Viaxe ao SUDESTE ASIÁTICO: Singapur por Sara Valenzuela

Viaxe ao SUDESTE ASIÁTICO: Singapur por Sara Valenzuela

Viaxe a Singapur

Sara Valenzuela Viz

Esta viaxe foi inesquecible, estivemos do 25 de xaneiro ao 24 de marzo. Vouvos falar dos lugares que visitamos e contar un pouquiño do que alí fixemos. Agardo que desfrutedes connosco.

Neste tempo visitamos Singapur, Vietnam, Cambodia e Tailandia.
 
Comezamos por Singapur.
 
O 26 de xaneiro, chegamos a Singapur . No aeroporto tivemos que facer unha serie de trámites de entrada: declaración de saúde e covid, cambiar euros á súa moeda, o dólar de Singapur (aproximadamente 1 euro = 1,5 SGD), cargar a aplicación de taxi (Grab) e comprar unha tarxeta de datos para cada teléfono. A continuación chamamos ao taxi, costou 18,80 SGD e fomos ao hotel que tiñamos reservado, o hotel Rest Bugis.  
 
Fomos  a un hotel porque as casas de aluguer son moi caras, e ademais non hai moita oferta. Trátase dun país no que a xente se despraza da contorna para ir traballar. O hotel estaba céntrico e tiña todas as comodidades, zapatillas, un quentador de auga, paquetes de café e paquetes de leite en po (en Singapur non hai vacas e o leite escasea, polo que se usa  moito o leite en po), botellas de auga. Era reposto a diario o que nos daba moita vida á hora de facer un pequeno almorzo. Cando chegamos ao hotel, deixamos a equipaxe na recepción, porque a entrada era ás 15:00 horas. Tomamos un café no bar do hotel ( 7 SGD cada un), e fomos dar un paseo polos arredores. É un barrio colonial de principios do século XX moi ben conservado con casas e soportais dun piso.  Moi preto está o barrio hindú cos seus bazares e templos, e o barrio árabe, coa súa mesquita e os seus respectivos restaurantes.
 
 Chama a atención a cantidade de restaurantes que hai por todas partes, e a vistosa publicidade que se fai na rúa.  Saber máis
hotel singapur
aninovo chinés
jewel changi
Sara Valenzuela Viz

Sara Valenzuela Viz

Profesora de Historia

Nacín na parroquia de Santirso de Manduas, en Bandeira.

Aos nove anos mandáronme estudar a Santiago e alí pasei uns cantos anos da miña vida, xa que logo fixen Filosofía e letras e liciencieme en Xeografía-Historia.

Exercín de profesora percorrendo moitos centros educativos das catro provincias, penso que de aí vén o que me gusta viaxar.

Levo en Pontevedra 27 anos, nesta fermosa cidade coñecín a unha parte dos integrantes do blog devellabella, no IES Valle Inclán e tamén no Frei Martín Sarmiento. Con eles vivín moitas aventuras, dende a nosa dedicación común ao teatro a festas diversas relacionadas co noso traballo, e sempre me sentín en total confianza.

Levo xubilada dous anos e procuro aproveitalo ao máximo, sobre todo facendo viaxes.

Neste proxecto vou poñer o meu graniño de area, e espero que sexa do voso agrado

Viaxe ao deserto

máis artigos

♥♥♥ síguenos ♥♥♥

Viaxe de 5 días por A Coruña (2ª parte) por Manuel Gulias

Viaxe de 5 días por A Coruña (2ª parte) por Manuel Gulias

Viaxe de 5 días por A Coruña 2ª parte

Manolo Gulías Márquez

VIAXE DE 5 DÍAS POR A CORUÑA NO ANO 2020     

(Segunda PARTE)     

Levantados de novo, por non repetir na cafetería Manhattan, fomos almorzar algo á cafetería A Dorna tamén na Praza de Pontevedra, antes de poñernos en marcha cara o noso primeiro destino.

Cos anos que leva feita, o que está feito pois parece que non rematou de todo, aínda non viramos a Cidade da Cultura no monte Gaiás de Santiago de Compostela e alá fomos, ás dez da mañá tiñamos o coche ben colocado nunha praza do aparcamento da Cidade da Cultura.

Subimos unha rampa moi ben enlousada e aí comezou a nosa visita. Un panel coas indicacións do que nos esperaba estaba á entrada do recinto.

