A Deputación de Pontevedra convida a Antón Pulido a participar no seu ciclo de conferencias “Conversas con arte”. O encontro co artista terá lugar o próximo martes, 14 de maio, ás 19:00 horas, no Salón de Plenos do Pazo provincial do organismo coa presenza do seu vicepresidente Rafa Domínguez. 

Cristina Sánchez-Andrade visítanos de novo, falará con Teresa Cuíñas do seu libro editado por La Navaja Suiza Editores

No marco da programación do congreso internacional ESEE-Degrowth 2024, que terá lugar entre o 18 e o 21 de xuño, o grupo de investigación Post-Growth Innovation Lab promove a Primavera do Decrecemento, unha serie de faladoiros e obradoiros, organizados co apoio da UVigo e do Concello de Pontevedra e dirixidos a afondar nalgunhas das temáticas nas que porá o foco esta conferencia internacional.

Con entrada libre ata completar a capacidade da sala, a programación continúa nesta xornada na Vicerreitoría do campus co faladoiro Cadernos vs. Tablets. Deberiamos desdixitalizar a ensinanza?, no que Ecoloxistas en Acción presentará a campaña que desenvolve nos centros educativos pola desdixitalización da ensinanza. O coloquio será presentado polo investigador Víctor Sánchez.

Estreo do documental O auto das ánimas do director Pablo Lago Dantas. Será presentado por Suso Novás, director de Novos cinemas

Nunha pequena aldea de Galicia, a familia de Pablo vive apegada ás súas antigas tradicións e crenzas. Sentindo que non encaixaba no seu mundo, Pablo foise hai 20 anos para converterse en cineasta. Pero, a medida que el e a súa familia envellecen, unha sensación inquieta nel comeza a facerse máis forte, instándoo a regresar a casa para enfrontar as pantasmas do pasado e atopar respostas, no tempo limitado que aínda teñen xuntos.

Este venres inauguramos a exposición “Geometrías” en Tangram de @josecho_pinceladas . Estarán os seus coloridos colaxes e cadros xeometricos todo o mes de maio.

A Fundación RAC acolle a inauguración da exposición Resonancias, no marco da programación do VIII Foro Internacional da Creación na Fronteira O múltiple que ocupa o espazo, que o grupo de investigación dx5, da Facultade de Belas Artes, promove coa colaboración do Concello de Pontevedra e o financiamento da Universidade de Vigo e da Xunta de Galicia. Dirixida a afondar na evolución da arte gráfica de campo expandido, a exposición reúne unha serie de obras, pertencentes á colección da Fundación RAC, de Stephen Dean, Isidro Blasco, Ignasi Aballi, Antoni Muntadas, Benjamin Torres, Jonathan Hernández e John Baldessari. 

A Asociación Galega do Libro Infantil e Xuvenil (Galix) foi a encargada de elaborar para o Concello de Pontevedra unha exposición sobre a escritora Fina Casalderrey.

A mostra, escrita por María Lado e ilustrada por Nove Noel, leva por título ‘Fina Casalderrey: medrando entre historias’ e está composta por 20 paneis que narran o seu percurso vital e literario.

Son as propias palabras de Fina as que serven de fío condutor da exposición, ao destacar declaracións e anécdotas que ofreceu en diferentes ocasións e medios ao longo da súa carreira.

A exposición itinerante A NOSA ARTE permitirá que todos os galegos e galegas poidan descubrir de primeira man un dos aspectos máis descoñecidos do Parlamento como é a súa colección de arte. Ao longo dun amplo percorrido, que a transportará polas principais cidades e vilas de toda a xeografía galega, esta mostra exhibirá pezas particularmente significativas da arte contemporánea de Galicia. Unha retrospectiva selecta para dar conta da importancia que este tipo de práctica ten como expresión da pertenza a Galicia.

bROTHERS iN bAND – The Very Best of dIRE sTRAITS – European Tour 2023/24

Recoñecidos como o maior espectáculo internacional homenaxe a dIRE sTRAITS, bROTHERS iN bAND recorre Europa visitando Holanda, Portugal, Alemaña, Francia, Luxemburgo, Andorra e España co seu renovado ”The Very Best of dIRE sTRAITS”, transportándonos na súa particular máquina do tempo a través dun repertorio seleccionado, coidado e extenso que xa pertence á memoria colectiva de varias xeracións a nivel mundial.