No marco do curso de extensión universitaria O estudo interdisciplinar das construcións históricas. Arqueoloxía da arquitectura, historia da arte e documentación histórica, a igrexa do convento de Santa Clara acolle unha conferencia do arqueólogo e catedrático da Universidade do País Vasco (UPV/EHU) Agustín Azkarate, titulada A Arqueoloxía da Arquitectura, unha oportunidade para a innovación en Patrimonio e Paisaxes Culturais. Aberta ao público, a conferencia do que foi director científico do plan de renovación da Catedral de Santa María de Vitoria-Gasteiz, insírese nas actividades dun curso promovido polas universidades de Vigo e Minho, coa colaboración da Deputación Provincial, do Museo de Pontevedra e da empresa A Citanía Arqueoloxía.

Taller de teatro para adultos impartido por Manuel Solla.

Inscrición a partir do 18 de setembro.

Actividade de balde

E A VIDA CONTINÚA  Abbas Kiarostami, 1992, Irán, 125 min., VOSE Lingua: persa

Despois do terremoto de 1990, Kiarostami regresou á vila de Koker onde uns anos antes gravara Onde está a casa do meu amigo? Combinando ficción e realidade nunha road movie lúdica e conmovedora, o filme segue ao suposto director de Onde está a casa…? (alter ego do propio Kiarostami) para descubrir se a estrela do seu filme está entre os superviventes. Alí atopa unha comunidade resiliente que se enfronta á traxedia mentres o axuda na súa viaxe.
O filme competiu na sección Un Certain Regard no Festival de Cannes de 1992, onde obtivo unha magnífica acollida por parte da crítica, así como o honorífico Premio Rossellini.

A Vicerreitoría do campus acolle o acto de apertura do curso Como captar financiamento europeo para a túa empresa, que a Universidade de Vigo promove xunto coa Deputación de Pontevedra, e no que persoal de máis dunha trintena de empresas da provincia podrá ampliar os seus coñecementos sobre os mecanismos de financiamento europeo e as convocatorias e programas impulsados pola UE. 

Asisten: Belén Rubio, vicerreitora de Investigación, Transferencia e Innovación; María Ramallo, deputada de Fondos Europeos da Deputación de Pontevedra, e Eva Garea, directora da Oficina de Proxectos Internacionais de Educación da UVigo.

Taller de ansiedade e relaxación. Aprende a relaxarte para vivir mellor.

Actividade de gratuita

GODLAND  Hlynur Pálmason, 2022, Dinamarca, 143 min., VOSE  Lingua: danés e islandés

A finais do século XIX, un mozo sacerdote danés que viaxa a Islandia (aínda colonia danesa) coa misión de construír unha igrexa e fotografar os seus habitantes. Pero, canto máis se interna naquela implacable paisaxe, máis se sume nas ansias da tentación e do pecado.
«Impresionante na súa escala épica, magnífica na súa comprensión da paisaxe, penetrantemente incómoda na súa intimidade e severidade humana» (The Guardian). Obrigado vela en pantalla grande

Presentación TALLER DE XESTIÓN DO ESTRÉS E DA ANSIEDADE

O próximo mércores día 27 de setembro ás 16:00h terá lugar un taller de xestión do estrés e da ansiedade, coa psicóloga de Federación Alcer Galicia, Patricia Casal.
Terá lugar no Salón de Actos do Edificio Azul da Xunta de Galicia, na Rúa Benito Corbal (entrada por Javier Puig Llamas nº1), en Pontevedra
Podes apuntarte no 693 714 005

Convidámoste o mércores 27 de setembro, ás 19.00 h, no Café Moderno Afundación de Pontevedra á visita guiada inaugural a cargo do comisario Asier Mensuro.