 Este complexo, deseñado polo gran arquitecto norteamericano Peter Eisenman, consiste nun conxunto de edificacións e lugares ao aire libre sorprendente no que é a arquitectura contemporánea, anque nós, polo que vimos, na hora pasada que botamos alí mirando todo o que puidemos mirar, sospeitamos que a utilidade de todo aquelo, posto nunha báscula, co precio no outro platiño, non debe compensar moito… pareceunos que podía haber moito onde gastar tanto carto no lugar de facer isto, pero feito está…

Paralizada a construcción no ano 2013, dous edificios dos proxectados, o Teatro da Ópera e o Centro de Arte Internacional, non chegaron a construirse. No seu lugar construiuse o Edificio Fontán en homenaxe ao xeógrafo Domingo Fontán do arquitecto Andrés Perea, en obras cando nós o contemplamos,  onde se instalarán os servicios compartidos das tres universidades galegas.

Pincha no PDF da dereita para ler a viaxe completa

viaxe Gulias
capela San Antón
Cedeira
Manolo Gulias Márquez

Manolo Gulias Márquez

Docente

Xosé Manuel Gulías Márquez naceu en Pontevedra en 1952, pero foi bautizado en Forcarei de onde eran seus pais. En 1983 aprobou as oposicións por ciencias logo fixo a especialidade de galego e daba as clases nesa lingua. O seu último destino levouno ao instituto onde estudou, é dicir ao Valle Inclán, non podía estar máis feliz xa que despois de case 20 anos non tivo que volver coller o coche. Neste instituto estivo 18 anos ata que con 65 xubilouse, porque xa tiña o tempo de servizo e xa tocaba. Colabora con nós relatando as súas viaxes e os seus relatos.

Viaxe por A Coruña 1ª parte

máis artigos

♥♥♥ síguenos ♥♥♥

Viaxe de 5 días por A Coruña (1ª parte) por Manuel Gulias

Viaxe de 5 días por A Coruña (1ª parte) por Manuel Gulias

Viaxe de 5 días por A Coruña 1ª parte

Manolo Gulías Márquez

VIAXE DE 5 DÍAS POR A CORUÑA NO ANO 202                                      (PRIMEIRA PARTE)     

 Tiñamos ganas de volver a ver certos lugares de Galicia nos que xa estiveramos tempo atrás e de coñecer outros que aínda non viramos, despois de meditalo e consultar un pouco nos mapas, decidimos que iamos percorrer os pobos e vilas do noroeste galego que nos dera tempo de ver en nove días… Como lugar de saída o primeiro día sería Pontevedra, os días seguintes dende A Coruña desprazariámonos ata onde tiveramos estudiada a ruta con posibilidades de variala en calquera momento que nos apetecera. A realidade non foi exactamente o que tiñamos proxectado… anque coa historia da pandemia que estabamos pasando xa sabíamos, que ao mellor, non nos ía saír a cousa tan ben como pensabamos…

O martes día catorce de xullo, a iso das nove e media da mañá, puñémonos en marcha collendo a AP-9 en Pontevedra e saíndo en Padrón, entre as provincias de A Coruña e Pontevedra, non fomos pola estrada nacional porque coñecemos os pobos que hai nela dende hai moitos anos e non queriamos perder tempo. Percorrer os pouco máis de corenta quilómetros de distancia levounos unha media hora.

Pincha no PDF da dereita para ler a viaxe completa

Noia
A sementeira
Fervenza de Ézaro
Manolo Gulias Márquez

Manolo Gulias Márquez

Docente

Xosé Manuel Gulías Márquez naceu en Pontevedra en 1952, pero foi bautizado en Forcarei de onde eran seus pais. En 1983 aprobou as oposicións por ciencias logo fixo a especialidade de galego e daba as clases nesa lingua. O seu último destino levouno ao instituto onde estudou, é dicir ao Valle Inclán, non podía estar máis feliz xa que despois de case 20 anos non tivo que volver coller o coche. Neste instituto estivo 18 anos ata que con 65 xubilouse, porque xa tiña o tempo de servizo e xa tocaba. Colabora con nós relatando as súas viaxes e os seus relatos.

