VIAXE a Brasil en Xuño do 1989

(Segunda PARTE)     

Xa en Sao Paulo de novo fixemos outra vez a maleta, esta vez para viaxar a Brasilia, a capital do país.

O voo, dende que o avión despega ata que aterra no aeroporto internacional de Brasilia, dura aproximadamente hora e media ou pouco máis.

Á saída do aeroporto xa nos estaba esperando o conductor da furgoneta-taxi que tiñamos contratada con antelación.

Sen perda de tempo levounos ó hotel, eu diría que era o hotel Bristol, no centro da cidade, na Asa Sul.

Brasilia foi feita como unha cidade xa proxectada dende moitos anos atrás por mandatarios brasileños, pero tivo o empuxón final co presidente Juscelino  Kubitschek, elexido no ano 1953, que foi quen tivo a idea orixinal de buscar unha cidade no interior do Brasil para convertila en capital pero como non atopou ningunha que lle parecera adecuada tomou a decisión de fundar unha nova.

Houbo quen nos dixo que o que fixo Kubitschek foi empeñar Brasil para toda a eternidade.

O primeiro que se fixo foi seleccionar o lugar onde facer a cidade no medio do país, e a mediados no ano 1956 decidíuse  por unha meseta ó sureste do estado de Goiás onde comezaron as obras o 23 de outubro dese ano.

Ó trasladar a capital ó interior, o gobernó do Brasil pretendía poblar esa zona atraendo habitantes de outras partes xa moi poboadas da nación, mediante o traslado da administración pública chegaría xente de todo o país.