Neste 2023 cúmprense 50 anos do falecemento de Picasso, e con este proxecto propio analizamos a pegada do grande artista a través de 40 importantes autorías de banda deseñada españolas e galegas que despregan a súa creatividade en máis de 170 pezas, en diferentes soportes e técnicas, e moitas delas concibidas ad hoc para o proxecto.
Ao abeiro de CULTURA POR ALIMENTOS, o programa solidario con FESBAL, animámoste a colaborares cunha doazón para o Banco de Alimentos local.

Pont-Up Store 2023

Pont-Up Store, o encontro do emprendemento promovido polo Campus Crea da Universidade de Vigo, e o Concello de Pontevedra como patrocinador principal, desenvolve os días 29 e 30 de setembro a súa décima edición. Ao longo destas dúas xornadas, máis de 30 novas empresas dan a coñecer os seus produtos e servizos no recinto instalado na praza de España, no marco dun encontro que se completa cun programa de actividades en diferentes puntos da cidade. 

Charla/coloquio: España no ocaso do século XIX e o camiño hacia a guerra civil do 1936.  Análisis histórico dunha época. Feitos e consecuencias

JOAQUÍN RIVERA CHAMORRO

Militar de profesión durante máis de 30 anos. Oficial do exército español del arma de Ingenieros, desplegou en 8 ocasións misions no exterior: Bosnia, Kosovo, Líbano e Afganistán, todas elas en periodos de entre 5 e 7 meses.

Máster oficial en Paz, Seguridade e Defensa polo Instituto Universitario Gutiérrez Mellado.

Actualmente é doctorando de Seguridade Internacional polo mesmo centro, na rama de Historia Militar e das Relacions Internacionais, elaborando unha tesis doctoral sobre a correlación entre militarismo e nacionalismo catalán en España, entre 1876 e 1936.

matricula on line gratuita 

Que é o fogar? a patria dos nosos pais e avós? o sitio onde crecemos? os nosos hábitos e costumes? o lugar onde podemos prosperar?

Cal é a importancia da memoria na nosa concepción do fogar? como nos afecta a dor dos nosos antepasados que deberon deixar o seu? O fogar é estable ou é algo que levamos connosco? Terra firme, pedra, raíces; ou eterno peregrinar entre as múltiples capas que nos van conformando. Cada persoa terá as súas propias respostas ou -mellor aínda- novas preguntas. Talvez, entre todas e todos, podamos construír novas formas de habitar, de compartir, de xerar espazos integradores.

Sibila e Silvana dúas artistas visuais teñen a resposta a esas dúbidas en forma de arte

MJ PÉREZ + O RABELO  

MJ Pérez e O Rabelo darán comezo á terceira edición do Guerrilla 2023.

Dúas figuras clave para entender as reivindicacións de xénero e diversidade afectivo sexual da música galega actual. As butacas do Teatro Principal de Pontevedra mergullanse nun ambiente festivo, inmersivo, animado e ante todo reivindicativo.

mercar entradas

MERDA DE CIUDAD, la historia del rock radical vasco 

A directora Olatz Gorrotxategi achéganos “Mierda de Ciudad” a Pontevedra. Unha peza teatral que fala da música e da vida dunha xeración que busca o seu lugar. Un western musical sobre o auxe e a caída do rock radical vasco.

A obra é un percorrido polas principais reivindicacións dos anos oitenta: a insumisión, o movemento antinuclear, o dereito ao aborto, etc. Unha historia contada en primeira persoa por tres intérpretes e tres artistas colaterais.

mercar entradas

O vindeiro 1 de Outubro…. Domingo, retomamos as rutas Ponteandadas organizadas polo Concello de Pontevedra co a PONTEXTREM e MINIXTREM son 2 rutas simultáneas de 25k e 13 km… xa podedes inscribirvos (datos no cartel) para máis información no Telf. 625482636

A mostra “Siendo” do artista Anxo Rodríguez Ramos inaugurará este próximo luns 18 de setembro, ás 19:30 horas, a tempada expositiva da galería Musart de Pontevedra.