Viaxe por España 2ª parte

máis artigos

♥♥♥ síguenos ♥♥♥

Viaxe a campiña inglesa Bristol e Bath

Viaxe a campiña inglesa Bristol e Bath

Bristol e Bath

Ana Santos Solla

Esta era unha viaxe moi ansiada por nós. Adriana e mais eu levabamos meses preparándoa, pero os prezos dos voos e o verán fixeron que a pospuxeramos ata outubro cando atopamos un voo de Easy jet de ida e volta dende Porto a Bristol por 55 euros.

Deixamos o coche no estacionamento do aeroporto luso e embarcamos. Non pagaramos nada pola equipaxe e aínda que levabamos maletas similares a Adriana parárona e fixéronlle pagar 60 euros aducindo que a súa non era das medidas regulamentarias.

Chegamos a Bristol ás 23:00. Chovía moitísimo e non había paraugas que tapara. Soubemos que a compañía Air Decker  tiña buses cada hora ata Bath e collemos o das 00:00. Custou 16 libras e tardou case unha hora en chegar. O condutor, moi amable, ao ver que chovía tanto e que non había taxis na estación acercounos ao centro a unha parada desde a que por 5 libras chegamos á nosa casiña que apenas estaba a 500 metros.

A nosa habitación estaba na White Guest house , unha coqueta casa con xardín rexentada por Steve onde non faltaba de nada; tiñamos para almorzar zume, iogures, cereais, té e café e un montón de bolería. Pagamos 110 euros por noite.

Venres 13 de outubro 2023: Bath. Excursión polos Cotswold

Tiñamos contratada unha excursión con Madmax tours pola campiña inglesa para coñecer as vilas e aldeas máis bonitas desa zona. Pagamos 88,65 Euros cada unha desde as 8:30 da mañá ata as 17:30 da tarde nun autocar para 16 persoas. O noso guía, Tim Stuckes, facía tamén de condutor e íanos contando en inglés as características do lugar que iamos visitar e logo explicaba nas paradas a súa historia mentras dabamos un agradable paseo.

A primeira parada foi en Castle Combe considerada a segunda vila máis bonita do Reino Unido segundo The Times. Ao longo dunha rúa sucedíanse unhas casas cunhas chemineas enormes. Ao final había un cruceiro cuberto que marcaba a intersección de tres rúas onde se facía o mercado, privilexio concedido á vila no século XIV.

Ler máis

Bansky
Abadía de Mamlmesbury
Termas de Bath
Ana Santos Solla

Ana Santos Solla

Profesora de Educación Física

Son Ana Santos, nacín en Pontevedra no ano 1960, a miña infancia estivo moi ligada a Santa María de Xeve, a terra da miña nai, son a terceira de 8 irmáns, a maior das mozas, a máis vella como me dicían de pequena. Sempre me gustou o deporte e estudei INEF en Madrid, estiven 34 anos no IES Valle Inclán impartindo Educación Física alí foi onde coñecín ao resto dos meus compañeiros que agora me acompañan neste proxecto. Decidín xubilarme para dar un novo rumbo á miña vida e levar a cabo este tipo de iniciativas como @devellabella ue pretende que o envellecemento activo convértase en embelecemento persoal e poder achegar a miña experiencia nesta etapa da vida.

Nós os maiores aínda temos moita guerra que dar, espero que este blogue motívevos a querer colaborar connosco.

Arxentina

Viaxe a Normandía, Vernon, Giverny, Rouen

máis artigos

♥♥♥ síguenos ♥♥♥

Viaxe ao deserto por Sara Valenzuela Viz

Viaxe ao deserto por Sara Valenzuela Viz

Viaxe ao deserto

Sara Valenzuela Viz

Foi unha semana de viaxe, pero a verdade é que moi intensa. Voamos de Madrid a Marrakech onde pasamos unha primeira noite, no lugar de encontro cos outros viaxeiros, porque  se trataba dunha viaxe organizada.

Cando chegamos a Marrakech, o primeiro que fixemos foi comer algunha cousa lixeira e ir á praza, todo en Marrakech xira arredor de “Jamaa el Fna”. Miles de persoas e cada vez máis turistas reúnense neste espazo público ao atardecer que se enche de cor, cultura e negocios; contacontos, profesores expoñendo as súas ensinanzas, encantadores de serpes, bailaríns, pintadoras de tatuaxes de henna, odontólogos, vendedores de zumes de froitas, acróbatas, escritores de cartas, pequenos restaurantes que se van montando, portadores de auga… un número infinito de actividades e xente que se xunta e ateiga a praza o zoco contiguo e as súas rúas circundantes. É impresionante a cantidade de xente que se reúne alí.

