Seleccionar página

por Antonio Lois

O día que non me atopes,
se te cansas de buscar,
búscame na miña aldea
búscame no meu lugar.
Só alí me has de atopar.
Atoparasme no vento,
no vento e no seu zoar;
na choiva do seu inverno,
que repica no tellado
e semella non parar.
Atoparasme nas sombras,
nas sombras das suas xestas,
esas noites de luar,
en que semellan fantasmas
que te veñen a espantar.

Atoparasme no orballo,
seu orballo da mañá,
o que che acaricia a cara
e semella non mollar,;
no soar das suas campás,
as campás do campanario
da igrexa da miña aldea,
da igrexa do meu lugar.
O día que non me atopes,
se me queres atopar,
búscame nos meus recordos,
fantasmas do meu lugar;
neses fantasmas que falan
sen unha palabra dar.
¡Fantasmas da miña aldea,
fantasmas do meu lugar;
fantasmas dos meus poemas
que non puiden recitar!

Antonio Lois Pérez

Antonio Lois Pérez

Colaborador

Nacín un día 4 do  mes de xaneiro, ano 1948, no lugar do Castro de Mourelos, parroquia de Mourelos (Saviñao – Lugo).

Son economista e técnico en tintes, estampación e acabados téxtiles.

Actualmente vivo en Barcelona.

Gústame escribir poesía en galego do pobo, o galego dos meus pais, que é o galego que amo; non en galego ilustrado!

Participei en tres libros de poesía (Poetas do Reencontro, Caminhos da Poesía e Raia Luso Española), así coma na revista Xistral do Concello de Lugo.  

máis artigos

Do 19 ao 25 de abril 2021

Do 12 ao 18 de abril 2021

Do 5 ao 11 de abril 2021

Do 29 de marzo ao 4 de abril 2021

Do 22 ao 28 de marzo 2021

Do 15 ao 21 de marzo 2021

Elena Ramos Rascado por Ana Santos

Antonio Lois Pérez

Xosé Manuel Gulías Márquez

Carmen Varela Villamarín

♥♥♥ síguenos ♥♥♥

Español