Poderá visitarse ata o 29 de setembro en horario matinal, de 10:30 a 13:30 horas. O artista pintará en directo unha obra na inauguración.

Anxo Rodríguez Ramos, nacido na Coruña, é un estudante da Facultade de Belas Artes.

Dedícase sobre todo á pintura e ao debuxo aínda que tamén fai pequenos proxectos no ámbito musical, xa que ten un grupo onde é o batería: Martes mal.

70 anos pasan rápido. Que llo digan a Leo Bassi.

O irreverente clown mundialmente recoñecido bota a vista atrás e fai balance da súa traxectoria sobre as táboas. Un espectáculo que pon o foco no edadismo e esixe que se respecte a vellez, as experiencias e a acumulación de coñecementos. Unha nova ocasión na que este persoeiro do humor internacional reivindica a risa como ferramenta de reflexión social e o acto teatral como un ritual.

Leo Bassi, a través da súa memoria, descobrenos que hai que volver ao humanismo e aos instintos. Asómbrase da súa enerxía, asumo a súa responsabilidade como chamán e bufón, axitador de emocións que reivindica a risa como unha das grandes forzas da existencia e raíz existencial do seu desexo de provocar. O humor como reflexión da sociedade e o acto teatral como un ritual”.

mercar entradas

OA Singer of Songs é o alter ego de Lieven Scheerlinck, un belga que vive en Barcelona desde hai máis de 20 anos.

Desde 2008 publicou seis álbums de estudo e dous EP colaborativos con Tiny Ruins e Withered Hand. As súas cancións foron comparadas pola prensa con Sparklehorse, Iron & Wine, Vic Chesnutt e “copos de neve caendo a cámara lenta”.

O concerto é de balde e ten acceso limitado, polo que é necesario reservar praza previamente, escribindo a reservas.museo@depo.gal antes do 6 de outubro. Cada persoa pode reservar ata dúas prazas e é necesario indicar un número de teléfono. 

Lieven Scheerlinck publicou esta primavera o seu primeiro libro, titulado Dulce derrota e editado polo selo discográfico Son Canciones, do que é cofundador.

Mercedes Peón con Osmose

Compositora, vocalista e instrumentista galega, Mercedes Peón é considerada como unha das mulleres máis carismáticas do circuíto da world music actual. Comprometida e loitadora, non podía faltar nesta programación.

Achégase a Pontevedra cunha obra moi vinculada á nosa historia: Osmose, que ten como protagonistas ás traballadoras das fábricas de Pontesa e das conserveiras galegas. Un diálogo colectivo a través das imaxes do seu arquivo persoal xunto co traballo visual da ferrolá Peque Varela, o relato fílmico da película Nación, de Margarita Ledo Andión, e a arquitectura lumínica de Laura Iturralde.

mercar entradas

Concurso de Tortilla de pataca española

‘Corentena’. Perdomo e Touriñán en directo

Durante os meses de confinamento en 2020, David Perdomo e Xosé A. Touriñán comezaron a conversar en directo a través de Instagram. Naquelas noites, improvisaban diferentes personaxes e interactuaban cos espectadores que se conectaban a estes vídeos en directo. Agora, e baixo o título de ‘Corentena’, dan o salto aos escenarios nun formato no que Touriñán e Perdomo pretenden pasalo tan ben ou mellor que o público trasladando aos teatros a frescura daquelas noites de comedia.

En ‘Corentena’, os dous cómicos rescatan algúns dos personaxes recorrentes daqueles directos, recreando de xeito artesanal os efectos e filtros cos que se caracterizaban, e tamén nacen novas historias nun espectáculo no que a improvisación e a complicidade co público son as protagonistas.

Mercar entradas

A V edición da nosa Marcha Contra o Cancro encherá as rúas de Pontevedra para reforzar o noso compromiso para que os resultados da investigación cheguen antes ao paciente e que @s investigadores conten cos mesmos recursos que no resto de países europeos.