por Antonio Lois
Na túa lúa escribín versos
en noite de lúa chea.
Son versos de sentimentos
que non precisan de letra,
para así eu poder lelos
atopándome onde sexa.
Nunca, así, esquecerei
meu lugar e miña aldea,
e parte da miña vida
que pasei na miña terra.
Diso, e non doutra cousa,
é dó que fala o poema.
Son versos de sentimentos
que non precisan de letra.
Versos que escribín pra mín,
pra mín e pra miña terra.
Só preciso ollar a lúa,
non preciso ler a letra.
Son versos dó corazón
que sempre escribo sen letra
e, cada vez que ós leo,
síntome un pouco poeta!
Antonio Lois
Antonio Lois
Colaborador
O meu nome é Antonio Lois Pérez.
Nacín un día 4 do mes de xaneiro, ano 1948, no lugar do Castro de Mourelos, parroquia de Mourelos (Saviñao – Lugo).
Son economista e técnico en tintes, estampación e acabados téxtiles.
Actualmente vivo en Barcelona.
Gústame escribir poesía en galego do pobo, o galego dos meus pais, que é o galego que amo; non en galego ilustrado!
Participei en tres libros de poesía (Poetas do Reencontro, Caminhos da Poesía e Raia Luso Española), así coma na revista Xistral do Concello de Lugo.
Non hai moito máis que contar de unha vida moi vulgar!
Son do Castro de Mourelos;
onde mellor se ve o Miño,
onde mellor se ve o ceo;
onde, ulindo ó seu vento,
eu xa sei se vai chover.
¡Que pena que non estén
aqueles que eu amei;
que pena que xa non vexa
o Castro que eu deixei!
A pesar de todo eso;
ou pode sexa por eso,
do Castro sempre serei
máis artigos
♥♥♥ síguenos ♥♥♥
Interessante blog. Com colaborações bem distinguidas.
Moitas gracias polo seu comentario