxectoria de Sofía Casanova, Concha Castroviejo, Emilia Pardo Bazán, Filomena Dato Muruais, María Luz Morales, Mercedes Vieito Bouza, Pura Vázquez Iglesias, Concepción Arenal, Clara Corral Aller, Virginia Felicia Auber, María Vinyals e Avelina Valladares Núñez.

Co título “Mirar de nuevo. La mujer contra el tiempo” inaugurase en Agalería esta nova exposición que pretende ser unha chamada de atención e un punto de inflexión sobre a forma na que ata agora mostramos e pensamos a historia do arte.

No noso presente, as artistas mulleres cobraron unha maior influencia e reescriben a historia para construír novas liñas de tempo e relacións entre obras, movementos e décadas. Esta exposición, que inclúe obras de artistas mulleres pertencentes a Colecciones ABANCA e Afundación xunto a obras convidadas de destacadas coleccións privadas, e pretende contribuír a darlle a volta e trastornar a narrativa hexemónica, axudando a diminuír esa desigualdade que levou á arte realizada por mulleres a unha inxusta ausencia.

Álava, Chechu – Almeida, Helena – Alonso, Mónica – Blanchard, María – Cabellut, Lita – Cáccamo, Berta – Calvo, Carmen – Colmeiro, Elena – Dans, María Antonia – De La Calzada, Paz Díaz, María Xosé – Dolron, Desiree – Fernández, Almudena – Fernández, Ana – Funke, Helen Lamas, Menchu – Mallo, Maruja – Medal, Tatiana – Minguillón, Julia – Moure, Antía –  Neshat, Shirin – Nogueira, Sandra – O´keefe, Georgia – Pereira, Pamen – Rae, Fiona – Rey, Bea – Sevilla, Soledad – Sighicelli, Elena – Solano, Susana – Valesaka, Soares.

O MARCO, en Vigo, acolle ata o 14 de febreiro a exposición Os teus ollos din o que a túa boca cala, de Celeste Garrido, na que poden verse pezas das súas series Nupcial e Infancias Rotas.

A miña nai era modista. Cando eu era pequena observaba aqueles vestidos baleiros que estaban agardando a que viñesen buscalos. Eu imaxinábame dentro deles. Víaos alí pendurados, no alto, como vestidos imperiais, como nas esculturas gregas. E pensaba en habitalos. Eu traballo co corpo pero sen o corpo porque a idea é que cadaquén poida habitar mentalmente as pezas, meterse dentro deses vestidos. O vestido é ademais a indumentaria por antonomasia da muller.

Desde el jueves 22 de octubre hasta el de 13 de febrero 2021 Cromática III Mostra internacional de ilustración contemporánea na sede Afundacion en Santiago de Compostela.

En general, las piezas de CROMÁTICA tienen como base de su creación la ilustración, y presentan técnicas muy diferentes (videojuego, guache, collage, cerámica, animación) donde el color es fragmentado en múltiples significados, atendiendo a conceptos culturales, estéticos o emocionales. El concepto del color, que alude en la muestra a diferentes latitudes, culturas y razas, es un medio para reflexionar sobre la colectividad, pero con identidad propia, mediante escenas oníricas, abstractas, retratos, etc.

Visita virtual