Eva María Lantarón, vicerreitora do campus de Pontevedra; e Alexandre Cendón, presidente da Aula Castelao de Filosofía

O Teatro Principal acolle a XL Semana Galega de Filosofía, que a Aula Castelao de Filosofía organiza coa colaboración do Concello de Pontevedra e da Vicerreitoría do campus. Baixo o título de Filosofía e Tempo, o programa desta semana agrupa un total de 15 conferencias e desenvólvese entre o 1 e o 5 de abril.

Con motivo do XX Aniversario, celebrarase o próximo día 5 de abril ás 20h a Gala Aniversario que consistirá de dous partes.

Na primeira parte presentarase a Asociación desde os seus comezos ata a data facendo un repaso destes anos de historia dos fitos máis importantes así como a presentación das nosas actividades.

A segunda parte será o concerto do grupo pontevedrés “Black Stones” creado no ano 1969. Está formado por Toño. Santi, Tino, Jaime, Armando e Ernesto. A súa música baséase nos clásicos dos anos 60 e 70, eminentemente vocais e dos que teñen numerosas versións, ademais de dous discos.

CICLO JAZZ NO PRINCIPAL – JOAN TEROL & SPJ-Group

Joan Terol comeza a tocar a batería aos 14 anos co profesor *Àngel Hernàndez na Escola de Música Xilòfon de Reus. Máis adiante trasládase a Barcelona para estudar en L’Aula de Música Moderna i Jazz con Quim Solé e, posteriormente, na ESMUC lo con Jo Krause, Joan Monné eFrancesc Capella, onde obtén o título de batería de jazz en 2010. Un ano despois decide trasladarse á capital dos Países Baixos para estudar un máster de interpretación no Conservatorium van Amsterdam, cidade onde desenvolveu gran parte da súa carreira profesional como intérprete. A principios de 2020 trasládase a vivir a Berlín.

Un gran espectáculo coas cancións da película en español e os mellores efectos especiais, de fume, visuais e lumínicos.

Un día, Dorothy é arrastrada por un ciclón cara ao fantástico mundo de Oz, onde comeza a súa viaxe a Ciudad Esmeralda en busca do Mago de Oz, que lle axudará a regresar á súa casa en Kansas.

Contada por curiosos personaxes que bailan, cantan e interpretan rodeados de atractivos decorados e cuidadísimos vestiarios, acompañados de elementos de luz LED.

“Helen Keller, a muller marabilla?” de Grupo Chévere

Todo comeza ao descubrir unha muller, totalmente descoñecida para o grupo, chamada Helen Keller. Nacida en Tuscumbia (Alabama), convértese nunha celebridade mundial ao ser, segundo as fontes oficiais, a primeira persoa xordocega en obter un título universitario en 1904 en Harvard, despois dun duro proceso de aprendizaxe desde os oito anos. Polo menos esta é a parte da súa vida que fica na memoria colectiva, como un exemplo de superación da discapacidade. E polo que se sabe, a maioría dos seus escritos acaban rescatados como simples aforismos motivacionais. Pero ao investigar en varios arquivos dixitais norteamericanos vanse descubrindo outras facetas desconcertantes da súa vida, que son sistematicamente ocultadas. E o máis sorpredente, nos últimos anos espállase polas redes sociais unha campaña que afirma que Helen Keller é un fake, incluíndo unha petición en charge.org para eliminala da historia.

“Hija de la Luna – El mejor homenaje a Mecano del mundo” protagonizada por Robin Torres, volve despois de 7 anos de xira e máis de 300 concertos por España e Latinoamérica, cun novo espectáculo baseado na xira máis importante da carreira de Mecano, DESCANSO DOMINICAL. Este non só foi o seu disco máis vendido, senón que os catapultou á fama e consolidounos como a lenda que son hoxe para tantas xeracións.

Síntese Horizonte é unha aposta da propia Guadi Galego pola evolución do seu son, pois con cada disco, e con cada espectáculo, Guadi foi aprendendo a desaprender do establecido. Agora, ela, acompañada dunha portentosa banda, e cunha produción que destaca pola súa coidada iluminación e posta en escena, confirmará o que desexabamos ver, sentir e escoitar: a firme crenza do poder transformador da música ao vivo.

1888. Señorita Xulia. Xira2024.
Unha versión rompedora e sexy do clásico de August Strindberg. Un dos textos máis polémicos da historia. Para os amantes do thriller psicolóxico e do cine negro.

Protagonizada por Iria Ares e Xoán C. Mejuto.

1888. Señorita Xulia está considerado pola Revista GODOT como un dos mellores 7 espectáculos de 2022 da carteleira madrileña.