Saber máis

Marrocos 3
Marrocos 2
Marrocos 1
Sara Valenzuela Viz

Sara Valenzuela Viz

Profesora de Historia

Nacín na parroquia de Santirso de Manduas, en Bandeira.

Aos nove anos mandáronme estudar a Santiago e alí pasei uns cantos anos da miña vida, xa que logo fixen Filosofía e letras e liciencieme en Xeografía-Historia.

Exercín de profesora percorrendo moitos centros educativos das catro provincias, penso que de aí vén o que me gusta viaxar.

Levo en Pontevedra 27 anos, nesta fermosa cidade coñecín a unha parte dos integrantes do blog devellabella, no IES Valle Inclán e tamén no Frei Martín Sarmiento. Con eles vivín moitas aventuras, dende a nosa dedicación común ao teatro a festas diversas relacionadas co noso traballo, e sempre me sentín en total confianza.

Levo xubilada dous anos e procuro aproveitalo ao máximo, sobre todo facendo viaxes.

Neste proxecto vou poñer o meu graniño de area, e espero que sexa do voso agrado

EEUU parte 1ª

EEUU parte 2ª

EEUU parte 3ª

máis artigos

♥♥♥ síguenos ♥♥♥

Viaxe a Normandía: Vernon, Giverny e Rouen por Ana Santos

Viaxe a Normandía: Vernon, Giverny e Rouen por Ana Santos

Vernon, Giverny e Rouen

Ana Santos Solla

Preparamos esta viaxe con pouco tempo, o máis importante os tíckets da casa de Monet en Giverny que os sacamos por internet e así aforramos a cola que había cando chegamos.

Saímos de Porto ás 12:00 da mañá, deixaramos o coche no aparcamento 5 días 37 euros, o voo custounos 155 euros levando só unha maleta de cabina.

Chegamos a París a CDG e xa tiñamos localizado o RER B para ir a Châtelet e de alí a gare Saint Lazare de onde saía o tren para Vernon, pero non podía ser todo tan bo, resulta que había unha maleta abandonada, sei que é habitual, e quedamos atrapadas no aeroporto durante unha hora sen poder saír, o positivo e que puidemos mercar o billete de transporte por 12,60 deica a estación. O traxecto entre o RER B  e o metro 14 ata Saint lazare tardou unha hora, alí buscamos trens normandos e había unha cola tremenda para entrar, o seguinte saía ás 18:21, conseguimos chegar ao despacho de billetes ás 18:13, non tivemos que correr xa que a vía 24 quedaba en fronte e puidemos chegar tranquilamente. Unha hora de ruta e catro paradas para chegar a Vernon, apenas meteramos nada no estómago e estabamos famentas, fomos ao apartamento a 600 metros da estación e saímos cear con destino a algún dos 3 restaurantes que tiñamos marcados, xa sabemos que os franceses cean cedo, os dous primeiros estaban completos e fomos ao terceiro, Le Quatorze, onde puidemos cear tranquilamente, ao saír demos unha volta polo beira do Sena, camiñamos ata o vello muíño, a fortificación, a noite estaba preciosa e Vernon pareceunos máxico, despois de máis de unha hora de paseo volvemos ao apartamento, ducha quentiña e a durmir….

Ler máis

Vernon
Adriana mais eu
Rouen
Ana Santos Solla

Ana Santos Solla

Profesora de Educación Física

Son Ana Santos, nacín en Pontevedra no ano 1960, a miña infancia estivo moi ligada a Santa María de Xeve, a terra da miña nai, son a terceira de 8 irmáns, a maior das mozas, a máis vella como me dicían de pequena. Sempre me gustou o deporte e estudei INEF en Madrid, estiven 34 anos no IES Valle Inclán impartindo Educación Física alí foi onde coñecín ao resto dos meus compañeiros que agora me acompañan neste proxecto. Decidín xubilarme para dar un novo rumbo á miña vida e levar a cabo este tipo de iniciativas como @devellabella ue pretende que o envellecemento activo convértase en embelecemento persoal e poder achegar a miña experiencia nesta etapa da vida.

Nós os maiores aínda temos moita guerra que dar, espero que este blogue motívevos a querer colaborar connosco.

Arxentina

máis artigos

♥♥♥ síguenos ♥♥♥