Hoxe teño unha sensación de desacougo
mesturada de tristeza. O principio dun retorno
a días de esguello e fume ingrávido de cera.
Hoxe teño os pés enlamados de tempo,
prisioneiro dunha carreira a ningures.
Hoxe non teño un propósito claro de ser eu,
un manifesto e un berro,
unhas ganas de rir coa boca aberta de palabras
que me enchan de aire e vento,
que me fagan voar por riba das cores,
dos curutos dos montes e dos ríos,
de fragas mestas e sombrías.
Hoxe, o que tanto amei, devecín,
e polo que vivín, fai equilibrios nun
horizonte de esperanza en perigo.
Hoxe, talvez máis que nunca, son fillo desa
esperanza e síntome parte dun brado comunal
que arde sobre o mar con beleza de solpor.
Hoxe sei que querervos foi,
e será, a miña única obriga.
Xaime Toxo. 2023. Verán
Xaime Domínguez Toxo
Escritor
Bueu, 11 de Novembro de 1955. Licenciado en Filosofía e Ciencias da Educación. Presidente do Ateneo de Pontevedra dende o ano 2007.
Ten publicado na editorial Xerais o libro de relatos AS PALABRAS QUE MOVE O MAR, polo servizo de publicacións da Deputación de Pontevedra conxuntamente co artista Antón Sobral ten publicado o CADERNO DE MAR, na editorial Ancoradouro o libro de relatos PROTEXER O INVISIBLE, na editorial Laiovento o poemario A CASA SEN NÓS. Conta no seu haber con distintos relatos e poemas publicados en libros colectivos, revistas e xornais.
Premios:
- Premio Primeiro Certame Literario “O xadrez faise palabra” da ONCE, Madrid, ano 2000, co relato Escuro é o rostro da memoria.
- Accésit do Premio Modesto R. Figueiredo no 2002.
- Primeiro premio do Certame de relatos do Concello de Paradela no 2002.
- Primeiro premio do Certame Manuel Murguía de narracións breves no 2004.
- Accésit do Premio Modesto R. Figueiredo no 2011, por Eco da afasia.
- Accésit no Certame Manuel Murguía de narracións breves do ano 2011 polo relato Unha viaxe de inverno.
Pedagogo e mestre especialista en Cegueira e Baixa Visión. Forma parte do Equipo de Intervención Pedagóxica en Cegueira, Baixa Visión e Orientación Escolar da O.N.C.E. na provincia de Pontevedra.
máis artigos
Actividades culturais do 29 de abril ao 5 de maio por Ana Santos
by Ana | Abril 28, 2024 | Actividades | 0 Comments
Actividades culturais do 22 ao 28 de abril 2024 por Ana Santos
by Ana | Abril 21, 2024 | Actividades | 0 Comments
Actividades culturais do 15 ao 21 de abril 2024 por Ana Santos
by Ana | Abril 14, 2024 | Actividades | 0 Comments
Actividades do 8 ao 14 de Abril 2024 por Ana Santos
by Ana | Abril 7, 2024 | Actividades | 0 Comments
Actividades culturais do 1 ao 7 de abril 2024 por Ana Santos
by Ana | Marzo 31, 2024 | Actividades | 0 Comments
Actividades culturais do 18 ao 24 de marzo 2024
by Ana | Marzo 17, 2024 | Actividades | 0 Comments
Víctor Pedreira Crespo por Ana Santos Solla
by Ana | Abril 14, 2024 | Historias de vida | 0 Comments
Carmen Fernández Conde por Ana Santos
by Ana | Marzo 10, 2024 | Historias de vida | 0 Comments
Fidelina Gómez Rancaño por Ana Santos
by Ana | Febreiro 11, 2024 | Historias de vida | 0 Comments
Fita a Galana por Ana Santos Solla #devellabella#
by Ana | Xaneiro 14, 2024 | Historias de vida | 0 Comments
Coco Pimentel Piernas por Ana Santos Solla
by Ana | Decembro 17, 2023 | Historias de vida | 0 Comments
Rosabel Piñeiro Boullosa por Ana Santos Solla
by Ana | Novembro 12, 2023 | Historias de vida | 0 Comments
Punto de fusión por Juanjosé Guirado
by Colaborador | Abril 28, 2024 | Articulos | 0 Comments
Florindo da Portela por Manolo Gulias
by Colaborador | Abril 28, 2024 | Literarias | 0 Comments
Alleo á moda por Jose Solla Casqueiro
by Colaborador | Abril 21, 2024 | Fotográficas | 0 Comments
O Vello Cárcere de Lugo e a memoria por Anxo Gonález Guerra
by Colaborador | Abril 21, 2024 | Articulos | 0 Comments