De vella a bella quere convirdarvos á presentación do libro Cando os bosques sintan frío de Charo Valcárcel Mato, autora que temos a honra de contar entre a nosa directiva. Terá lugar o venres 28 de xaneiro no IES Valle Inclán de Pontevedra na Gran vía de Montero Ríos s/n ás 19:30 horas.
A autora estará acompañada por Antón Riveiro Coello, autor do limiar do libro, e Vitoria Ogando, compañeira e amiga da autora e, recente premio cidade de Pontevedra.
O noso blog ten o pracer de participar neste acto a través de Ana Santos Solla que dirá unhas palabras en representación de devellabella.com.
Quen puidera abranguer unha aperta imposible
o espazo ansiado nas horas infelices.
quen puidera agora, mentres os ollos espellos
devoran a súa beleza
atinxir cada recuncho, facendo medrar os brazos estendidos
e agarimar as ondas
e o areal e as illas
e o ceo que o enfeita de azul.
Quen puidera abranguelo todo nun abrazo,
nese abrazo imposible
que fundise a miña pel
coas ondas
co areal
coas illas…
co espazo ansiado nas horas infelices.
Poema “Reencontro” do seu libro “Cando os bosques sintan frío” de Medulia editoral. Ilustración orixinal de Adrián Morgade
Charo Valcárcel Mato
Profesora de lingua galega
Eu son Charo Valcárcel. Nacín nunha pequena freguesía da Estrada (Sta. Cristina de Vinseiro) hai 60 anos, pero xa levo trinta e cinco vivindo en Pontevedra, case tantos como os que traballei no IES Valle Inclán (trinta e dous), toda unha vida…
Estudei Filoloxía Hispánica, aínda que me presentei e aprobei as oposicións para profesora de Lingua galega e sempre exercín como tal, do cal me sinto e sentirei sempre moi orgullosa.
No Valle Inclán coñecín a Ana, Manuel, Isidro, Benito e Sara que, considero, máis que compañeiros, amigos, bos amigos. Xuntos compartimos moitas experiencias.
Agora esta na que nos implicou Ana que, polo menos para min, é un salvavidas, un incentivo que chega para encher o oco que deixa o ensino nas nosas vidas.
Pero tamén formamos parte dun grupo de teatro de profesores (en activo e xubilados) que naceu no 2005 no seo do Valle Inclán, Argallada, e que está esperando tempos mellores para retomar a súa actividade.
Agardo que as miñas contribucións no blog devellabella sexan merecedoras do voso beneplácito ou, polo menos, non do voso desgusto.
máis artigos
Actividades culturais do 29 de abril ao 5 de maio por Ana Santos
by Ana | Abril 28, 2024 | Actividades | 0 Comments
Actividades culturais do 22 ao 28 de abril 2024 por Ana Santos
by Ana | Abril 21, 2024 | Actividades | 0 Comments
Actividades culturais do 15 ao 21 de abril 2024 por Ana Santos
by Ana | Abril 14, 2024 | Actividades | 0 Comments
Actividades do 8 ao 14 de Abril 2024 por Ana Santos
by Ana | Abril 7, 2024 | Actividades | 0 Comments
Actividades culturais do 1 ao 7 de abril 2024 por Ana Santos
by Ana | Marzo 31, 2024 | Actividades | 0 Comments
Actividades culturais do 18 ao 24 de marzo 2024
by Ana | Marzo 17, 2024 | Actividades | 0 Comments
Víctor Pedreira Crespo por Ana Santos Solla
by Ana | Abril 14, 2024 | Historias de vida | 0 Comments
Carmen Fernández Conde por Ana Santos
by Ana | Marzo 10, 2024 | Historias de vida | 0 Comments
Fidelina Gómez Rancaño por Ana Santos
by Ana | Febreiro 11, 2024 | Historias de vida | 0 Comments
Fita a Galana por Ana Santos Solla #devellabella#
by Ana | Xaneiro 14, 2024 | Historias de vida | 0 Comments
Coco Pimentel Piernas por Ana Santos Solla
by Ana | Decembro 17, 2023 | Historias de vida | 0 Comments
Rosabel Piñeiro Boullosa por Ana Santos Solla
by Ana | Novembro 12, 2023 | Historias de vida | 0 Comments
Punto de fusión por Juanjosé Guirado
by Colaborador | Abril 28, 2024 | Articulos | 0 Comments
Florindo da Portela por Manolo Gulias
by Colaborador | Abril 28, 2024 | Literarias | 0 Comments
Alleo á moda por Jose Solla Casqueiro
by Colaborador | Abril 21, 2024 | Fotográficas | 0 Comments
O Vello Cárcere de Lugo e a memoria por Anxo Gonález Guerra
by Colaborador | Abril 21, 2024 | Articulos | 0 Comments